Спорт
„Челичниот“ Дел Потро го стопираше Федерер
Роџер Федерер не успеа да ја одбрани титулата од Индијан Велс и да стигне до својот 98. трофеј во кариерата, откако „налета“ на упорниот Аргентинец Хуан Мартин дел Потро, кој го совлада во драматичен меч со 6:4/6:7(8)/7:6(2).
Дел Потро лесно го освои п…


Роџер Федерер не успеа да ја одбрани титулата од Индијан Велс и да стигне до својот 98. трофеј во кариерата, откако „налета“ на упорниот Аргентинец Хуан Мартин дел Потро, кој го совлада во драматичен меч со 6:4/6:7(8)/7:6(2).
Дел Потро лесно го освои првиот сет со еден брејк, по што во вториот сет имаше една меч-топка, но Швајцарецот се врати во тај-брејкот за да примора трет сет со 10:8. Тај-брејкот беше доста нервозен и двајцата тенисери имаа проблеми со судиските одлуки.
Во третиот сет, се играше поен-за-поен до 4:4, кога Федерер го направи клучниот брејк за да поведе со 5:4 и да добие шанса да сервира за победа. Тој пропушти меч-топка, и Аргентинецот успеа да израмни на 5:5, по што беше јасно дека ќе се игра тај-брејк. Во одлучувачките моменти, Дел Потро направи предност од 5:0, која на крајот ја задржа и ги доби тај-брејкот со 7:2.
За Дел Потро ова е седма победа во 25 дуели со Швајцарецот, но затоа во финалињата тој има 4-2 скор против Швајцарецот, вклучувајќи ги победите на САД опен во 2009 година и победите над Федерер на неговиот домашен турнир Свис Индорс во Базел во 2012 и 2013 година. Со победата, Дел Потро дефинитивно покажа дека на него мора да се смета оваа сезона, посебно на големите турнири.
За Федерер пак, со ова се стави крај на неговиот најдобар почеток на една година, по низата од 17 победи едноподруго. Шанса за нов трофеј ќе има веднаш, кога ќе ја брани титулата од Мајами опен, каде што мора да направи добар резултат за да го одбрани и првото место на АТП листата.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Челси го доби градското дерби против Тотенхем

Фудбалерите на Челзи во последниот натпревар од 30. коло на Премиер лигата го совладаа градскиот ривал Тотенхем со резултат 1:0.
По првото полувреме каде што немаше возбудувања, второто полувреме беше многу поинтересно.
Во 50. минута Енцо Фернандеш одлично реагираше по центаршут и со глава ја упати топката во мрежата на Викарио.
Избраниците на Енцо Мареска можеа да го зголемат водството само шест минути подоцна, но голот на Мојсес Каиседо беше поништен поради офсајд.
Постигна гол и Тотенхем, но тој беше поништен по реакцијата од ВАР собата.
Папе Сар успеа од голема далечина да ја насочи топката кон голот и на крајот да го совлада Санчез, но и овој гол беше поништен, бидејќи истиот играч пред тоа направи прекршок, а на крајот наместо гол доби жолт картон.
По оваа победа, Челзи ги мина Манчестер сити и Њукасл на табелата во Премиер лигата и сега го зазема четвртото место, со еден бод повеќе од тимот на Пеп Гвардиола.
Во следното коло избраниците на Енцо Мареска гостуваат кај тимот на Брентфорд, а Тотенхем на домашен терен ќе игра против Саутемптон.
Спорт
(Видео) Едвардс се запиша во историјата, Баерн не успеа да го победи Макаби

Кошаркарот на Баерн Минхен, Карсен Едвардс, влезе во историјата на Евролигата. Постигна осум тројки во една четвртина во поразот на Баерн од Макаби 90:93 во 33. коло.
Плејмејкерот на Баерн, постигна осум тројки во една четвртина. Едвардс во третиот период погоди осум тројки од исто токлу обиди, првото промашување надвор од линијата 6,75 го имаше на 25 секунди пред крајот на четвртината. Едвардс во третата четвртина постигна 26 поени, тој собори два рекорда (најмногу тројки и најмногу поени во една четвртина).
Cars3n Edwards with 7 three pointers in the third quarter😱@FCBBasketball pic.twitter.com/MiP3dNh9uB
— Turkish Airlines EuroLeague (@EuroLeague) April 3, 2025
Баерн не успеа да победи иако во последната четвртина влезе со предност од 14 поени. Макаби ја стигна предноста во последниот период, а победата на Израелците им ја обезбеди Ливај Рендолф кој погиди четири слободни фрлања во последните десетина секунди.
Карсен Едвардс беше најефикасен со историска партија и постигна 33 поени, додека Шабаз Напиер постигна 17.
Во редовите на Макаби 20 поени уфрли Џими Кларк, 16 Левај Рендолф, 12 Рокас Јокубаитис.
Спорт
Нан го растури Монако, Партизан поразен во Каунас

Монако вечерва ја обезбеди предноста на домашниот терен во четвртфиналето, а Партизан ги загуби шансите за пласман во плеј-ин. Панатинаикос победи во Монако 88:76, а Партизан доживеа пораз од Жалгирис во Каунас 70:66.
Кендрик Нан уште еднаш покажа дека е неверојатен кошаркар, вечерва ја истакна кандидатурата за МВП на сезоната, го предводеше својот Панатинаикос до победа над Монако на гостински терен во претпоследното коло од Евролигата.
Во последното, 34. коло, ПАО ќе ја пречека Црвена звезда и се чини дека Кендрик Нан е „максимално наострен“ и оваа средба заврши со 37 поени.
Постигна 18 поени во првото полувреме, па уште 12 (со индекс 14 во тие 10 минути) во третата четвртина и седум во последниот период.
Партизан во Каунас го пропушти последниот воз за место во плеј-ин. Жалгирис одамна ги загуби шансите за пласман во доигрувањето, но максимално го одигра последниот евролигашни меч сезонава пред своите навивачи.
Поразот уште повеќе ќе ги боли црно-белите, бидејчи нивниот поранешен играч Ален Смајлагиќ ги постигна последните поени на мечот. Смајлаги постигна 14 поени еден помалку од најефикасниот играч на жалгирис Силван Франциско.
Карлик Џонс беше најефикасен во тимот на Партизан со 23 поени, од кои 16 во првото полувреме. Брендон Дејвис постигна 10 поени со шест скока, Исак Бонга постигна девет поени со шест скока, а Стерлинг Браун и Алексеј Покушевски по седум поени.