Во кривичниот суд повторно е одложено судењето за случајот „Ровер“. Претставници на адвокатската канцеларија „Медарски“ изјавија дека адвокатот Филип Медарски ќе го брани обвинетиот Вук Вукичевиќ и дека му треба време да се подготви за одбраната.

„Јас сум најредовен на рочиштата“, рече поранешниот министер за внатрешни работи, Љубе Бошкоски, на што обвинителката Лидија Раичевиќ додаде дека и таа е редовна на судењата.

„Јас би сакала да ме смените, ама не ви тргнува од рака“, рече обвинителката Раичевиќ. „Ќе даде Господ“, ѝ одговори Бошкоски.

Овој предмет скопска Апелација двапати го враќа на повторно одлучување. Предметот за случајот „Ровер“ во кој е обвинет поранешниот министер за внатрешни работи, Љубе Бошкоски, по третпат почна во 2015 година, но нема одржано ниту едно рочиште. Причината за одлагање најчесто е отсуство на некоја од странките во постапката.

Случајот „Ровер“ се однесува на убиството на Марјан Тушевски и Киро Јанев што се случи во Скопје во јули 2001 година. Основниот суд Скопје 1 во ноември 2014 година во повторена постапка донесе пресуда со која повторно ги прогласи сите десетмина обвинети за виновни. Поранешниот министер за внатрешни работи,  Љубе Бошкоски ,за помагање на убиство доби 10,5 години затвор, Зоран Трајковски доби 8,5 години затвор, Сашко Јовановски и Ивица Ристиќ добија по 7 години затвор, додека на Гоце Митревски и Никола Негриевски им беа изречени затворски казни од 6 години затвор.  Првите тројца обвинети, пак, кои според Обвинителството се директните извршители на убиството, во отсуство беа осудени  на доживотна казна затвор. Четвртообвинетиот Вук Вукичевиќ, исто така странски државјанин на кого му се судеше во отсуство, за помагање доби 15 години.

Во октомври 2015 по третпат почна судењето во Основниот суд Скопје 1.

Најмалку 26 лица загинаа, а 18 се повредени во денешниот самоубиствен бомбашки напад во Кабул, главниот град на Авганистан.

Според информациите, експлозијата одекнала во западниот дел на Кабул, во близина на шиитски храм.

Нападот се случил за време на одбележувањето на празникот Нору, со кој се означува почетокот на персиската Нова година, објави „Ројтерс.“

Гевгеличанка пријавила дека вчера додека се шетала до чешмата наречена Долна чешма во с. Хума, Гевгелиско, забележала починато лице.

На местото на настанот излегла увидна екипа од Полициската станица Гевгелија и било утврдено дека починатиот бил С. П. (67) е од Гевгелија.

Од страна на лекар од итната медицинска помош од Гевгелија била констатирана смрт. По наредба на јавен обвинител телото на починатиот било предадено за обдукција.