Спорт
Сè за добар наслов – Мејведер го презема Њукасл јунајтед!
Британските таблоиди се познати по своите „супер-вести“ уште пред да бидат „измислени“ фејк-њуз, така што „Сандеј стар“ само се приклони кон традицијата кога најави дека Флојд Мејведер Јуниор е заинтересиран да го откупи премиерлигашот Њукасл јунајтед….
Британските таблоиди се познати по своите „супер-вести“ уште пред да бидат „измислени“ фејк-њуз, така што „Сандеј стар“ само се приклони кон традицијата кога најави дека Флојд Мејведер Јуниор е заинтересиран да го откупи премиерлигашот Њукасл јунајтед.
Њукасл официјално е на продажба од страна на сопственикот Мајк Ешли, а иако постоеја шпекулации дека конзорциум предводен од британската инвеститорка Аманда Стејвли е подготвен за откуп, засега нема многу заинтересирани страни. Според „Сандеј стар“, американскиот боксер е еден од заинтересираните.
„Ако јас инвестирав во Њукасл ќе се забавував таму често. Го сакам Њукасл. Тие момци знаат како да се забавуваат. Лани се сретнав со дел од играчите и тие се добри момци. Секогаш сум отворен за нови бизнис можности, но инвестирам со главата, а не со срцето. Да имаше добар бизнис план, моите луѓе ќе го разгледаа. Фудбалот можеби не е мој спорт, но имам врски насекаде“, го цитира весникот Мејведер.
Колку е веродостојна веста најдобро кажува што се појави „долу“ на 13-тата страна на весникот. Посериозниот весник „Њукасл хроникл“ ја испита приказната и потврди дека немало никаков контакт меѓу клубот и боксерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА потврди – 26 наместо 23 играчи на ЕУРО 2024
Репрезентациите кои ќе учествуваат на претстојното Европско првенство во Германија ќе имаат на располагање 26 играчи, потврди УЕФА.
Извршниот комитет на Европската фудбалска унија потврди дека е смнето правилото според кое селекторите на можеа да пријават 23 фудбалери.
Овој предлог беше поддржан претходно оваа година на состанокот на Националниот комитет за натпреварување на УЕФА.
Идејата за прв пат беше претставена на селекторскиот собир во Дизелдорф.
Оваа измена беше предложена поради згуснатиот распоред оваа сезона и ризикот од повреди.
Претставниците на Националниот натпреварувачки комитет во петокот и официјално го заверија сето она што беше претходно предложено, договорено и прифатено од мнозинството.
Европското првенство ќе се одржи од 14 јуни до 14 јули во Германија.
Спорт
Клоп се жали на распоредот: Криминал е ова што ни го прават
Пренатрупаниот распоред на натпревари го натера менаџерот на Ливерпул, Јирген Клоп, уште еднаш да проговори на оваа тема. Германецот кој си заминува од Ливерпул на крајот на сезоната застана во одбрана на своите играчи и рече дека само чека агенцијата за заштита на човековите права да интервенира во креирањето на распоредот.
„Распоредот е апсолутно луд. Не е нормално Ливерпул да игра натпревар во сабота во 12:30. Никогаш повеќе нема да ја гледам телевизијата ТНТ (го емитува овој натпревар). Мора да играме четврток, недела, среда и сабота во 12:30 часот ова што ни го прават е криминал“, изјави Клоп.
Ливерпул е тим со голем број навивачи ширум светот и затоа игра во посебни времиња, што е прилагодено на носителите на телевизиските права. Избраниците на Клоп доживеаја серија неуспеси, поради што речиси отпаднаа од трката за шампионската титула.
Спорт
Модриќ мора да се прифати два услови доколку сака да остане во Реал
Лука Модриќ има договор со Реал до крајот на сезоната и се уште не е познато каде ќе игра 38-годишниот играч за врска следната сезона. Желбата на Модриќ е да остане во Реал, но има голем број понуди од други клубови.
Капитенот на хрватската репрезентација го бараат Динамо, саудиски клубови, екипи од МЛС лигата, а се почесто се зборува и за интересот на Јувентус.
Карлос Карпио, новинар на „Марка“, откри дека Модриќ мора да прифати два услови доколку сака да остане во Реал. Мора да прифати да биде резерва и да прифати значително намалување на платата. Модриќ наводно заработува околу 20 милиони евра по сезона.
„Се сомневам дека ќе остане во Реал, но ако остане, тоа ќе биде со помала плата. Модриќ не прифати добро ниту една одлука на Анчелоти да биде резерва. Легендите никогаш не се послушни замени“, вели Карпио.
Модриќ сезонава забележа 40 настапи, два гола и шест асистенции. Хрватото во Реал пристигна во 2012 година од Тотенхем за 35 милиони евра.