Спорт
Сериозни зборови од Британија: Путин ќе го искористи СП како Хитлер Олимпијадата!
Британскиот министер за надворешни работи, Борис Џонсон ги „распали“ тензиите пред Светското првенство во Русија, велејќи дека претседателот Владимир Путин ќе го искористи Мундијалот исто како што Адолф Хитлер ги искористил Олимписките игри во Берлин в…
Британскиот министер за надворешни работи, Борис Џонсон, ги распали тензиите пред Светското првенство во Русија велејќи дека претседателот Владимир Путин ќе го искористи мундијалот исто како што Адолф Хитлер ги искористил Олимписките игри во Берлин во 1936 година.
Односите меѓу Русија и Велика Британија се на најниско можно ниво последните недели кога поранешниот руски шпиуон Сергеј Скрипал беше отруен со нервен гас во близината на својот дом во Салисбјури за што Британците дефинитивно го обвинуваат Путин. Русија на ова луто одговори, а двете нации ги вратија своите дипломати.
Џонсон, кој претходно најави дека Англија не треба да настапува на мундијалот, сега вели дека Путин, кој беше реизбран за претседател со 70 отсто од гласовите, ќе се однесува исто како Хитлер.
„Мислам дека оценката за тоа што ќе се случува во Москва на Светското првенство, на другите стадиони, ќе биде споредено со 1936 година. Не е убаво да се помисли дека Путин ќе слави на ова спортско натпреварување“, изјави Џонсон одговарајќи на прашање од лабуристичкиот пратеник Јан Остин, кој оцени дека „Путин ќе го користи шампионатот исто како што Хитлер ја искористи Олимпијадата во 1936“.
Остин повтори дека Англија треба да се повлече од мундијалот во знак на протест.
„Искрено, сметам дека Англија не треба да учествува на Светското првенство. Не треба да го поддржуваме Путин во неговата пиар-забава да ги замачка сериозните нарушувања на човековите права за кои само тој е одговорен“, изјави Остин.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул потврди: Слот е замена за Клоп
Ливерпул дефинитивно го потврди доаѓањето на Арне Слот за менаџер.
Клубот од Енфилд на социјалните мрежи објави дека токму холандскиот стручњак ќе ги предводи „црвените“ во наредните години.
„Ливерпул може да потврди дека Арне Слот се согласил да биде нов менаџер на клубот и тој официјално ќе ја преземе таа функција од 1 јуни, откако ќе добие работна дозвола“, се вели во соопштението на Ливерпул.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌
— Liverpool FC (@LFC) May 20, 2024
Слот на кормилото ќе го замени Јирген Клоп, кој реши да се пензионира по девет години.
Слот пристигнува по три многу успешни сезони во холандскиот фудбал со Фејенорд, кој го водеше до титулата минатата година и двапати беше менаџер на годината.
Во април со клубот од Ротердам го освои Купот на Холандија со победата над НЕЦ од 1:0.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.