Спорт
Хамилтон на пол-позицијата во тесните квалификации во Мелбурн
Каде што ја завршија 2017, таму ја почнаа 2018 – Луис Хамилтон ја освои пол-позицијата на Австралиското ГП, победувајќи ги двајцата возачи на Ферари и покажувајќи дека Мерцедес сериозно планира да ја одбрани титулата и оваа година.
Ова е седма пол-пози…
Каде што ја завршија 2017, таму ја почнаа 2018 – Луис Хамилтон ја освои пол-позицијата на Австралиското ГП, победувајќи ги двајцата возачи на Ферари и покажувајќи дека Мерцедес сериозно планира да ја одбрани титулата и оваа година.
Ова е седма пол-позиција во Мелбурн за четирикратниот светски шампион, со што го помина рекордот на неговиот идол, Аиртон Сена. Сите квалификациски сесии беа тесни со разлики од под една стотинка од секундата, но на крајот со супер-кругот Хамилтон беше за 0.6 секунди пред конкуренцијата.
Веднаш до Хамилтон ќе стартува Кими Раиконен во Ферари, пред колегата Себастијан Фетел, додека четврти беше Макс Ферстапен во Ред бул. Фантастичната форма на малиот американски Хас Ф1 тим беше потврдена откако петтото и шестото место беше резервирано за Кевин Магнусен и Роман Грожан, со што се најавува дека на почетокот на сезоната тимот кој постои само три години ќе се бори и за подиуми.
Седмото место го освои Нико Хилкенберг во фабричкото Рено, пред Даниел Рикјардо, кој ќе стартува најмалку од 12. место поради казната од три места која ја доби за петочните тренинзи, додека деветти беше вториот возач на Рено, Карлос Саинс јуниор. Валтери Ботас го „искрши“ својот Мерцедес и беше последен во третата квалификациска сесија.
?RED FLAG ? Q3
Heavy impact for Bottas at Turn 2#Quali #AusGP #F1 pic.twitter.com/yKgWbIfQW9
— Formula 1 (@F1) March 24, 2018
Најавите на Мекларен дека се меѓу топ 5 тимовите не се остварија откако Фернандо Алонсо и Штофел Фандорне не успеаја да влезат во последните квалификации и на крајот беа на 11. и 12. место. По нив следуваа Серхио Перез (Форс Индија), Ленс Строл (Вилијамс), Естебан Окон (Форс Индија), Брендон Хартли (Торо росо), Маркус Ериксон (Заубер), Шарл Леклер (Заубер), Сергеј Сироткин (Вилијамс) и Пјер Гасли (Торо росо).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.
Спорт
Почина легендарниот Аргентинец, Цезар Луис Меноти
Аргентинскиот фудбалски тренер Цезар Луис Меноти почина на 85-годишна возраст, соопшти аргентинскиот фудбалски сојуз.
Меноти, познат и како „Ел Флако“ (Слабиот), го освои Светското првенство во фудбал во 1978 година како селектор на Аргентина.
Роден е во градот Росарио, а најголемиот дел од својата кариера го помина во истоимениот клуб. Играше и за Бока Јуниорс.
Како тренер, меѓу другите ги водеше Њуелс Олд Бојс од Росарио, Бока Јуниорс, Ривер Плата, Атлетико Мадрид, Барселона и Индепендиенте, а покрај сениорскиот тим беше селектор и на аргентинската репрезентација под 20 години, како и Мексико.
Меноти последниот месец го помина во болница поради анемија.
Шпанска „Марка“, наведува дека Меноти како тренер ја пропагирал идејата за фудбалот како уметнички израз, наспроти „биладиризмот“, кој го имплементирал аргентинскиот тренер Карлос Билардо, а кој вклучувал користење на сите достапни сегменти од играта за да се постигне победа по секоја цена.
Спорт
Ферстапен за Норис: Ова нема да биде неговата последна победа
Втор пат во 2024 година, Макс Ферстапен не триумфираше на една од трките во Формула 1 шампионатот Холанѓанецот мораше да се откаже во Австралија поради проблеми со сопирачките (победи Карлос Саинц), а во неделата вечерта во Мајами, шампионот беше поразен од Британецот Ландо Норис.
Норис ја постигна првата победа во својата 110. трка во кариерата, а по тој повод зборуваше и Ферстапен.
„Понекогаш победуваш, а понекогаш губиш. Сите сме навикнати на тоа во тркачкиот свет, нели? Денеска ми беше малку проблематично. Дури и на мидиум пневматиците не се чувствував удобно. Правевме предност но не на востонски начин. Кога слушнав како Мекларен поминува во боксот, помислив: „Леле, тоа е навистина брзо“. Тој леташе. Тој дел беше навистина тежок за нас“, изјави Макс Ферстапен по трката.
„Многу сум среќен за Ландо. Долго чекаше на оваа победа, а нема да му биде последна. Дефинитивно го заслужи триумфот“, изјави актуелниот шампион во Формула 1.
На прашањето дали оваа трка е одраз на вистинската брзина на надградениот болид на Мекларен, Ферстапен одговори:
„Се надевам дека не!
Во генералниот поредок води Верстапен со 136 бодови, пред Перез со 101, додека Леклер е трет со 98.
Овогодинешниот шампионат во Формула 1 продолжува со Големата награда на Емилија Ромања на патеката „Енцо и Дино Ферари“ од 17 до 19 мај.