Спорт
Бејл веќе одлучил дека ќе игра за Манчестер јунајтед?
Герет Бејл веќе одлучил каде ќе биде следната година и сигурно ќе замине од Реал Мадрид за кам-бек во Премиер лигата, во тимот на Манчестер јунајтед, тврди британскиот „Мирор“.
Според британскиот весник, колегите на Бејл од Мадрид се „убедени“ дека тој…
Герет Бејл веќе одлучил каде ќе биде следната година и сигурно ќе замине од Реал Мадрид за кам-бек во Премиер лигата, во тимот на Манчестер јунајтед, тврди британскиот „Мирор“.
Според британскиот весник, колегите на Бејл од Мадрид се „убедени“ дека тој решил да се врати во Премиер лигата по неколку сезони одбележани со повреди. Единствен начин за овој трансфер да не се случи е Зинедин Зидан да добие отказ од местото тренер на Реал, бидејќи Велшанецот верува дека тој е неговата најголема „пречка“ за среќен живот во Мадрид.
Манчестер јунајтед подолго време се заинтересирани за неговите услуги, и кога Реал и Јунајтед го играа европскиот Суперкуп во Скопје минатото лето, главна тема кај сите новинари од островот беше „подготвениот“ трансфер на Бејл.
Тотенхем и Челси исто така би биле заинтересирани, но останува да се види дали тие би биле подготвени да ја платат високата цена за Бејл, која ќе дојде до 100 милиони евра, речиси исто колку што платија „Лос бланкос“ за него. Останува да се види дали оваа сага ќе има крај во текот на летото.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.