Спорт
Вујовиќ во „елемент“: Судиите смрдат на алкохол!
Словенечкиот селектор Веселин Вујовиќ ја продолжува „војната“ со Европската ракометна федерација (ЕХФ), односно против судиите, откако даде нова контроверзна изјава по фарсата која се случуваше на Европското првенство во Хрватска во јануари.
Откако доб…
Словенечкиот селектор Веселин Вујовиќ ја продолжува „војната“ со Европската ракометна федерација (ЕХФ), односно против судиите, откако даде нова контроверзна изјава по фарсата која се случуваше на Европското првенство во Хрватска во јануари.
Откако доби суспензија поради однесувањето во текот на мечот од ЕХФ купот меѓу Нексе и Копер во Нашице, црногорскиот тренер влезе во остар напад на судиите.
„Ако го кренам гласот, веднаш ме казнуваат. Ги сакаат тие што молчат. Кога има натпревари, секогаш се во најдобрите хотели, се возат во најдобрите автомобили, бираат што ќе јадат во рестораните, додека тимовите мака мачат со превозот со јадењето. Затоа спортот не напредува. Знам дека повторно ќе ме казнат, но нека. Јас сум горд и не се плашам“, изјави Вујовиќ во интервју за шпанското радио „Марка“.
Тој знае дека темпераментот му носи проблеми, но вели дека нема да потклекне под притисок.
„Нема да кажам дека јас сум невин, но некогаш не можам да издржам. Понекогаш кога ќе направат грешка, а јас ќе скокнам, почувствувам мирис на алкохол. Сакав неколку пати тоа да се забележи во записникот, но ми велеа да не пријавувам. Зошто? Бидејќи клубот ќе биде казнет, а не судиите. Еднаш ќе те украдат, следниот пат ќе те смируваат, за третиот пат судењето да биде во твоја корист и тоа скандалозно. Денешните судии живеат од ракометот и ги гледаат своите интереси“, вели тренерот на Копер.
Vujovic, indignado con su sanción: “No tengo miedo a estas personas que a veces huelen a alcohol y están gordas de todo lo que comen” https://t.co/s00b2EVBd6 pic.twitter.com/K51GY5BSb7
— MARCA (@marca) March 21, 2018
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.