Македонија
Претседателот на Врховниот суд ќе го изгуби правото на глас во Судскиот совет
Со новиот предлог-закон за изменување и дополнување на Законот за Судскиот совет, кој е на прво читање во собраниската комисија за политички систем и односи меѓу заедниците, се предлага претседателот на Врховниот суд, кој е член на Советот, да го изгуби правото на глас со што се отстранува можноста од негово влијание врз начинот на одлучувањето во Советот. Оваа измена е во согласност со Националната стратегија за реформа на правосудниот сектор. Со измените се предлага скратување на мандатот на претседателот на Советот од три на две години без право на повторен избор бидејќи тој е прв меѓу еднаквите и сите членови со право на глас уживаат еднакви права, обврски и одговорности како членови.
Се предвидува судијата како кандидат за член на Советот наместо како досега да ги доставува оцените за резултатите од своето работење за последните три години, да доставува оцени за последните две последователни оценувања, што всушност значи оценка добиена во работата за четири години работа како судија. Во законките измени се ограничува можноста за член на Советот што го избира Собранието да биде предложен судија или јавен обвинител кој во моментот на огласот вршат судиска или јавнообвинителска функција. Ова се предлага за да не се наруши балансот на еквивалентна застапеност на судии и истакнати правници во Советот.
Членовите на Судскиот совет ќе може да бидат времено оддалечени од вршење на функцијата член на Совет во случај кога за член на Совет е одобрен обвинителен акт за кривично дело „злоупотреба на службената должност“ и овластување во вршењето на функцијата член на Советот или друго кривично дело за кое е предвидена безусловна казна затвор од шест месеци. Се предлага одлуката да ја донесува Советот со двотретинско мнозинство на гласови од вкупниот број членови со право на глас со тоа што од седницата и од гласањето се иззема членот на Советот против кого е поведена постапката.
Со членот 11 се воведува нов член со кој се ограничува можноста член на Совет за време на траењето на неговиот мандат да биде избран за судија, избран за судија во повисок суд или за претседател на суд. Со предложеното дополнување се отстранува можноста за секој член на Советот за време на неговиот мандат како член на Совет да влијае на работата на Советот, а заради свое лично унапредување. Се создаваат можности иницијатива за поведување постапка за утврдување на одговорност на судија да биде поднесена од секој подносител кој има интерес за тоа. Досегашното решение беше ограничувачко и како подносители на барање за поведување постапка за утврдување одговорност на судија беа предвидени: член на Советот, претседател на суд или повисок суд или општа седница на Врховен суд. Новото решени што се предлага ќе овозможи секој кој има оправдан интерес да се јави како подносител на иницијатива за утврдување одговорност на судија.
Предлог-законот го уредува соодност на квалитативните во однос на квантитативните критериуми при формирањето на конечната оцена на судот на начин што се предлага истите да бидат во сооднос 60% квалитативна оценка наспроти наспроти 40% квантитативна оценка. Со членот 49 се предлага декласификација на содржината на решението за оценување на работата на судијата и претседателот на судот од причина што тие вршат јавна функција. Се предвидува подзаконските акти предвидени со законот Советот да ги донесе во рок од три месеци од денот на влегување во сила на овој закон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Од полноќ почнува изборниот молк
На полноќ почнува изборниот молк пред парламентарните и вториот круг од претседателските избори, кои ќе се одржат в среда.
Изборниот молк ќе трае до среда до 19 часот, односно до затворањето на избирачките места.
Се гласа на 3.480 избирачки места.
Утре (7 мај) гласаат иселениците, болните и изнемоштените, затворениците, лицата во старските домови и две раселени лица.
Според Државната изборна комисија (ДИК), за претседателските избори биле пријавени 1.814.317 гласачи, а за парламентарните избори вкупно 1.815.350 гласачи.
За време на молкот, медиумите продолжуваат да известуваат за изборниот процес, но престануваат сите облици на изборно медиумско претставување на учесниците во изборната кампања, информираат од Агенцијата за аудио и аудиовизуелни медиумски услуги.
„Според Изборниот законик, за прекршување на изборниот молк се смета емитувањето какви било информации, фотографии, аудио и аудиовизуелни материјали поврзани со или во кои учествуваат учесници во изборите, какви било облици на медиумско известување кои се отворено или прикриено во функција на нечија кампања и можат да влијаат врз одлуката на избирачите, податоци со кои се открива идентитетот на политички субјекти и/или поединци вклучени во инциденти или неправилности на денот на гласањето; како и изјави од кандидати во изборниот процес, од претставници на политички партии и од носители на функции во органите на власта“, се појаснува во соопштението од Агенцијата за аудио и аудиовозуелни медиумски услуги.
Македонија
Апасиев: Сиромашниот Албанец, сиромашниот Ром, сиромашниот Бошњак, сиромашниот Турчин ни е поблизок од македонскиот чорбаџија
На денешниот завршен Народен собир на Левица од Парламентарна кампања, 2024, се обрати претседателот на Левица и Носител на ИЕ1, Димитар Апасиев.
,,AСНОМ е она што сега го возобнувуваме. Тие што нè ословуваа дека сме националисти, нека знаат дека повеќе Турци и Бошњаци ќе влезат преку листите на Левица, отколку преку нивните етнотрибалистички листи”, рече Апасиев во своето обраќање кон граѓаните.
Според Апааиев, Левица не е лажна опозиција и Левица има светла иднина.
,,Оставете ги овие балони што се дуваат, овие максовци кои ќе испарат за година – година и пол. Ние на овие избори очекуваме да влеземе со пратеничка група, а нашиот народ знае дека треба да го даде гласот за Левица!”, порача Апасиев.
Својот говор, Апасиев го заокружи со благодарност до членовите и симпатизерите на Левица.
,,Сакам да ви се заблагодарам најискрено и најчовечки, бидејќи вие сте денес тука – водени од идеали и од каузата што нè обединува. Никој од вас не зеде пари, за да дојде тука на овој заеднички Народен собир на Левица. Никој од вас не го вработивме преку Левица. Сега имаме набљудувачи во рекорден број. Како никогаш досега разваливте на терен. Веќе го надминавме епитетот на мала и фејсбук – партија, затоа се плашат од нас. И има зошто да се плашат!”, додаде Апасиев.
Во однос на класната борба, претседателот Апасиев рече:
,,Сиромашниот Албанец, сиромашниот Ром, сиромашниот Бошњак, сиромашниот Турчин ни е поблизок од македонскиот чорбаџија. И затоа, елајте, браќа и сестри! Елајте, народи и народности! Елајте во Левица, за да го вееме бајракот на слободата!”
Македонија
Силјановска-Давкова: Времето на жените доаѓа, срамота е што 30 години сме немале жена претседателка или премиерка
Во рамките на активностите на кандидатката за претседателка на државата, Гордана Сиљановска-Давкова, таа се обрати на трибината на тема „Жени“ која се одржа во Јавна соба.
„Во мојата програма има посебен дел посветен на жените. Подолго светот живеел како патријархат отколку матријархат. Повеќе жени во политика, повеќе гаранции за помалку насилство. Срамота е 30 години да не сме имале жена претседателка, жена премиерка. Да им ставиме крај на Венецијанските трговци“, порача Давкова.
Како што додаде, жените имаат што да покажат, имаат вулканска сила и мажите треба да се инспирираат од нив.
„Времето на жените доаѓа. Сега е време за машка еманципација. Македонија е во женски род, политиката е во женски род. Женскоста е квалитет неискористен. Промените наскоро доаѓаат“, рече Давкова на трибината.