Спорт
Фудбалерите во Премиер лигата се „дрогираат“ со снус?
Фудбалерите од Премиер лигата на „широко“ користат снус, стимулант кој е забранет во Британија за добивање на предност пред ривалите, тврди британскиот таблоид „Дејли мејл“.
Што точно е снус? Се работи за продукт од тутун кој потекнува од Шведска, и ко…
Фудбалерите од Премиер лигата на „широко“ користат снус, стимулант кој е забранет во Британија за добивање на предност пред ривалите, тврди британскиот таблоид „Дејли мејл“.
Што точно е снус? Се работи за продукт од тутун кој потекнува од Шведска, и кој се поставува над горната усна и дава речиси трипати повеќе никотин од обичната цигара. Снусот според извештаите ја зголемува будноста, моќта и силата, но продажбата е забранета во поголемиот дел од Европа, вклучувајќи ја и Велика Британија од 1992 година поради поврзаност на користењето со рак. Во ЕУ, снусот е нелегален секаде освен во Шведска.
Еден од првите фудбалери кои беа забележани со стимулантот беше напаѓачот на Лестер и на англиската репрезентација, Џејми Варди, а сега „Дејли мејл“ тврди дека еден фудбалер, страствен корисник на снус е на терапија за рак на непцето. Дел од менаџерите пак, тврдат дека фудбалерите понекогаш го користат и во текот на мечевите, а еден англиски клуб го казнува поседувањето со 10.000 фунти.
Варди, кој беше забележан со снус на Евро 2016 во Франција, признава дека го користи, нешто што го напиша и во својата автобиографија „Од никаде“.
„Да се прават работи според правилата никогаш не бил мојот стил. Кога дојдов во Лестер, почнав да користам снус. Претходно пушев по некоја цигара, но не ми помагаше да се смирам. Мислам дека многу фудбалери го користат, некои дури и во тек на мечеви“, напиша Варди.
Џон Бремхол, заменикот директор на Асоцијацијата на играчи во Премиер лигата (ПФА) вели дека е свесен дека снус се користи.
„Ќе видиме дали постои потреба да се едуцираат фудбалерите за ризиците за користење на оваа супстанција“, вели Бремхол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА потврди – 26 наместо 23 играчи на ЕУРО 2024
Репрезентациите кои ќе учествуваат на претстојното Европско првенство во Германија ќе имаат на располагање 26 играчи, потврди УЕФА.
Извршниот комитет на Европската фудбалска унија потврди дека е смнето правилото според кое селекторите на можеа да пријават 23 фудбалери.
Овој предлог беше поддржан претходно оваа година на состанокот на Националниот комитет за натпреварување на УЕФА.
Идејата за прв пат беше претставена на селекторскиот собир во Дизелдорф.
Оваа измена беше предложена поради згуснатиот распоред оваа сезона и ризикот од повреди.
Претставниците на Националниот натпреварувачки комитет во петокот и официјално го заверија сето она што беше претходно предложено, договорено и прифатено од мнозинството.
Европското првенство ќе се одржи од 14 јуни до 14 јули во Германија.
Спорт
Клоп се жали на распоредот: Криминал е ова што ни го прават
Пренатрупаниот распоред на натпревари го натера менаџерот на Ливерпул, Јирген Клоп, уште еднаш да проговори на оваа тема. Германецот кој си заминува од Ливерпул на крајот на сезоната застана во одбрана на своите играчи и рече дека само чека агенцијата за заштита на човековите права да интервенира во креирањето на распоредот.
„Распоредот е апсолутно луд. Не е нормално Ливерпул да игра натпревар во сабота во 12:30. Никогаш повеќе нема да ја гледам телевизијата ТНТ (го емитува овој натпревар). Мора да играме четврток, недела, среда и сабота во 12:30 часот ова што ни го прават е криминал“, изјави Клоп.
Ливерпул е тим со голем број навивачи ширум светот и затоа игра во посебни времиња, што е прилагодено на носителите на телевизиските права. Избраниците на Клоп доживеаја серија неуспеси, поради што речиси отпаднаа од трката за шампионската титула.
Спорт
Модриќ мора да се прифати два услови доколку сака да остане во Реал
Лука Модриќ има договор со Реал до крајот на сезоната и се уште не е познато каде ќе игра 38-годишниот играч за врска следната сезона. Желбата на Модриќ е да остане во Реал, но има голем број понуди од други клубови.
Капитенот на хрватската репрезентација го бараат Динамо, саудиски клубови, екипи од МЛС лигата, а се почесто се зборува и за интересот на Јувентус.
Карлос Карпио, новинар на „Марка“, откри дека Модриќ мора да прифати два услови доколку сака да остане во Реал. Мора да прифати да биде резерва и да прифати значително намалување на платата. Модриќ наводно заработува околу 20 милиони евра по сезона.
„Се сомневам дека ќе остане во Реал, но ако остане, тоа ќе биде со помала плата. Модриќ не прифати добро ниту една одлука на Анчелоти да биде резерва. Легендите никогаш не се послушни замени“, вели Карпио.
Модриќ сезонава забележа 40 настапи, два гола и шест асистенции. Хрватото во Реал пристигна во 2012 година од Тотенхем за 35 милиони евра.