Македонија
Студенти од пет града протестираат против промена на името и двојазичноста во Штип
![](https://makfax.com.mk/wp-content/uploads/2018/03/29893239_1537535869690171_1115711216_o-1-1.jpg)
Започна протестот на плоштадот „Слобода“ во Штип против двојазичноста и промената на името организиран од студенти од Универзитетот „Гоце Делчев“ – Штип. На студентскaта етно-културна манифестација пристигнаа студенти од пет града од земјава.
„Овој настан е целосно непартиски и студентите се оградуваат од политичките партии и сите останати здруженија. Оваа манифестација е организирана од студенти од сите универзитети од Република Македонија“, велат студентите.
Студентот Сашо Кироски кој е еден од учесниците на протестот вели дека како студент сакал да ги открие историјата на Македонија и нашиот идентитет. „Јас сум студент по археоогија и многу добро ја познавам историјата на Македонија. Зад нас гледам бројка на народ која застанаа во одбрана на името и татковината. Овој настан кој е со идеја за зачувување на македонскиот идентитет, не е со партиски преднак, народот пристигна самооиницијативно за одбрана на Македонија“, вели тој.
Петар Костадинов, студент на штипскиот универзитет вели дека мора да има крај на разнибитувањето на Македонија. „Не е добро ова што се случува. Силата е во младите“. Според него, во моментов идентитетот на Македонја е загрозен. Поради тоа во Штип се пристигнати студенти од 5 градови, без партиски бои, кои на мирен протест, на кој не се повикува на насилство ќе се упатат поракте за заштита на идентитетот и името.
Студентите протестираат и против законот за двојазичност, кој според нив го крши Уставот и ја разнебитува историјата на Македонија.
Овој настан е мултикултурен, а на присутните ќе им се обратат и припадници на помалите етнички заедници, кои ќе го искажат своето незадоволство од двојазичноста. На настанот се упатува порака дека младите не прифаќаат промена на името Македонија и дека младите се тие кои треба да одлучуваат за иднината на оваа земја, а не политичарите. Студентите порачуваат дека државата останува во рацете на младите, а не на политичарите и затоа бараат политичарите да не ја уништуваат нивната иднина преку промената на името и воведување двојазична држава.
Студентите најавија дека следниот протест ќе се одржи во Битола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Црвена Младина со герила акција пред седиштето на СДСМ: Вратите на Левица се отворени за сите вистински левичари
![](https://makfax.com.mk/wp-content/uploads/2024/07/crvena-mladina-gerila-akcija.jpg)
Црвената Младина со герила акција пред седиштето на СДСМ за време на внатрепартиските избори за претседател.
„Во период кога партијата се соочува со криза на лидерство и членството е во бунило, ние, како авангарда на работничката класа, одлучивме да подадеме рака на малкумината искрени и чесни левичари кои веруваме дека ги има во СДСМ“, велат од Црвената Младина.
„Со акцијата, им порачавме на сите вистински левичари во СДСМ дека вратите на Левица се отворени за нив. Спремни сме да ги пречекаме сите кои се борат за праведно и солидарно општество. На присутните им поделивме пристапници за членство во политичката партија Левица. Црвена Младина ќе продолжи со своите активности и ќе стои на страната на работниците и ситр угнетени. Нашата борба е борба за социјална правда, еднаквост и слобода“, соопшти Црвената Младина.
Македонија
Изгаснат пожарот во станот во Ѓорче Петров
![](https://makfax.com.mk/wp-content/uploads/2023/02/Pozarnikari-Skopje.jpg)
Пожарот кој се случи во станбената зграда на улицата Виа Игнација број 8 во општина Ѓорче Петров е локализиран и изгаснат, извести директорот на Центарот за управување со кризи, Стојанче Ангелов.
Во пожарот нема повредени лица, додаде тој.
Македонија
Мицкоски се сретна со хрватската амбасадорка: Македонија и Хрватска треба да ги искористат капацитетите на заедничкото пријателство
![](https://makfax.com.mk/wp-content/uploads/2024/07/tiganj-mickoski.jpg)
Премиерот Христијан Мицкоски информираше дека денеска се сретнал со амбасадорката на Република Хрватска, Нивес Тигањ.
„Ги потврдивме исклучителните пријателски односи меѓу двете држави“, кажа Мицкоски и додаде дека изразил благодарност за поддршката која ја добива државава од пријателска Хрватска.
„Македонија и Хрватска треба да ги искористат капацитетите на заедничкото пријателство“, рече премиерот.