Македонија
(Видеодебата) Извршителите надвор од контрола на државата – граѓаните сами во битката со блокирани сметки
![](https://makfax.com.mk/wp-content/uploads/2018/04/29994235_1922537934424436_1422087290_o-e1522760491332.jpg)
Минатата недела во јавноста се појавија документи од апсурдни наплати на извршители што направиле извршување на суми од 1 и 3 денари за кои побарале 12 илјади. Исто така, народниот правобранител во својот годишен извештај посочи дека има многу преставки на граѓани кон кои се прекршени правата од страна на извршителите, а тарифникот на извршителите, пак, утре ќе се најде пред Уставниот суд.
Не стивнуваат реакциите на граѓаните што се справуваат со големи последици од блокираните сметки и присилната наплата, а граѓанските асоцијации продолжуваат со битката и остануваат на барањата итно да се направи мораториум на Законот за извршувањето и негова целосна ревизија за да се утврдат регуларноста и последиците врз економската состојба на граѓаните.
На оваа тема овој пат во „Макфакс“ гостуваа Славко Лазовски, економист и граѓански активист, и граѓанскиот активист Фарук Омерагиќ, кој самиот поминува низ финансиска голгота предизвикана од спорниот закон. Поканата за гостување ни ја одбија претставници од Народната банка на Република Македонија и од Министерството за финансии со образложение дека Законот за извршувањето не е во нивна надлежност.
Според Лазовски, кој голем дел од професионалната кариера ја поминал во Министерството за финансии, во Законот за извршувањето има низа нерегуларности, а овој случај, каде што е направена наплата врз 1 денар, нема никаква финансиска логика, освен што на извршителот тоа му го дозволил законот.
„Иако извршителите велат дека тие само го спроведуваат законот и не смеат да одбиваат предмети, тоа не е точно. Тие секако дека може да поништат вакви апсурдни наплати и, на крајот на краиштата, нивна работа е да ги штитат интересите на граѓаните како на доверителот така и на должникот“, вели Лазовски.
Омерагиќ рече дека се обидел да најде низ историјата случај каде што е направена наплата врз основниот долг, која е 12 илјади пати поголема, и пребарувал и стотици години низ правниот систем на разни уредувања, но вакво нешто не нашол.
„Вакви драконски наплати на долгови нема ниту во феудални уредувања ниту во монархии, па ни во робовладетелства. Ова е апсурд над апсурдите, што се коси со здравиот разум. Никој не води сметка за страшните последици врз економската состојба на граѓаните кои не можат да кренат глава од извршителите“, рече Омерагиќ.
И додека некои институции се оградуваат и се сметаат за неповикани да се изјаснат во врска со Законот за извршувањето, поточно сите го посочуваат Министерството за правда, граѓаните ги плаќаат последиците и своите права им останува да ги бараат преку граѓанските асоцијации. (А.В.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Битиќи: ВМРО-ДПМНЕ ги потврди добрите политики на СДСМ кои доведоа до намалување на маржата на цената на струјата
![](https://makfax.com.mk/wp-content/uploads/2023/12/14122023_Bitikji_FITR_1.jpg)
„Новата Влада на ВМРО-ДПМЕ уште еднаш ги потврди добрите политики на владата предводена од СДСМ, а тоа е во насока на заштита на интересите на граѓаните“, рече пратеникот од СДСМ Фатмир Битиќи, образложувајќи го ставот на пратеничката група на СДСМ за поддршка на Предлог на закон за дополнување на Законот за енергетика, кој по скратена постапка беше денес усвоен во Собранието.
Битиќи нагласи дека измените кои денеска се предлагаат се последица на успешната тендерска постапка за избор на Универзален снабдувач, која заврши пред неполн месец дена, а на која што беше избрана ЕВН Хоме.
„Тоа што е ново е дека постигнавме да ја намалиме маржата која универзалниот снабдувач ја аплицира кон крајните корисници од 11,5% на 9,9%. Ова е една од најниските маржи досега аплицирани кон крајните корисници и сметаме дека ова е нешто на кое сите треба да се гордееме“, рече Битиќи.
Образложувајќи го ставот на пратеничката група на СДСМ, Битиќи појасни дека со овие законски измени се овозможува аплицирањето на намалената маржа кон крајните корисници да стапи на сила веднаш, пред Регулаторната комисија за енергетика (РКЕ) да ја донесе одлуката за цената на струјата од 1 јули до крајот на годината.
Зборувајќи за законските измени, Битиќи образложи дека една од причините за поддршка од пратеничката група на СДСМ е тоа што со истите се предвидува производителот на електрична енергија со најголем инсталиран капацитет на Универзалниот снабдувач да му понуди на продажна во 2024 година 40% од вкупните годишни потреби на снабдувачот.
„Тоа значи дека ЕСМ, која што се пријавила пред само 10 дена, а слушавме помпезно како тоа само 85% ќе понуди, нуди двојно повеќе од тоа што укажува Законот дека треба да го понуди. Нуди по цена која е 60% субвенционирана, пониска цена од производната цена“, рече Битиќи.
Пратеникот Битиќи во своето обраќање потенцираше дека ова е начинот на кој една разумна и конструктивна опозиција треба да се однесува во Собранието, а тоа е да се поддржуваат сите законски решенија кои имаат за цел поддршка на граѓаните и квалитетот на нивниот живот.
„Вака СДСМ и коалицијата ќе продолжи да се однесува и наредните четири години секогаш кога е во прашање интересот на граѓаните“, порача Битиќи.
Македонија
Петровска: СДСМ е државотворна партија и повторно ќе се врати на победничките патеки
![](https://makfax.com.mk/wp-content/uploads/2024/06/slavjanka-petrovska-3.jpeg)
Кандидатката за претседател на СДСМ, Славјанка Петровска денеска пред членовите од Велес ги претстави клучните приоритети од нејзината програма „Манифест за социјалдемократијата“.
„СДСМ е државотворна партија и повторно ќе се врати на победничките патеки онаму каде што припаѓа. Тоа ќе го постигнеме само ако сме обединети и ако постојано го слушаме нашето членство. Тоа, јас како иден претседател, се обврзувам да го правам, да ги слушам членовите кои како што го избираат претседателот на партијата, така ќе ги избираат и претседателите на општинските организации, но и идните пратеници, советници, градоначалници“, посочи Петровска и дополни:
„Заедно ќе успееме, заедно ќе го вратиме СДСМ на кормилото на државата“.
Македонија
Собранието го донесе Законот за енергетика со кој ќе се спречи поскапување на струјата
![](https://makfax.com.mk/wp-content/uploads/2024/03/sobranie4.jpg)
Со 84 гласа ЗА, и ниту еден против и воздржан, Собранието го донесе Законот за дополнување на Законот за енергетика што го најави ВМРО-ДПМНЕ, за да се спречи зголемување на цената на струјата.
Пратениците на СДСМ претходно најавија дека ќе го поддржат законот, посочувајќи дека тој е продолжение на добрите политики на минатата влада.
Од Левица реагираа за овој Закон, но на крајот немаше гласови против.
Претседателот на Комисија за економски прашања, труд и енергетска политика, Бојан Стојаноски од ВМРО-ДПМНЕ, кој е и еден од предлагачите на законското решение, посочи дека измените се многу суштински, но се прилично едноставни, поради што законот е поднесен по скратена постапка.