Свет
Кремљ бара извинување од Британија, потеклото на отровот сѐ уште не е утврдено
Кремљ смета дека Велика Британија мора да се извини поради неоснованите обвинувања кон Русија за труење на поранешниот двоен агент Сергеј Скрипал.
Рускиот претседател Владимир Путин во Анкара го цитира шефот на воената британска лабораторија, која рече дека нивните научници не успеале да го утврдат изворот на нервниот агенс со кој беа затруени Скрипал и ќерка му.
„Според меѓународните експерти, 20-ина земји во светот може да произведат слични материи“, изјави Путин на заедничката прес-конференција со Ердоган. Истовремено, тој изрази задоволство од брзината со која се разрешила антируската кампања за случајот со Скрипал, со тоа што не е утврдено потеклото на супстанцијата новичок.
Портпаролот на Путин, Дмитриј Песков, изјави дека Британија мора да ѝ се извини на Русија поради нивните, како што рече, бесмислени обвинувања, што се целосно неосновани. Песков истакна дека Лондон ќе мора да одговара и пред неговите сојузници кои од солидарност кон Велика Британија протераа руски дипломати.
Вчера британската воена лабораторија соопшти дека не успеала да утврди оти нервниот агенс употребен при труењето на поранешниот руски двоен агент Сергеј Скрипал потекнува од Русија.
„Успеавме да идентификуваме дека се работи за новичок – нервен агенс од воен тип“, изјави Гери Ејткенхед, шефот на лабораторијата „Портон даун“.
Според неговите зборови, лабораториски не можело да го утврди потеклото на агенсот, а британските власти користеле други извори за да дојдат до заклучоците.
Британските власти сметаат дека Русија е одговорна за труењето на Скрипал и неговата ќерка Јулија, кои на 4 март беа пронајдени без свест во англискиот град Солзбери. По обвинувањата од страна на британските власти, голем број земји, меѓу кои и Македонија, протераа руски дипломати во знак на солидарност кон Велика Британија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Трамп тајно снимен како ги навредува Бајден и Харис: Тој се откажува од трката, а таа е толку патетична
Доналд Трамп го навреди актуелниот американски претседател и ривал на претстојните избори и кажа дека е на работ да „испадне од трката“, во тајно снимено видео објавено од „Дејли бист“.
На видеото се гледа како 78-годишниот Трамп седи во количка за голф и држи куп пари.
„Како поминав со дебатата пред некоја вечер? Тој се откажува од трката“, им рече Трамп на група луѓе собрани во близина.
„Го исфрлив од трката, а тоа значи дека ја имаме Камала. Таа е толку лоша. Таа е толку патетична. Таа е многу лоша“, продолжува Трамп.
BREAKING: Leaked video shows Donald Trump saying he thinks Kamala Harris will be the Democrat nominee, says she is "so f**king bad."
"She's so bad. She's so pathetic. She's just so f**king bad."
"How did I do with the debate the other night? I kicked that old, broken down pile… pic.twitter.com/8OKxd1hHc6
— Collin Rugg (@CollinRugg) July 4, 2024
„Можете ли да замислите Бајден да има работа со Путин и со претседателот на Кина, кој е жесток човек? Тој е жесток човек. Многу силен тип“, заврши Трамп.
Да потсетиме, по лошиот настап на Бајден на минатонеделната дебата, многу демократи и аналитичари побараа Бајден да се откаже од трката поради се повидливите проблеми со неговото здравје. Воедно, тоа беше и голема победа за Трамп, кој според анкетите води во трката за претседателската функција, иако оваа предност најчесто е на ниво на статистичка грешка.
Свет
Израел испрати луѓе да преговараат со Хамас за ослободување на заложниците
Израелскиот премиер Бенјамин Нетанјаху му рекол на американскиот претседател дека одлучил да испрати делегација за да ги продолжи преговорите со Хамас за ослободување на заложниците, објави неговата администрација.
Во телефонскиот разговор меѓу двајцата лидери, Нетанјаху ја повтори својата позиција дека Израел ќе ја прекине својата речиси деветмесечна операција во Газа кога ќе бидат постигнати сите негови цели, се вели во соопштението.
Израелската телевизија Канал 12 објави дека израелската делегација ќе ја предводи шефот на разузнавачката служба Мосад.
Не е јасно каде треба да се водат разговорите. Досега со нив посредуваа Египет и Катар, а средби беа одржани и во двете земји.
Израел денеска го доби одговорот на Хамас на предлогот што Бајден го претстави на крајот на мај, а кој вклучува ослободување на 120 израелски заложници од Газа и прекин на огнот во палестинската енклава.
Информиран палестински извор рече дека Хамас, милитантната група која ја контролира Газа, покажала флексибилност за некои елементи кои, доколку ги прифати Израел, ќе овозможат да се постигне поширок договор.
Европа
Украинците се повлекоа од дел на Часив Јар, објавени фотографии од опустошениот град
Армијата на Украина денеска соопшти дека нејзините војници се повлекле од дел од Часив Јар во источниот регион Доњецк, еден ден откако Русија објави дека нејзините сили презеле контрола врз дел од стратешки важниот град.
Денеска беа објавени воздушни фотографии на кои се гледа квартот Новји, кој се наоѓа западно од каналот Сиверски Доњец-Донбас, а минува низ источниот дел на градот. Руското Министерство за одбрана вчера извести дека руските воени сили ја презеле контролата токму на тој дел.
Часив Јар се наоѓа на рид. Доколку руските сили воспостават целосна контрола над градот, тие во иднина би можеле да го користат како почетна точка за понатамошен напредок кон запад и кон украинските градови Краматорск и Славјанск.
„За нас стана непрактично да одржуваме контрола врз делови од градот откако непријателот влезе таму. Животот и здравјето на нашите војници беа загрозени, а позициите на нашите бранители беа исто така уништени“, изјави воениот портпарол Назар Волошин за украинската телевизија.
„Командата одлучи да се повлече на подобро заштитени позиции, но непријателот не престанува со активната борба ниту во таа област“, рече тој.
Руските сили, кои ја започнаа инвазијата на Украина во февруари 2022 година, постепено напредуваа во регионот Доњецк во последните недели, барајќи да отворат нов фронт во близина на североисточниот град Харков.
Напредокот во регионот Харков е запрен, но украинските воени аналитичари признаваат дека 2024 година била тешка година за Украина на бојното поле, која исто така била погодена од доцнењето на американската воена помош.
Украинските воени сили во дневниот извештај објавија дека во последните 24 часа се воделе 161 воена битка, од кои повеќето се случиле во областа Доњецк. Во извештајот се наведува и дека украинските воени сили ги спречиле руските сили да ја пробијат украинската одбрана на фронтот Краматорск, кој ги опфаќа областите во близина на Часив Јар.