Спорт
Де Брујне: Ја заслужувам наградата за најдобар во Премиер лигата
Кевин Де Брујне сезонава е еден од најдобрите играчи на Манчестер сити, а според многумина е фаворит за наградата која му се доделува на најдобриот фудбалер во Премиер лигата.
Белгиецот верува дека ја заслужил наградата иако конкурент ќе му биде Мохаме…
Кевин Де Брујне сезонава е еден од најдобрите играчи на Манчестер сити, а според многумина е фаворит за наградата која му се доделува на најдобриот фудбалер во Премиер лигата.
Белгиецот верува дека ја заслужил наградата иако конкурент ќе му биде Мохамед Салах, првиот стрелец во лигата со 29 гола.
„Ако ја добијам наградата тоа ќе биде добро и за мене и за клубот. Верувам дека ја заслужувам бидејќи со константен во својата форма. Задоволен сум, не очекував дека ќе играм толку добро“, рекол Де Брујне и дополнил дека е невозможни се споредбите со Салах.
„Не можете да споредувате, невозможно е. Салах е неверојатен голгетер, игра сјајно како крилен напаѓач, но како можете да не споредувате? Викендов играв на дефанзивната позиција во средниот ред, како тоа можете да го споредите со крилен напаѓач? Неавистина не знам“, заклучил Де Брујне.
Оваа сезона Белгиецот за Манчестер сити одиграл 44 натпревари, а учинокот му е 11 гола и 20 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Федерер го критикуваше Зверев
Освојувачот на 20 Грен слем титули, Роџер Федерер го критикуваше Александар Зверев, велејќи дека Германецот мора да игра поофанзивно.
Зверев еден од најдобрите во својата генерација се уште нема освоено Грен слем титулата. Во кариерата два пати играше Грен слем финале, во Њујорк во 2020 загуби од Доминик Тим, а пред неколку месеци доживеа пораз од Карлос Алкараз на Ролан Гарос.
„Јас не сум негов тренер, па можам да зборувам отворено. Кога го гледам, гледам дека игра премногу пасивно. Тој е премногу дефанзивец во решавачките моменти. Тој е одличен во дефанзивата, но за да победи мора да најде начин да напаѓа. Ако го имплементира тоа во својата игра, може да постигне големи работи“, изјави Федерер и додаде:
„Кога играте против најдобрите во светот, треба да преземете иницијатива и да бидете офанзивни. Не го направи тоа против Фриц. Тој е одличен играч, но за да освоите Грен слем трофеј, треба да верувате во твоете удари, да напаѓаш. Мора со целото тело да верува, титулите нема сами да дојдат“.
Зверев има 27 години, во кариерата освои 22 титули и моментално е втор тенисер во светот.
Спорт
Ултрасите на Рома ќе го бојкотираат натпреварот против Удинезе
Навивачите на Рома најавија дека ќе го бојкотираат натпреварот против Удинезе, првиот на кој „волчицата“ ќе ја предводи хрватскиот стручњак Иван Јуриќ. Причина за ваквиот потег на ултрасите на Рома е одлуката на клупските ченици да го отпуптата Даниеле Де Роси.
Римскиот клуб реши да го отпушти Де Роси, кој за Рома одигра 616 натпревар во периодот од 2001 до 2019 година. Тој беше отпуштен откако ја започна сезоната со три ремија и пораз..
Според италијанските медиуми, Јуриќ го очекува чудно деби против водечкиот тим во лигата. Трибината со најверните навивачи на клубот ќе биде празна, барем во првите 30 минути од натпреварот. Ова го соопштија ултрасите на Рома и побараа од другите навивачи да им се придружат на протестот.
„Дојде време да се слушне нашиот глас. Ги повикуваме сите навивачи од секој дел на трибините да се придружат на нашиот протест. Ќе останеме надвор од стадионот во првите 30 минути од натпреварот“, стои во соопштението на ултрасите на Рома.
Спорт
(Видео) Раја го спаси Арсенал од пораз во Бергамо
Голманот на Арсенал е еден од играчите кои го обележаа првото коло во Лигата на шампионите.
Арсенал одигра 0:0 во Бергамо против Аталанта. Најзаслужен за освоениот бод е тукму шпанскиот репрезентативец.
Раја се истакна со чудесна одбрана на која и претходеше пенал, во двата наврати ги одбрани ударите на Матео Ретеги.
Напаѓачот на Аталанта имаше шанса да погоди од пенал во 51. минута. Тој шутираше на десната страна на голманот на Арсенал, кој го одбрани ударот, топката се одби до Ретеги но и тој удар Раја го одбрани.
Пред Ретеги да го изведе пеналот, додека ВАР ја прегледуваше целата ситуација, Раја отиде на консултација кај тренерот на голманите на Арсенал и разговараше со него.
Потоа го одбрани пеналот. Раја има четири одбрани од последните осум удари од белата точка.