Спорт
Ремзи-шоу за Арсенал, Лацио со четири парчиња за Салцбург (видео)
По првите мечеви од четврт-финалето на Лигата на шампионите, во четвртокот се одиграа и дуелите меѓу најдобрите осум во Лигата на Европа, каде што најмногу внимание предизвика фантастичното прво полувреме од мечот Арсенал-ЦСКА Москва, кој заврши со 4:1…
По првите мечеви од четврт-финалето на Лигата на шампионите, во четвртокот се одиграа и дуелите меѓу најдобрите осум во Лигата на Европа, каде што најмногу внимание предизвика фантастичното прво полувреме од мечот Арсенал-ЦСКА Москва, кој заврши со 4:1 победа на „топчиите“.
WHAT A GOAL BY RAMSEY pic.twitter.com/oKxtOYezYb
— Lacazettes (@Lacazettes) April 5, 2018
Со одлична напаѓачка игра и со по два гола на Арон Ремзи и на Александер Лаказет, „топчиите“ се на чекор до полуфиналето, откако ЦСКА беше луто казнета за сите дефанзивни пропусти. Посебно импресивен беше вториот гол на Ремзи, со фантастичен удар со пета.
Многу голови имаше и во Рим, каде што Лацио со 4:2 го совлада австрискиот Салцбург, иако гостите двапати имаа нерешен резултат (1:1 и 2:2). Андерсон и Имобиле во само две минути (во 74. и 76. минута) ја обезбедија победата на лацијалите.
Атлетико Мадрид, пак е многу блиску до полуфиналето, откако со 2:0 со головите на Коке и Гризман беше подобар од Спортинг Лисабон, за кој не настапи македонскиот репрезентативец Стефан Ристовски.
Лајпциг ќе се „поти“ на гостувањето на „Велодром“, откако во првиот меч со 1:0 го совлада Марсеј. Креатор на победата беше Тимо Вернер со гол во финишот на првото полувреме.
ЛИГА НА ЕВРОПА, 1/4 ФИНАЛЕ, 1. МЕЧ
Арсенал – ЦСКА Москва 4:1
Атлетико Мадрид – Спортинг 2:0
Лацио – Салцбург 4:2
РБ Лајпциг – Марсеј 1:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.