Американската кошаркарска јавност се уште е во шок од веста дека Денвер Нагетс го отпуштија тренерот Мајк Мелоун. Покрај тренерот, отказ доби и генералниот менаџер Крис Бут. Според многумина токму Бут е најголемиот виновнки за се она што се случува во Денвер.

Поради реакциите во јавноста, која го поддржува Мелоун, потреба да се огласи почувствува сопственикот Џош Кронке.

Кронке откри за каналот Денвер во кој момент од сезоната сфатил дека тимот не оди во посакуваната насока и кога ја зацврстил одлуката да го замени Мелоун.

„Ова не е лесна одлука или одлука која е донесена импулсивно, како реакција на последните порази. Го анализирав тимот одреден временски период, имаше одредени трендови кои многу ме загрижуваа во различни временски периоди. Сето тоа во одредени периоди ќе го замаскираа некои победи”, рече Кроенке.

„Во светот на професионалниот спорт каде што победите и поразите се ваша валута, победите можат многу да прикријат. Бевме во серија пред Ол-стар викендот, но оттогаш имавме 11-13, ги загубивме последните четири и одиме во насока што мислам дека ќе доведе до брз крај на сезоната. Кога го зедовме сето тоа во предвид баравме начин како да го извлечеме најдоброто од тимот. По разговорот со мојот татко ни стана јасно дека дека нешто мора да смениме на крајот од сезоната, но и моравме да донесеме најдобра одлука за да го раздвижиме тимот. Затоа ја донесовме оваа одлука“, објасни тој.

Кронке очекува тимот да биде подобар од досега, очекува реакција.

„Да, очекувам искра, мислам дека групата постигна многу оваа сезона, не знам до каде може да стигне, мислам дека никој нема одговор на тоа прашање, но верувам дека овој тим може да постигне повеќе оваа сезона и времето ќе покаже дали ќе успее“.

Кошаркарите на Милвоки, со спектакуларен пресврт ја совладаа Минесота со 110:103.

Милвоки губеше со 71:95 на 10 минути до крајот на натпреварот, а потоа тргна во серија од 34:3 за победа.

Еј Џеј Грин на 3:35 постигна тројка за 97:97.

Крилниот центар на Милвоки, Џанис Антетокунмпо забележа трипл-дабл со 23 поени, 13 скока и 10 асистенции. Кевин Портер го следеше со 21 поен, пет асистенции и четири скока.

Двоцифрен улинок имаа Боби Портис со 18 поени и 10 скока, односно Кајл Кузма и Брук Лопез со по 10.

Кај Минесота најрасположен беше Ентони Едвардс со 25 поени, седум скока и четири асистенции, поен помалку постигна Донте ДиВиченцо.

Ова е петта последователна победа за Милвоки и моментално се петти на Истокот, додека Минесота е осма во поредокот на Западот.

Победата на Арсенал над Реал Мадрид (3:0) во првиот четвртфинален натпревар во Лигата на шампионите на Англија и обезбеди уште еден тим во елитното натпреварување за следната сезона.

На англиските клубови им беше потребна само една победа во кое било од трите меѓународни клупски натпреварувања под покровителство на Европската фудбалска унија (УЕФА) за да го обезбедат петтиот претставник во Лигата на шампионите за следната сезона преку коефициентот на УЕФА, објави Би-Би-Си.

Англија следната сезона би можела да има дури седум претставници во Лигата на шампионите.

Ова би се случило доколку Астон Вила ја освои Лигата на шампионите оваа сезона, а не успее да обезбеди пласман преку Премиер лигата и доколку Манчестер Јунајтед или Тотенхем ја освојат Лига Европа.

Астон Вила е седма на табелата во Премиер лигата, а во четвртфиналето од Лигата на шампионите игра против Пари Сен Жермен.

Манчестер Јунајтед игра против Лион во двомечот од четвртфиналето на Лига Европа, додека ривал на Тотенхем е Ајнтрахт Франкфурт.

Ливерпул, Арсенал, Нотингем Форест, Челзи и Њукасл моментално се на првите пет места на табелата во Премиер лигата.