Спорт
Ањели: УЕФА и Колина сакаат да ги уништат италијанските клубови
Претседателот на Јувентус, Андреа Ањели го обвини главниот делегат за судии на УЕФА, неговиот италијански сонародник Пјерлуиџи Колина за намерно уништување на италијанските клубови во Европа по случувањата на мечот во Мадрид.
Јувентус победија со 3:1 в…


Претседателот на Јувентус, Андреа Ањели го обвини главниот делегат за судии на УЕФА, неговиот италијански сонародник Пјерлуиџи Колина за намерно уништување на италијанските клубови во Европа по случувањата на мечот во Мадрид.
Јувентус победија со 3:1 во Мадрид, но излетаа од ЛШ со 4:3 вкупен резултат откако судијата Мајкл Оливер реши дека фаулот на Бенатија е за пенал, по што Кристијано Роналдо смирено го реши мечот.
„Мораме да останеме смирени и да ја анализираме ситуацијата. Многу земји имплементираа ВАР-системи и кога ќе се погледнат ситуациите против италијанските клубови, како фаулот над Квадрадо, Милан на гости кај Арсенал и денеска Јувенус, јасно дека е нужно да има ВАР во Лигата на шампионите. Не се работи за поен или два, туку за полуфинале на најважниот турнир кој носи толку пари и престиж. Поради некои причини делегатот на УЕФА се обидува научно да докаже дека поставува само судии кои се против италијанските клубови. Не се работи само за Јуве, туку и за Рома против Барса, за Милан против Арсенал“, обвинува Ањели.
Со него се согласува и тренерот на италијанскиот шампион, Макс Алегри.
„Жал ми е за момците, кои одиграа одлични 60 минути во Торино и не постигнаа гол, а тука играа фантастично. Пеналот беше обратна ситуација од таа со Квадрадо во првиот меч. И тогаш кажав дека тоа може да го реши мечот. Заслуживме барем да се бориме во продолженија. Мораме да бидеме посилни од вакви непријатни искуства“, вели Алегри.
Фото: ЕПА
Роналдо: Не сфаќам зошто Јуве се бунеа, тоа беше чист пенал (видео)
Пенал во 93. минута спречи ново „италијанско чудо“ – Реал едвај во полуфинале (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Калум Вилсон во Вест Хем

Калум Вилсон ќе го носи дресот на Вест Хем следната сезона. Вилсон се согласи на едногодишен договор со „Чеканите“.
Вислон е слободен агент од крајот на претходната сезона и завршувањето на неговата соработка со Њукасл.
Вилсон одигра 130 натпревари за Њукасл и постигна 49 гола, но клубот и играчот не успеаја да се договорат за продолжување на соработката во сезоната 2024/25.
Триесет и тригодишникот одигра само 25 натпревари, само на два беше стартер.
Според Би-Би-Си, Вилсон имал неколку интересни понуди и од Премиер лигата и од МЛС, но конечната одлука била да се пресели во Вест Хем.
Спорт
Французите открија каква улога ќе има Новак во Ле Ман

Веста дека најдобриот тенисер на сите времиња, Новак Ѓоковиќ, ќе стане косопственик на францускиот второлигаш Ле Ман дојде како гром од ведро небо.
Еден ден подоцна, со оваа тема се занимаваше и францускиот „Лекип“, кој откива каква би била улогата на познатиот тенисер во овој клуб со богата традиција.
Ѓоковиќ се приклучи на бразилскиот фонд „Оутфилд“, кој е нов инвеститор во клубот од Ле Ман, треба да има улога на советник и амбасадор на клубот.
Додека присуството на Фелипе Маса и Кевин Магнусен, добро познати имиња од Формула 1, меѓу инвеститорите на фондот „Оутфелд“ е логично со оглед на историјата на градот Ле Ман и автомобилизмот, вклучувањето на Новак Ѓоковиќ отвора повеќе прашања, пишува „Лекип“.
Србинот доаѓа заедно со бразилскиот претприемач Георгиос Франгулис, партнер на светската тенисерка број 1 Арина Сабаленка и основач на брендот „Оукбери“, кој е присутен низ целиот свет.
Инвестицијата на Ѓоковиќ не е само финансиска или симболична, што се докажува со објавата што ја сподели со своите 16 милиони следбеници на Инстаграм во петокот. Педро Оливеира.
„Тој и другите спортисти ја делат нашата визија за овој проект. Тие ќе имаат советодавна улога, но ќе бидат и амбасадори на брендот. Фелипе и Кевин ќе градат врски со светот на автомобилизмот, додека Новак ќе го донесе својот шампионски дух, својот поглед на врвното натпреварување. Тој го сака фудбалот. Тој инвестира во фудбалски клуб за прв пат и е многу возбуден.“
Според „Лекип“, Гоме се надева дека легендата на светскиот тенис би можела да игра на егзибицискиот натпревар. Сепак, прославата се случува на средина од Мастерсот во Шангај, кој Ѓоковиќ го освои четири пати, но беше поразен од Јаник Синер (7:6, 6:3) во финалето минатата година…
Спорт
Дончиќ потпиша нов договор со Лејкерси

Словенечкиот кошаркар Лука Дончиќ ја продолжи соработката со Лос Анџелес Лејкерс.
Дончиќ потпиша договор вреден 165 милиони долари за три сезони.
Лејкерси чекаа до првиот ден кога можеа да му понудат договор (2 август) и го сторија тоа веднаш.
Во 28 натпревари, за Лејкерси по шокантниот трејд од Далас, Дончиќ забележа 28,2 поени, 8,1 скока, 7,5 асистенции и 1,6 украдени топки во просек за 35 минути на паркетот.
Во поразот од пет натпревари во плејофот против Минесота Тимбервулвс, тој имаше просек од 30,2 поени, седум скока, 5,8 асистенции и една украдена топка за 41,6 минути на паркетот.
„Тукушто потпишав продолжување на договорот со Лејкерси. Возбуден сум што ќе продолжам да работам за да освојам шампионска титула во Лос Анџелес и да ги направам навивачите горди. Благодарен сум на Лејкерси, на моите соиграчи и на сите навивачи кои ми покажаа толку многу љубов од првиот ден. Ова е само почеток“, напиша Дончиќ на социјалната мрежа „X“.