Македонија
ВМРО-ДПМНЕ: Скандали и неодговорност во МТСП
Скандали, неработа, неодговорност и негрижа ги одбележаа последните 10 месеци во МТСП откако со него управува СДСМ и Мила Царовска, реагира ВМРО-ДПМНЕ по прес-конференцијата на министерката Мила Царовска.
„Од опозиција дадоа големи ветувања, од позиција на власт, ниту едно не остварија. Мила Царовска на денешната прес-конференција не кажа ниту збор до каде е социјалната помош од 12.000 денари, која ја најавуваше СДСМ дека ќе ја реализира уште во првите 6 месеци по преземањето на власта. Поминаа 10 месеци, а социјалната помош не се покачи ниту денар. СДСМ ги излажа граѓаните. Мила Царовска се фали со нови вработувања во детските градинки низ државата, а не спомна ниту збор за десетиците негувателки и вработени кои останаа без своите работни места по преземањето на власта од страна на СДСМ. 10 месеци СДСМ, 10 месеци катастрофални политики“, смета опозицијата.
ВМРО-ДПМНЕ ги спомена и случаите на силување на малолетни девојчиња во домот за деца „25 Мај“, за кои, како што вели, никој не понесол политичка одговорност.
„Мила Царовска се сокри зад наводна истрага која заврши со пониски структури во Министерството и без грам срам продолжи да го води МТСП. 10 месеци откако Царовска е на чело на МТСП, а не е реализиран ниту еден проект од корист за граѓаните. Само скандали, неработа, неодговорност и негрижа. СДСМ не знае да работи“, реагира опозицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавачите не треба да извршуваат дејност со исклучок на оние каде работните процесите заради својата природа не можат да се прекинат.
Поради првиот круг од претседателските избори, неработен беше и 24 април. Според одлуката на техниката Влада, двата неработни дена нема да се одработуваат.
Македонија
Започна вториот круг од претседателските и парламентарните избори
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Во вториот круг од претседателските избори граѓаните ќе одлучуваат меѓу Гордана Силјановска Давкова и актуелниот претседател Стeвo Пандеровски.
На парламентарните избори, граѓаните ќе можат да избираат помеѓу 17-те изборни листи, меѓу кои коалицијата „За европска иднина“ предводена од СДСМ, коалицијата „Твоја Македонија“ предводена од ВМРО-ДПМНЕ, коалицијата „Храбро за Македонија“ предводена од ГРОМ, партијата Левица, коалицијата „Европски Фронт“ предводена од ДУИ, коалицијата „Вреди“, движењето ЗНАМ, партиите Родина, Македонска Ера Трета, Демократи, Единствена Македонија, Нова Алтернатива, Аваја, Твоја, Десна, Работничката партија, како и за групата избирачи Џула Челику.