Македонија
За гасоводот на Водно ќе одлучуваат и граѓаните, Владата попушти по притисокот од граѓанските иницијативи
Во одлучувањето за гасоводот на Водно ќе бидат вклучени и граѓанските организации. Владата попушти по притисокот што минатата недела го направија 10 граѓански иницијативи, кои јавно кажаа дека бараат да бидат вклучени во работната група формирана за наоѓање прифатливо решение за гасоводот Скопје-Тетово-Гостивар поради кој почна ново уништување на парк-шумата Водно.
„Владата на Република Македонија смета дека консултацијата со граѓанскиот сектор во врска со активностите за гасификација и за заштита на животната средина како две меѓусебно поврзани области е особено важна и корисна. Затоа, во периодот што следува претставници на релевантните институции за овие прашања ќе одржат работен состанок со претставници на иницијативата ‘Спас за Водно’“, рече Миле Бошњаковски, портпарол на Владата.
Тој не одговори на прашањето кога ќе биде состанокот на работната група, на кој ќе се решава за гасоводот на Водно ниту, пак, кажа дали досега на оваа тема се состанале претставници од Министерството за транспорт и врски, од АД „Македонски енергетски ресурси“ и од Град Скопје. Владата донесе заклучок да се формира работна група со претставници од овие три институции и ги задолжи во најкус можен рок да најдат заедничко прифатливо решение. Од донесувањето на заклучокот поминаа три недели.
Од граѓанските иницијативи, предводени од „Спас за Водно“, кои побараа вклучување во работната група, велат Владата им одговорила непосредно кога го поднеле барањето минатата недела, но во одговорот не стоело дека тие ќе бидат дел од работната група.
„Во одговорот на нашето барање од Владата стои дека го ценат нашето мислење и дека се подготвени да ги чујат нашите ставови. Бараат лице за контакт со нашата иницијатива, но вклучување во работната група не е спомнато“, велат од иницијативата „Спас за Водно“.
Заедно со нив се и „О2 коалиција“, „Стоп на загадувањето“, „Ние сме Карпош 4“, „Воздух сега!“, „Спас за Кисела Вода“, „Скопје смог аларм“, „Скопје бара чист воздух“, „Граѓанска група Карпош 3“ и „Зелено Тафталиџе“. Тие се обединети во барањата итно да бидат вклучени во работната група за гасоводот на Водно, бараат отстранување на градежната механизација за изведба на гасоводот од пар-шумата, утврдување на границите на парк-шумата и нивно јасно обележување и неодложно усогласување на статусот на заштита на Водно со тековниот Закон за заштита на природата.
Тие се организираа кога пред четири недели в зори на Водно се искачија четири багери и почнаа да го рамнат теренот за изградба на гасоводот. Работите се стопирани кога планинарите алармираа за новото уништување на парк-шумата. Во меѓувреме Владата донесе заклучок за формирање на работната група, а од АД „Македонски енергетски ресурси“ (МЕР) кое е дел од неа, за „Макфакс“ изјавија дека менување на трасата за гасоводот би бил прескап зафат, кој воедно би ја одложил изградбата за неколку години. Од МЕР најавија дека нивен предлог за намалување на уништувањето на зеленилото на Водно ќе биде стеснување на трасата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) „Сите идеали не се вредни колку солзите на едно дете“ со насолзени очи советничка во Кочани си поднесе оставка
Советничката од редовите на ВМРО-ДПМНЕ во Општина Кочани, Кристина Атанасова Арсова, денес на седницата за избор на в.д. градоначалник си поднесе оставка и низ солзи ја напушти говорницата.
„Проектите кои им ги ветивме на граѓаните на изборите не беа погодни за раководството на мојот општински комитет, кои понесени од функцијата тргнаа по патот на своите амбиции“, рече Атанасова-Арсова.
Таа како советник им се извини и побара прошка од граѓаните што не успеала да го реализира она што им ветувала во кампањата.
„Пред граѓаните на Општина Кочани дадов заклетва дека ќе ги застапувам нивните интереси. Но, најпрво ќе барам прошка и извинување. Барам прошка и извинување на сите граѓани затоа што не успеав многу работи да реализирам а им имам ветено. Имав храброст и визија, но бев сама. Тоа не беше погодно за челниците на мојот општински комитет. Тие водени од своите суети и понесени од моќта на функциите, кои за прв пат во животот им се случија, тргнаа по патот на сопствените амбиции, притоа заборавајќи ја доктрината на нашата партија донесена 2021 година. За кандидатите имам да го кажам следново. Едниот својот кредибилитет го гради само преку медиумиски ситни реклами. Сите овие години не се запрашал за правилностите или неправилностите на дискотеката, веројатно му годела збавата во објектот по користење на забранети супстанци. Другиот зедно со своите блиски другарчиња, кој пропагира чесност и солидарност, понесен од влијанието на позицијата, тргна по осовојување на било која функционерска позиција со физички напади и јадење на живи луѓе и не го гласаше буџетот, а сега сака да раководи со него. Сметам дека е коректно, функцијата треба да ја превземе претседтелот на општинскиот совет. Мојот здрав разум и заклетва не ми дозволува ниту еден кандидат“, рече таа.
„Во оваа прилика сакам да ја доставам мојата оставка. Мислам дека ова е страшно недостојно и понижувачки. Оние кои ме познаваат знаат зошто го правам ова. Следниот период ќе се посветам на син ми кој е се уште во болница по несреќата. На сите деца кои треба да се вратат и да се рехабилитираат, тоа им е потребно. Периодот ќе биде многу долг. Јас ќе се борам за нив со сите мои сили. Сите идеали на овој свет не се вредни колку што се солзите на едно дете, рече Атанасова Арсова и во солзи ја напушти говорницата.
Македонија
Струшкиот градоначалник Мерко го прослави роденденот: „Покажа стабилно лидерство“, го пофалија вработените
Струшкиот градоначалник Рамиз Мерко денеска организираше прослава за 68-от роденден, a вработените во администрацијата на Општина Струга му упатија и честитки и благодарност.
Во објавата на социјалните мрежи вработените во општината пишуваат дека Мерко покажал стабилно лидерство, бескомпромисна посветеност и висока сензитивност кон потребите на граѓаните и вработените во администрацијата.
„Хармонијата и меѓусебното разбирање, како и односот изграден врз основа на заемна почит и отворена комуникација, се доказ за вредностите кои тој ги пренесува во секој чекор од институционалното работење.
Високо ја цениме плодната соработка и позитивната атмосфера која секојдневно ја негува во институцијата што ја води, мотивирајќи нè за чесна, посветена работа со јасна визија.
На овој значаен ден, кој се совпаѓа и со уште еден јубилеен датум, му посакуваме на градоначалникот Мерко добро здравје, семејна среќа и континуирани успеси во неговата натамошна мисија за развој на Општина Струга“, му пишуваат на Мерко вработените во општината.
Македонија
Нов повик за субвенциониран студентски оброк, проширен е опсегот на мерката
Министерството за образование и наука известува дека направени се измени на Законот за субвенциониран студентски оброк, согласно кои се проширува опсегот на мерката. Отсега работниот статус не е ограничувачки услов за студентите, така што правото ќе можат да го користат сите редовни студенти на додипломски студии кои имаат месечен приход помал од просечната нето минимална плата, но и студентите запишани на постдипломски студии и на интегрирани студии на државните и приватните универзитети во државата.
Согласно законските измени, на следниот линк е објавен нов повик за остварување на правото, на кој можат да се пријават сите студенти кои припаѓаат на некоја од категориите согласно проширениот опсег на мерката. Рокот за аплицирање на овој вонреден повик трае од 14 до 16 април. Студентите пак, кои досега го остварувале ова право, немаат обврска да се пријават на повикот, односно продолжуваат со користење на мерката.
Субвенциониран студентски оброк е финансиска поддршка во износ од 140 денари, што студентот ја добива од Министерството за образование и наука за купување приготвена храна. Корисниците имаат право услугата да ја користат од понеделник до сабота во текот на академската година, со исклучок на периодот од 1 јули до 1 октомври, како и за време на државни празници и неработни денови.
Од следниот месец – мај 2025 година, продолжува обврската на МОН за објавување на повици на месечно ниво, од први до петти во месецот, на кои ќе можат да се пријавуваат сите студенти кои претходно не ги исполнувале условите или поради било какви причини не аплицирале и не го оствариле ова право.
Проширувањето на опсегот на мерката е барање на Националното студентско тело.
Бугарија бара одговор: Три месеци чекаме РСМ да одлучи дали ќе работиме или само ќе разговараме за Коридорот 8
До денес, Коридорот 8 зависи од желбата и политичката волја на Република Северна Македонија. Испративме договор таму за единственото нешто...
Медведев до Мерц: „Размисли двапати нацисту“
Заменик-шефот на рускиот Совет за безбедност, Дмитриј Медведев, го нарече новиот германски канцелар, Фридрих Мерц, нацист поради, како што рече,...
Русите се огласија по крвавиот напад на Суми: Цел ни беше состанокот на воените команданти
Еден ден по рускиот ракетен напад врз украинскиот град Суми, во кој беа убиени најмалку 34 лица, меѓу кои две...
Во Скопје се лекуваат девет повредени во пожарот во Кочани, во странство 48
Во Скопје се лекуваат уште девет повредени од пожарот во дискотеката „Пулс“ во Кочани, а во странство 48, информира министерот...
Палевски тврди дека не ги извршил убиствата и грабнувањата: „Ако сакав пари, ќе уценував милијардери, имав 200.000 телефонски разговори“
Љупчо Палевски, првообвинетиот за убиствата на Вања Ѓорчевска и велешанецот Панче Жежовски, сведочи во Основниот кривичен суд во Скопје тврдејќи...
„Филипче, наместо Клинички центар, изгради полигон за семејни тендери, корупција и скандали“, велат од ВМРО-ДПМНЕ
„Филипче во улогата како министер за здравство под СДС, ја покажа неспособноста на една власт да ја разбере суштината на...
СДСМ: Истрагата за Кочани е фарса под команда на ВМРО-ДПМНЕ и Тошковски
„Истрагата за најголемата трагедија во историјата на Македонија, која требаше и мораше да донесе правда, се претвори во фарса. И...
Британија предупредува на амбициите на Путин на Западен Балкан: „Тоа е нова жешка точка“
Додека Очите на Европа и на Запад главно се насочени кон војната во Украина, тензиите на Западен Балкан растат се...
Грантови од 10.000 евра за младите земјоделци, велат од Владата
„Приоритет на Владата и министерството за земјоделство, шумарство и водостопанство е развој на македонското земјоделство, со посебен акцент на младите...
ЦУК: Пронајдени рачни бомби во нива во Тетовско и американска авионска бомба од минатите војни во Битолско
За пронајдени неексплодирани убојни средства известува РЦУК Тетово. Конкретно, преку 112 во ЦУК е пријавено пронаоѓање рачни бомби на приватна...
ДУИ: Прес-конференцијата на Тошковски и Коцевски – најголемата карикатура на заробената држава
„Прес-конференцијата на министерот за внатрешни работи Панче Тошковски и јавниот обвинител Љупчо Коцевски претставува најголемата карикатура на заробената држава“, велат...
(Видео) Европа го осуди рускиот ракетен напад врз Суми: „Суровоста повторно удри“
Најмалку 34 лица, меѓу кои две деца, загинаа вчераутро во руски ракетен напад врз украинскиот град Суми, додека други 117...
Подметнат пожар во домот на гувернерот на Пенсилванија: полицијата го разбуди и го евакуира
38-годишен маж е уапсен и ќе се соочи со обвинение откако наводно ја запалил официјалната резиденција на гувернерот на Пенсилванија...
Полицијата го пронајде девојчето, кое вчера се оддалечило од дома
Полициски службеници од СВР Скопје го пронајдоа малолетното девојче од село Кадино, скопско за кое вчера едниот родител во Полициска...
Судот изрече притвор за четири лица од проширената истрага за пожарот во „Пулс“
Судот на четири лица им изрече мерка притвор во траење од 30 дена, за шест лица куќен притвор и мерки...
Таравари: Политиката не треба да биде средство за личен комодитет, туку служба за народот
Претседателот на Алијанса за Албанците, Арбен Таравари, преку статус на Фејсбук порача дека никогаш не чувствувал завист за власта, иако...
Во Свети Николе затекнат локал на нива: вработените непријавени, објектот дивоградба, без план за евакуација
Полицијата во соработка со инспекторите и претставници на локални институции изврши контрола на угостителски објект во Свети Николе сопственост на...
Граѓаните биле под потенцијална загрозеност во сите дискотеки, рече Коцевски
Доказите упатуваат на суштински пропусти кај раководната структура во Дирекцијата за заштита и спасување. Ова го истакна државниот обвинител Љупчо Коцевски...
Актуелниот министер за економија не е опфатен со истрагата за „Пулс“ оти немало ново барање за лиценца
Актуелниот министер за економија не е опфатен со истрагата оти нема никаков доказ дека сопственикот на клубот „Пулс“ иницирал лиценца...
Поранешни министри и директори меѓу новоосомничените за пожарот во „Пулс“, се бара притвор за четири лица
За четворица од новоосомничените за пожарот во Кочани Обвинителството бара притвор, за седум мерка куќен притвор во комбинација со забрана...
