Македонија
(Видео) Ахмети: Јас не сум препродавач на Бит-пазар за да давам или земам министерства
Јас не сум препродавач на Бит-пазар за да давам или земам министерства, вели Али Ахмети, одговарајќи на прашање дали ќе отстапи позиции за влез на Беса во Владата. ДУИ сè уште не знае како ќе постапи по информациите за влез на Беса во Владата, но Ахмети тврди дека неговата партија не е гледач, туку играч во политиката.
„Јас не ги фалам моите функционери бидејќи секој работи за да се покаже сам себеси и да ги покаже своите можности. Не е битно дали јас ќе ги фалам, граѓаните ќе одлучат за тоа“, рече Ахмети по ова прашање.
За случајот „Монструм“, каде што вчера се спомена името на функционерот од ДУИ, Невзат Бејта, Ахмети нема информации и додава дека објаснување треба да се бара во судскиот процес. За селективната правда, според лидерот на ДУИ, ако новинарите знаат за какви било пазарења, тогаш треба да ги демаскираат, односно ако има селектива правда кај судиите и обвинителите, да ја обелоденат.
„Не го делам вашето мислење дека пратениците правеле криминал. Ако во рамките на ДУИ има функционери што ја злоупотребуваат довербата и ги злоупотребуваат средствата на граѓаните, ве молам да ги демаксирате со име и презиме, но и факти. Тоа направете го пред органите на правдата, во Обвинителството. Јас не сум обвинител, јас сум политичка партија која е заинтересирана работите да одат во правилен тек. Прашањата што се против интересите на граѓаните треба да добијат заслужена казна“, тврди Ахмети.
Тој ја поздрави неусловната препорака од Европската комисија велејќи дека пред Македонија има многу предизвици до зачленувањето на земјата во Европската Унија.
„Нè очекуваат многу предизвици, како судските реформи, борбата со корупцијата, но и исполнувањето на препораките од Европската Унија. Од нас се очекува да бидеме поактивини како општество, за нашата заедничка иднина како на власта така на опозицијата“, додава Ахмети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова: Времето на жените доаѓа, срамота е што 30 години сме немале жена претседателка или премиерка
Во рамките на активностите на кандидатката за претседателка на државата, Гордана Сиљановска-Давкова, таа се обрати на трибината на тема „Жени“ која се одржа во Јавна соба.
„Во мојата програма има посебен дел посветен на жените. Подолго светот живеел како патријархат отколку матријархат. Повеќе жени во политика, повеќе гаранции за помалку насилство. Срамота е 30 години да не сме имале жена претседателка, жена премиерка. Да им ставиме крај на Венецијанските трговци“, порача Давкова.
Како што додаде, жените имаат што да покажат, имаат вулканска сила и мажите треба да се инспирираат од нив.
„Времето на жените доаѓа. Сега е време за машка еманципација. Македонија е во женски род, политиката е во женски род. Женскоста е квалитет неискористен. Промените наскоро доаѓаат“, рече Давкова на трибината.
Македонија
Оштетени билборди и рекламни паноа на политичка партија во Тетово
Вчера на улицата ,,Киро Ристовски-Дрнц” и на улица „Маршал Тито” во Тетово биле оштетени билборди и рекламни паноа од парламентарните избори од една политичка партија.
Се преземаат мерки за расчистување на случајот, објави МВР.
Македонија
Демократски сојуз предлага платите на полицајците да бидат колку оние на обвинителите и судиите
Демократски сојуз на сите полицајци и припадници на службите за безбедност, им го честита 7 Мај, ДЕНОТ НА ПОЛИЦИЈАТА и им посакува успешно извршување на сложените безбедносни задачи.
Празникот се совпаѓа и со изборите за претседател на државата и за пратеници, каде за жал, како што велат од патијата, улогата на полицијата е клучна за обезбедување стабилност и услови за мирни и фер избори.
„Овие денови се клучни за да спречите нерегуларности, притисоци, купување на гласови, организирање на „Бугарски воз“ или нарушување на изборниот процес на кој било начин (насилство итн). Инаку полицијата и службите за безбедност извршуваат тешки, одговорни и сложени безбедносни задачи, но последните години се со ниски примања. Така, главен оперативец задолжен за спречување и откривање на тешки кривични дела прима плата од околу 45 илјади денари, а јавен обвинител околу 130 илјади денари“, додаваат од партијата на Павле Трајанов.
Предлагаат двојно зголемување на платите на полицијата и нивно усогласување со платите на обвинителите и судиите.