Полицијата го приведе педесет ишестгодишниот З.С. од Вевчани под сомнение дека е сторител на двократното убиство во Вевчани, соопшти Министерството за внатрешни работи. Според последните информации, двете ранети лица во пукањето се во болница и се надвор од животна опасност.

Според информациите на МВР, инцидентот се случил во среда околу 21,30 часот во летната бавча на угостителскиот објект „Пјаца“ кога З.С. испукал 10 проектили од пиштол „Црвена застава“ калибар 7,65 милиметри кон четири лица кои седеле во кафе барот. 

Од здобиените повреди, во општата болница во Струга починале две од повредените лица, Владо П.(43) и Мате Ѓ.(23) двајцата од Вевчани. 

Лицето Г.К.(33) од Вевчани се здобило со повреди во пределот на левата надлактица поради што е пренесен во специјалната болница „Св.Еразмо“ во Охрид, а И.П.(29) од Вечани поради три прострелни влезно-излезни рани во пределот на абдоменот е опериран во болницата во Струга. 

МВР информира дека двајцата се надвор од животна опасност. 

По настанот полицијата го привела З.С., осомничен за стореното кривично дело, а бил пронајден и пиштолот кој  легално го поседувал. 

Полицијата и јавен обвинител извршиле увид на лице место, а причините за сега не се соопштени.крај/мф/сд