Регион
Вучиќ: Суспендирањето на Турскиот тек е очекувано, потребно е ново решение
Суспендирањето на работите на проектот за гасоводот Турски тек, како против мерка на Москва поради турското уривање на рускиот борбен авион кај сириско-турската граница, беше очекувано, но „граѓаните не треба да се плашат дека ќе останат без гас“, изјави во петокот српскиот премиер Александар Вучиќ по неговата средба со австрискиот министер за надворешни работи Себастијан Курц на маргините од 22-от Министерски совет на ОБСЕ.
Според Александар Вучиќ, неопходно е „да се најде ново решение, за да се заштитат економијата и граѓаните на Србија“. Премиерот истакна дека неговата земја „беше лојална“ на претходниот гасоводен проект Јужен тек и оти сé уште се надева дека заедно со партнерите од Европската унија и од Русија ќе биде изнајдено решени за прашањето за снабдувањето со гас.
„Се движиме кон градење на меѓусебно поврзување со Бугарија, но и до Бугарија гасот од некаде мора да дојде. Ќе градиме складиште од милијарда кубни метри газ… Ситуацијата за нас не е едноставна, не по наша вина, но ќе сториме сé што можеме“, рече Вучиќ.
Им порача на граѓаните на Србија да не стравуваат, уште еднаш истакнувајќи дека е неопходно да се изнајдат нови решенија.
Претходно во четвртокот рускиот министер за енергетика Александар Новак соопшти дека, во рамките на рестриктивните мерки на Москва кон Анкара за уривањето на рускиот бомбардер како што тврди над Сирија, „суспендирани се натамошните преговори за проектот Турскиот тек“.
Пред него, челникот на „Газпром, Алексеј Милер, за новинарите изјави дека „доколку на Анкара ѝ е потребен Турскиот тек, тогаш неопходно е да ѝ се обрати на Москва“.
„Што се однесува до Турскиот тек, во прв ред Турција треба да се обрати, доколку за неа тоа е од интерес. Во моментов турската страна не се обратила со тој предлог“, рече Милер.
На 1-ви декември владата на Русија, одлучи да ги суспендира активностите на мешовитата руско-турска комисија за трговско-економска соработка. Претходно извори запознаени со преговорите за руските медиуми изјави дека разговорите за Турскиот тек е бидат суспендирани во врска со суспендирањето на работата на меѓувладината комисија.
Се очекуваше, инаку, дека договорот меѓи владите на Русија и Турција за споменатиот проект може да биде потпишан во декември или јануари. Притоа разликите беа во тоа што Москва сметаше дека треба да се потпише договор за две линии на гасоводот Турски тек, додека Анката само за една.
Договорот за изградба на гасоводот Турски тек беше постигнат во декември 2014 година. Гасовод кој треба да оди преку Турција е осмислен како алтернатива за Јужниот тек, од кој се Москва поради пречките за коишто ја обвини Европската унија. Проектот Турски тек вклучува изградба на гасовод со капацитет од 63 милијарди кубни метри гас на годишно ниво кои од Русија ќе бидат транспортирани во Турција преку Црното Море. Гасоводот во должина од околу 1.100 километри ќе се состои од четири раздели и до турско-грчката граница треба да носи до 47 милијарди кубни метри гас. Таму треба да биде создадена гасоводна мрежа (хаб), а земјите од Европската унија ќе треба самостојно да ги изградат своите капацитети за прифаќање на гасот на своите територии.
Во октомври челниците на рускиот енергетски гигант „Газпром“ соопшти дека компанијата е ограничена на изградба на две линии од „Турски тек“, бидејќи растечките потреби од гас во Европа може да се покријат со гасоводот Северен тек 2.
Истовремено уште тогаш беше објавено дека преговорите за потпишување на меѓувладиниот договор е одложено поради политичката ситуација во Турција, кога тогаш се очекуваше избор на тамошната влада./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.