Регион
Разочарани од Ципрас, Грците повторни штрајкуваа
Јавниот транспорт и јавните служби во четвртокот во грчката престолнина Атина беа во втор генерален штрајк во последните неколку седмици, но според медиумските извештаи тој мобилизирале нешто помал број луѓе кои се незадоволни со реформите во пензискиот систем коишто грчката влада мора да ги спроведе според договорот со Европската унија и Меѓународниот монетарен фонд (ММФ) во замена за третиот пакет надворешна финансиска помош во износ од 86 милијарди евра.
Според процените на атинската полиција, 8.000 луѓе учествувале во протесната поворка во центарот на грчката престолнина, на повик на комунистичкиот синдикален фронт PAME, а 6.500 луѓе во другата поворка која ја преводеа двата најголеми синдиката GSEE, на приватниот, и ADEDY, на работниците во јавниот сектор. На претходниот штрајк одржан на 12-ти ноември учествуваа околу 20.000 луѓе.
Денешниот штрајк главно го опфати јавниот сектор, државната управа, болниците и училиштата, сите траекти кои пловат кон сотровите останаа во пристаништата, а не работеше и јавниот градски транспорт.
„Доста е“, беше истакнато на еден транспарентите на синдикатот GSEE, на коишто се предупредуваше и на „пензиите кои ги убиваат луѓето“, на „новите фискални напади врз буџетот“се бараше „поништување на приватизацијата“.
Синдикатите повикаа на овој штрајк протестирајќи против големата реформа на пензискиот систем која владата на коалицијата на радикалната левица Сириза на премиерот Алексис Ципрас, мора да ја започне на почетокот од 2016 година, за да ги почитува обврските кои во јули ги презема кон доверителите.
Штрајкот, исто така, претставуваше предупредување пред ноќта кон неделата да се гласа за буџетот кој ќе содржи многу штедења, како и впрочем сите грчки буџети од 2011 година, без разлика дали ги носеше десницата или левицата. Ципрас во саботата вети дека пензиската реформа ќе се спроведе „без нови болни кастрења на пензиите“, но неговата влада сé уше ги нема објавено главните насоки.
Ципрас, кој во јануари годинава првпат дојде на власт, во надеж дека земјата ќе ја ослободи земјата од ригорозните штедења кои ја притискаат од 2010 година, мораше да се откаже од многу ветувања кои ги даде неговата левица. Така, дури и неговата Сириза ги повика своите симпатизери да ги поддржат денешните два штрајка.
Коалицијата на левата Сириза и националистичката Анел на власт сега е ослабена. Нејзиното мнозинство во парламентот, и онака тесно, во ноември дополнително се намали во текот на гласањето за првиот пакет од тешките мерки со кои од доверителите требеше да добие 12 милијарди евра за државната каса и за докапитализација на грчките банки. Така, владејачката коалиција сега има само 153 од вкупно 300-те мандата во парламентот.
За да ја зајакне позицијата, Ципрас мината сабота се обиде да ја придобие опозицијата, во којашто предничи Нова демократија (од десниот центар) која обично ги поддржува мерките договорени со кредиторите, но наиде на спротиставување и од десницата и од социјалистите, иако тие на 13-ти јули го одобрија договорот за 86-те милијарди евра.
Во таквите неповолни прилики, грчката влада и во моментов е изложена на критики поради нејзините постапки во имигрантската криза и бегалците кои со илјадници се истоваруваат на грчките острови. Така, во средата Financial Times и Le Monde пишуваа дека ЕУ размислува за исклучување на Грција од шенгенската зона на слободно движење, што го негираше портпаролката на владата Олга Геровасили./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.