Спорт
Клоп: Знаевме што купувавме кога го земавме Салах
Менаџерот на Ливерпул, Јирген Клоп вели дека во тимот биле „сигурни“ дека Мохамед Салах е вредно засилување, иако многумина сметаат дека Германецот го „ископа“ тогаш просечниот играч на Рома за неверојатна сезона 2017/18.
Ливерпул го добија Салах за 37…
Менаџерот на Ливерпул, Јирген Клоп вели дека во тимот биле „сигурни“ дека Мохамед Салах е вредно засилување, иако многумина сметаат дека Германецот го „ископа“ тогаш просечниот играч на Рома за неверојатна сезона 2017/18.
Ливерпул го добија Салах за 37 милиони фунти (нешто што сега изгледа како зделка на столетието) и во првата сезона тој има 41 голови во сите натпреварувања за „црвените“. Салах ќе се судри со поранешниот тим во вторник во првиот меч од полуфиналето на ЛШ.
„Што е подобар бизнис, да се донесе бекот Енди Робертсон од Хал за неколку милиони или да се донесе Салах? Тоа е бизнис-страната на фудбалот. 37 милиони фунти, не сум сигурен дали беше толку точно – пазарот така велеше и други можеа да го купат. Сега кога има 40 голови, можеби треба да платиме 50 милиони фунти? Знаевме дека тој е добар фудбалер и дека ќе функционира во нашиот тим, но не можевме да бидеме 100 отсто сигурни“, вели Клоп.
Тој не сака да шпекулира колку тој би бил вреден на „пазарот“ сега.
„Која цена за Мо сега? Тоа не е интересно прашање. Во Рома тој играше добро, но бидејќ Англија има толку добра лига, ретко гледате други лиги“, додава Клоп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Борусија Дортмунд си обезбеди место во ЛШ во наредната сезона
Foto/ EPA
Фудбалерите на Борусија Дортмунд со победата во првиот натпревар од полуфиналето на Лигата на шампионите и обезбедија пет екипи на Бундеслигата во Лигата на шампионите наредната сезона.
„Милионери“ одигра за себе, бидејќи тие се петти на табелата, без шанси да го стигнат четвртопласираниот Лајпциг.
Германците освоиле 18.357 бодови и се втори на листата на УЕФА. Првото место и припаѓа на Италија чии тимови собрале 19.428 поени. Овие две земји ќе имаат по пет претставници во новата сезона од Лигата на шампионите.
Во финишот на сезоната во европските купови, Англичаните ја имаат само Астон Вила во Конференциската лига, додека Французите имаат два претставника (ПСЖ во Лигата на шампионите и Марсеј во Лига Европа).
Следната сезона во Лигата на шампионите Германија ќе ја преставуваат Баер Леверкузен, Баерн Минхен, Штутгарт, Лајпциг и Борусија Дортмунд.
Спорт
(Видео) Контроверзната судиска одлука во очај го фрли Талант Душебаев – Магдебург на пенали го победи Кјелце
Магдебург ќе ја брани титулата во Лигата на шампионите, откако на пенали го елиминира Кјелце. Дуелот на минатогодишните финалисти, ја одбележа контроверзната судиска одлука на крајот од натпреварот.
Кјелце имаше напад за полуфинале, а топката заврши во рацете на Даниел Душебаев, кој при прекршок ја фрли на линијата од шест метри. Таа не успеа да стигне до Лукас Турна, но ја фати Арцем Караљок, кој имаше чиста ситуација пред себе, но шведските судии во тој момент досудија прекршок врз Душебаев.
Ракометарите на Кјелце не можеа да се помират со таа одлука, а еден од најгласните на протестите беше поранешниот вардарец, Игор Карачиќ, кој клекна пред судиите. Во неверување беше и тренерот на Кјелце, Талант Душебаев, кој влезе на теренот и се држеше за глава.
Ale drukarnia w wykonaniu szwedzkich sędziów… To jest niepojęte!!! Mamy rzuty karne. pic.twitter.com/nLkZnEoFPt
— Paweł Nowakowski (@Paw_Nowakowski) May 1, 2024
Натпреварот заврши со победа на Магдебург 23:22, бидејќи Кјелце со еден гол славеше на домашен терен во првиот натпревар, пеналите го решија патникот на завршниот турнир.
Во пенал драмата пет серии немаше победник бидејќи ракометарите на двата клуба беа прецизни по три пати. Сергеј Ернандез Ферер за Магдебург и Андреас Волф за Кјелце одбранија по два удари. Еден од трагичарите на полскиот клуб беше Игор Карачиќ, кој промаши седмерец во првата серија. Уште поголем трагичар испадна Алекс Душебајев, кој во последната серија не реализираше седмерец за победа.
Ферер го казни тоа така што го одбрани ударот на Дилан Нахи во шестата серија, а Омар Инги Магнусон потоа погоди за победа на Магдебург.
Магнусон беше и најдобар поединец на германскиот тим во 60 минута со шест гола, додека гостите ги предводеше Алекс Дујшебајев со четири гола. Карачиќ имаше три гола и три асистенции.
Спорт
(Видео) Дончиќ за нов брејк на Далас во ЛА, Мајами без шанси во Бостон
По поразот на вториот натпревар, Бостон Селтикс го исфрлија сиот бес на ослабениот Мајами и се пласираа во полуфиналето на Истокот, а Далас по победата во Лос Анџелес е на чекор до пласман во второто коло на Западот.
Бостон Селтикс го победија Мајами Хот со 118:84. Серијата, Селтикс ја добија со 4:1. Последните три натпревари Селтикси ги добија со вкупна разлика од 68 поени.
Џејлен Браун и Дерик Вајт постигнаа по 25 поени, Џејсон Тејтум додаде 16 поени и 12 скока.
На другата страна Бем Адебајо беше најдобар со 23 поени, пет скока и шест асистенции, Тајлер Хиро даде 15 поени.
Лука Дончиќ е болен, го мачи и коленото, но блесна и со 35 поени, седум скока и 10 асистенции го предводеше Далас до триумф над Клиперс 123:93. Кајри Ирвинг постигна 14 поени, а Макси Клебер забележа 15 поени (5-7 за три).
Кај Клиперс потфрлија најдобрите, Пол Џорџ постигна само 11, а Џејмс Харден седум поени.
„Сега треба да победиме на еден од следните два натпревари. Мора да играме на ист начин“, изјави Дончиќ и додаде:
„Болеста ми ја отежна работата, коленото не е многу добро, но адреналинот е тука кога си во плеј-офот. Кога ќе започне натпреварот, се што сакам е да победам“.
Шестиот натпревар ќе се игра во сабота во 3:30 часот по средноевропско време, во Тексас.