Македонија
(Видео) Костовски: Надвор од умот е да се собираат политички поени за случајот „Монструм“
Правда за жртвите кај Смилковското Езеро побараа и дел од членовите на ВМРО-ДПМНЕ присутни на протестот пред кривичниот суд, од каде порачаа дека дошле по сопствена волја. Кандидатот за градоначалник на Бутел од ВМРО-ДПМНЕ, Дарко Костовски, вели дека протестот не бил партиски организиран.
-Протестот не е партиски, јас сум од Бутел, ги познавам дел од семејствата на момчињата. Ова е грозоморен чин осуден од општеството, а и судот си ја заврши работата, но поради одредни политики, случајот се врати каде што е сега. Мислам дека некој свесно сака да ја сокрие правдата. Јас зборувам во лично име, ни на крајот од паметот не ми е да мешам политика кога се работи за ваков чин, говорам како човек, мојот став е познат од минатото… Јас лично би осудил кој било што сака да прави политчки поени за овој случај, тоа е надвор од умот, рече Костовски.
Дел од граѓаните на протестот носеа транспаренти на кои пишуваше „Спиеш ли мирно Заев“, „Ги сонуваш ли ти жртвите од Смилковското Езеро“ и порачаа судот да ги казни убијците.
На протестот не беа присутни родителите на жртвите кај Смилковското Езеро. Тие на последното рочиште го обвинија премиерот Заев дека крие дел од разговорите за овој случај кои укажуваат на вмешаност на функционери на ДУИ. Заев, пак, повтори дека сите разговори од прислушуваните материјали се предадени на СЈО, а како сведок за случајот би се појавил ако судот го побара тоа од него.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.