Европа
ОН бара релокација на сириските бегалци кон северот на Европа
Сирискиот конфликт трае веќе пет години, а УНХЦР смета дека треба да има поеквивалентна дистрибуција на бегалците меѓу европските држави.
Сирискиот конфликт трае веќе пет години, а УНХЦР смета дека треба да има поеквивалентна дистрибуција на бегалците меѓу европските држави.
Сиријците треба да бидат преместени од земјите во јужниот дел на Европа кон северните земји, со цел еднаква одговорност кон дојдените, соопшти Агенцијата за бегалци на ОН.
Во Европа, во моментов има 3,9 милиони Сиријци кои бараат азил, а повеќето од нив се сместени во прифатните центри околу Медитеранот.
Ако се прифати предлогот на УНХЦР, презентиран пред Европската унија, некои Сиријци ќе бидат преместени од нивните точки на доаѓање во јужна Европа, во други региони.
„Ситуацијата на Медитеранот е таква што ние сметаме дека мора итно да се преземат мерки за справување со ситуацијата“, вели Вилијам Спиндлер, портпарол на УНХЦР за The Local од Рим.
Спиндлер вели дека мора да се отворат легални рути од југот кон северот на Европа, а ОН бара да се постигне договор што ќе ги спречи Сиријците да се шверцуваат низ европските граници, без да се нарушува регулативата на ЕУ за барачите на азил донесена во Даблин.
„Ние нема да го занемариме Даблин или да ја смениме регулативата. Таа е направена со причина. Велиме да се најде начин да се примени Даблин за да не доаѓаме до вакви ситуации“, вели Спиндлер.
Бидејќи нема најави дека кризата во Сирија ќе се надмине, овој проблем треба да биде означен како ургентен
„Сегашниот став е да се пренесе проблемот на друго место. Не можеме повеќе да го правиме ова; мора да покажеме повеќе солидарност внатре во Европа, но и меѓу Европа и другите земји кои примаат бегалци“, додава Спиндлер.
Покрај програмата за релокација, УНХЦР бара од Европската унија да спроведе повеќе операции за спасување мигранти, затоа што недопустливо е илјадници бегалци да се дават во одите на Медитеранот. /крај/тл/бб
Извор: Ibrahim Chalhoub/Scanpix
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Холандија и подари на Украина 24 авиони Ф-16: „Употребата не е ограничена“
Холандија дава 24 ловци Ф-16 на украинските воздухопловни сили што ќе може да ги користи и против цели во Русија.
„Ограничувањата за тоа каде Украина може да ги користи никогаш не беа дискутирани“, рече холандската министерка за надворешни работи Ханке Бруинс СлотБруинс Слот, додавајќи дека употребата не е ограничена ни на границата во близина на Харков.
Министерката во заминување ги негира претходните извештаи дека САД треба да ја одобрат испораката на овие ловци.
Украина очекува да добие 30 белгиски Ф-16, но може да ги користи само против цели во Украина, бидејќи тоа се услови поставени од Белгија.
Европа
(Видео) Зеленски во Шведска: Само заедно можеме да го запреме лудилото од Москва
Украинскиот претседател Володимир Зеленски денеска потпиша билатерален безбедносен договор со Шведска, еден од трите планирани со нордиските земји, бидејќи бара дополнителна воена поддршка од Западот во војната против Русија.
Соопштението доаѓа додека западните земји дебатираат дали да и дозволат на Украина да користи западно оружје за да нападне воени цели во Русија, поддржувајќи офанзива врз североисточниот украински град Харков.
„Можете да видите дека Русија се обидува да ја прошири војната… Само заедно можеме да го запреме лудилото од Москва“, рече Зеленски на потпишувањето на договорот, 13-ти таков договор што Киев го потпиша со западна земја.
Зеленски рече дека ќе потпише билатерални договори и со Норвешка и Исланд.
Воздушната одбрана, производството на муниција и заедничкото производство на оружје се на врвот на агендата на петочниот самит меѓу Зеленски и премиерите на Шведска, Норвешка, Данска и Исланд и претседателот на Финска.
Сите нордиски земји, кои цврсто ја поддржуваат Украина, се членки на НАТО.
„Постојано се повторува, вие буквално не се борите само за сопствената слобода, туку и за нашата слобода и нашата безбедност“, рече шведскиот премиер Улф Кристерсон.
„Ова е причината зошто поддршката на Украина е толку фундаментална, егзистенцијална задача за Шведска и за сите други нордиски земји“, додаде тој.
Претходно овој месец, Шведска соопшти дека се согласила за дополнителна воена помош за Украина во вкупна вредност од 7 милијарди долари во текот на три години, додека во последните недели Норвешка преговараше за билатерален безбедносен договор со Киев.
Данска и Финска веќе потпишаа 10-годишни безбедносни договори со Украина во февруари и април, соодветно.
Европа
Едногодишно бебе паднало низ прозорец во Австрија: „Се обиде да се држи за саксија“
Едногодишно Ддтенце паднало од прозорец на станбена зграда во Отакринг, Австрија и се здобило со сериозни повреди на главата.
18-месечното бебе паднало од прозорец во четвртокот околу 20 часот додека родителите биле во другата соба, зафатени со другото бебе, јавуваат австриските медиуми.
„Се качи преку трпезариската маса на прозорецот од кујната и се лизна надолу“, раскажува сведок.
Како што објаснил, детето се обидело да се потпре на саксија што стоела на прозорецот.
Меѓутоа, бидејќи саксијата не била соодветно потпрена, се превртела и паднала, а момчето паднало по неа.
Малото момче се здобило со сериозни повреди на главата поради што е хоспитализирано и сместено на одделението за интензивна нега.
Според првичните информации, неговиот живот не е во животна опасност.
Австриската полиција ги приведе родителите поради сомнение дека од небрежност му нанеле телесни повреди на нивниот син.