Свет
Премиерот на Израел самостојно ќе може да прогласи почеток на војна
Израелскиот парламент изгласа закон кој им овозможува на премиерот и на министерот за одбрана да одлучат да одат во војна без притоа да се свика владина седница.
Овој закон добил поддршка од 62 пратеника, а 41 биле против. Истиот ќе овозможи потесен состав на владата, задолжен за безбедноста, да одлучува за воена операција без да се консултира со останатите министри.
Во екстремни услови, премиерот и министерот за одбрана можат самите да одлучат за таква операција.
Предлогот беше доставен од страна на министерката за правда, Ајелет Шакед, како амандман на основниот закон, кој претходно дозволуваше само владата да означи почеток на воена операција.
Потесниот состав на израелската влада се состои од 11 министри, а инаку вкупно има 22 министри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кина за изјавите на новиот тајвански претседател: Ова се опасни сигнали
Кинеската канцеларија за прашања на Тајван денеска објави дека новиот претседател на островската држава Лаи Чинг-те испратил „опасни“ сигнали кои ги поткопуваат мирот и стабилноста во регионот.
Обраќајќи им се на толпата пред претседателската канцеларија во центарот на Тајпеј, Лаи повика на разговори со Кина, која го смета демократскиот остров за своја територија и не ја отфрли можноста за употреба на сила за да го врати под своја контрола.
„Исто така, сакам да ја повикам Кина да престане политички и воено да го заплашува Тајван и да ја земе со себе глобалната одговорност за одржување на мирот и стабилноста во Тајванскиот теснец и во регионот со цел да се обезбеди свет без страв од избувнување на војна“, рече тој.
Кинеската канцеларија за прашања на Тајван рече дека зборовите на Лаи „целосно ја откриле неговата вистинска природа како застапник на независноста на Тајван“, додавајќи дека ситуацијата во каналот што ги дели Кина и Тајван е „комплицирана и мрачна“. „Независноста на Тајван не е компатибилна со мирот во Тајванскиот теснец“, се вели во соопштението.
„Колку и да се менува ситуацијата на островот, кој и да е на власт, тоа нема да го промени фактот дека и двете страни припаѓаат на иста Кина“, се заклучува.
Свет
Земјотрес со јачина од 5,6 степени го погоди кинескиот регион Ксинџијанг
Земјотрес со јачина од 5,6 степени според Рихтеровата скала го погоди денеска кинескиот регион Ксинџијанг, соопшти Европскиот медитерански сеизмолошки центар (EMSC).
ЕМСЦ наведува дека епицентарот на земјотресот бил на длабочина од 10 километри.
Засега нема извештаи за евентуални повредени или материјална штета.
Европа
Се огласи болницата во Банска Бистрица: Ова се последните информации за состојбата на Роберт Фицо
Состојбата на словачкиот премиер Роберт Фицо, кој беше ранет во обид за атентат минатата недела, е стабилна, соопштија од болницата во Банска Бистрица.
„Клинички се подобрува, комуницира, воспалителните параметри полека се намалуваат. Премиерот останува под наша грижа“, соопштија од болницата во Банска Бистрица по денешната седница на Советот.
Фицо беше тешко ранет минатата среда по состанокот на кабинетот кога се приближи до насобраните луѓе.
Тој со хеликоптер беше префрлен во болницата во Банска Бистрица каде итно беше опериран и оттогаш е таму.
Претходните денови се зборуваше за префрлање на премиерот во друга институција, но како што може да се заклучи од денешното соопштение на болницата, тој засега останува во Банска Бистрица.