Македонија
Ласовска: На Дескоска приоритет ѝ било да го смести сопругот во Одборот за акредитација и евалуација
Наместо министерката Рената Дескоска да предложеше квалитетен закон за високо образование, деновиве стана јасно дека приоритет ѝ било обезбедување нместо за својот сопруг во Одборот за акредитација и евалуација во високото образование, изјави Благица Ласовска, пратеничка на ВМРО-ДПМНЕ, во врска со пишувања на „Макфакс“ дека професорот на Правниот факултет, Тони Дескоски, е еден од дваесет и тројцата членови на Одборот за акредитација и евалуација во високото образование, именуван на предлог на УКИМ од пред неколку години.
„Законот кој беше предлог на министерката, а парламентарното мнозинство на вчерашната седница го изгласа, се донесе без никаква дебата и инклузивност, иако се работи за едно сериозно прашање од областа на високото образование. Новиот закон за високо образование ги одзема сите права на студентите да одлучуваат за клучни процеси во универзитетите“, рече Ласовска.
Според неа, Законот за виското образование што беше донесен од страна на парламентарното мнозинство е крајно рестриктивен и недемократски ако се земат предвид правата на студентите, студентските избори, односно студентскиот парламент.
Со овој закон, рече таа, универзитетите, односно факултетските студенстски парламенти стануваат тела на универзитетот, факултетот, односно високата стручна школа.
„Новиот закон за високо образование го укинува правото за намалување на партиципацијата на децата од еднородителски семејства и истовремено се укинува и правото на студент кој е запишан во приватна квота на државните универзитети и плаќа 400 евра да не може да се префрли во државна квота од 200 евра доколку постигне просек од 8,5. Исто така законот го укинува правото на бесплатно школување на студентите со завршен просек од над 9 во претходната година. Со овие укинувања СДСМ класично ја отстранува социјалната компонента и вреднувањето на успехот и трудот на студентите“, рече Ласовска.
Таа додаде дека пратеничката група на ВМРО-ДПМНЕ поднесе 17 амандмани, но, како што рече, за жал министерката за образование и наука, Рената Дескоска, не прифати ниту еден амандман и токму затоа СДСМ не може да зборува дека овој закон е плод на широка и квалитетна дебата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Андоновска: Во нашата програма на коалицијата „Храбро за Македонија“ воведуваме категорија „пензионерско семејство“
Во нашата програма на коалицијата „Храбро за Македонија“ воведуваме категорија „пензионерско семејство“. Секое пензионерско семејство во Република Македонија независно дали го сочинува еден пензионер или два пензионери мораат да имаат минимална месечна пензија од 25.000 денари, вели носителката на пратеничката листа на коалицијата „Храбро за Македонија“ во Изборната единица еден, д-р. Добрила Андоновска.
– Пример, ако во едно семејство еден пензионер прима пензија од 13.000 денари, низ системот на социјалните пакети ќе добива до задолжителните 25.000 денари кои се неопходни за неговиот живот, да може квалитетно да се храни, да купи лекови кои не се на позитивната листа и да ги плати секојдневните свои давачки, да се загрее како што треба домот, да има пари за превоз и слично.
Цениме дека ова е најцелисходна мерка затоа што сите други мерки кои се нудат од другите политички партии или коалиции, драстично ќе го намалат, ќе го уништат пензискиот фонд и после извесен број на години сите ние ќе бидеме загрозени, значи како сегашните, така и идните пензионери. Многу битна мерка воведуваме, значи пензионерско семејство со загарантирани 25.000 денари на секое пензионерско семејство во Република Македонија – рече Андоновска.
Македонија
Стојчевски: Ние од Движењето ЗНАМ имаме мерки и политики за подобрување на здравствениот систем
Знам дека најголема грижа на секој од нас е здравјето на нашите деца, нашите родители и нас самите. Една од најголемите предизвици со кои се соочуваме е состојбата на здравствениот систем во нашата земја. Официјалната статистика открива дека имаме само 270 лекари на 100,000 жители, што е за 22% под просекот на Европската Унија. Исто така, последните десет години губиме околу двеста лекари годишно, што е приближно ист на бројот на студенти кои завршуваат медицински факултети. Ова е сериозен проблем кој бара нашата реакција и акција, изјави Даниел Стојчевски, носител на кандидатската листа на ЗНАМ во ИЕ 2.
– Ние од Движењето ЗНАМ имаме мерки и политики кои ќе ги подобрат условите во здравствениот систем. Најпрво, ние ќе работиме на зголемување на бројот на лекари, со фокус на инвестирање во образованието и обука на нови лекари, како и со создавање на услови за задржување на постоечките. Исто така, ние ќе се обидеме да ги поттикнеме младите да се вклучат во медицинската професија преку програми за стипендии и обука.
Конкретни мерки од нашата програма се:
-Зголемување на платите на докторите за 20 проценти
-Зголемување на платите на медицинските сестри и другиот медицински персонал за 50 проценти
-Бесплатен здравствен систем за сите граѓани на државата
-Креирање на здравствен систем кој ќе ги лекува пациетнтите и нема од нив да прави клиенти
-Еднаков пристап до здравствени услуги на сите граѓани по нивен избор.
-Подобрување и реновирање на сите здравствени објекти во Македонија.
Освен тоа, ќе се фокусираме на подобрување на здравствената инфраструктура и пристапот до здравствени услуги за сите граѓани, особено за оние во руралните области. Ја Споделуваме и вашата загриженост за ниските нивоа на наталитет и високата стапка на смртност, и затоа ќе се фокусираме на програми за здравствено образование – рече Стојчевски.
Македонија
Левица со антикорупциска платформа ќе се бори против неказнивоста на функционерите
Носителката на листа на ИЕ5 од Левица – Јована Мојсоска ја презентираше предизборната програма меѓу жителите во Ресен. Левица, како партија на нова генерација политичари без криминален багаж, на овие избори настапува со своја антикорупциска Платформа, како единствен механизам против корупцијата која го разјадува македонското општество.
„Народот доволно беше сведок како политичките елити три децении се амнестираат, како што беше случајот со последните измени на Кривичниот Законик, каде беа амнестирани над 80 функционери од поранешната и актуелната власт!
Антикорупциската платформа на Левица се темели на неколку клучни точки:
– Итно носење на Закон за потекло на имот на сите носители на јавни функции, од осамостојувањето до денес (1991–2024) – како lex specialis;
– Незастарување на кривичните дела поврзани со т.н. економски криминалитет и корупција извршени од страна на јавните функционери;
– Трикратно зголемување на рокот на застареност во Кривичниот законик за делата сторени од носителите на јавни функции, поврзани со т.н. службенички криминалитет.
-Проширена конфискација (кривична или граѓанска) на нелегално стекнатиот имот на досегашните владејачки структури и олигарси – не само од нив лично, туку и од нивни блиски роднини, пријатели/партнери или трети лица.
– Разрешување на судија по сила на закон на кој му застареле три предмета во кариерата и поради кои Република Македонија ќе изгуби спор пред Судот во Стразбур со цел ставање крај на партизацијата на судството.
На криминалното и анти-македонско владеење на СДС и ДУИ ќе им пресуди народот на 8 Мај, а потоа мора да има ригорозна одговорност за економскиот, социјален и национален пустош кој го оставија во нивното катастрофално владеење“, велат од партијата.