Спорт
Импресивни победи на Семенја и Перковиќ на стартот на Дијамантската лига
Јужноафриканката Кастер Семенја постави нов национален рекорд на 1.500 метри, стигнувајќи до убедлива победа на првиот митинг од Дијамантската лига на ИААФ во Доха, Катар.
Семенја, која во април ја освои и титулата на Игрите на Комонвелтот, постави вре…


Јужноафриканката Кастер Семенја постави нов национален рекорд на 1 500 метри стигнувајќи до убедлива победа на првиот митинг од Дијамантската лига на ИААФ во Доха, Катар.
Семенја, која во април ја освои и титулата на Игрите на Комонвелтот, постави време од 1:59.92 в недела во која беше главна тема поради новите правила околу нивото на тестостерон во женското натпреварување на ИААФ. 27-годишната Јужноафриканка е двократна олимписка шампионка на 800 метри.
„Не сакам да зборувам за глупости“, изјави Семенја кога беше прашана за правилата.
Одличен старт на Дијамантската лига имаше и хрватската олимписка шампионка, Сандра Перковиќ, која победи во фрлањето диск со одлични 71.38, само три сантиметри од нејзиниот личен рекорд.
Во новото, скратено натпреварување во три серии, Хрватката покажа дека е подготвена за успешна сезона, победувајќи ги Кубанките, Јаиме Перез (66.82) и Денија Кабалјеро (63.80).
How it feels to throw 71.38m at DL Doha! Congrats to Sandra Perkovic ? pic.twitter.com/oVIA8ONRim
— Throws Chat (@ThrowsChat) May 4, 2018
Во другите дисциплини, Исак Маквала од Боцвана доживеа пораз во трката на 400 метри откако Стивен Гардинер од Бахамите триумфираше со 43.87. Јамајчанската олимписка шампионка на 100 метри, Илејн Томас победи со време од 10.93, најдобро оваа сезона.
Оваа година Дијамантската лига има 14 митинзи, со кулминација во Брисел во август во година во која нема големи натпреварувања (ниту СП, ниту Олимпијада).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Договорен е најголемиот трансфер во историјата на Премиер лигата

По долги преговори, Ливерпул и Баер Леверкузен го договорија трансферот на Флоријан Вирц.
Германскиот и англискиот клуб го потпишаа најголемиот трансфер во историјата на Премиер лигата, вреден 136,3 милиони евра, според англиските и повеќето европски медиуми и фудбалски инсајдери.
Договорот, исто така велат, е дефинитивно склучен, и сè што останува е двата клуба да го официјализираат договорот.
Ливерпул ќе му плати на Баер основни 117,5 милиони евра како обештетување и дополнителни 18,8 милиони во бонуси, па Вирц ќе може слободно да потпише петгодишен договор со „црвените“.
Вредноста на овој трансфер го надмина претходниот најголем во историјата на Премиер лигата, оној на Мојсес Кајсед од Брајтон во Челзи за 133 милиони евра.
Според порталот „The Atheltic“, во преговорите со Ливерпул, Баер побарал цели 150 милиони за Вирц, но на крајот, двете страни постигнале договор за помала сума.
Минатата сезона Вирц постигна 16 гола и 15 асистенции во 45 натпревари, а пред тоа беше клучен играч во шампионскит тим предводен од Чаби Алонсо.
Во 49 натпревари во шампионската сезона на Баер, тој постигна 18 гола и запиша 20 асистенции во 49 натпревари.
BREAKING: Liverpool and Bayer Leverkusen have come to an agreement on a British record deal for Florian Wirtz 🚨
The total package is £116.5m (€137.5 million), made up of a £100 m plus £16.5 million in potential add-ons. pic.twitter.com/HosbszL2r8
— Sky Sports News (@SkySportsNews) June 13, 2025
Спорт
По 34 години, Пипо ја врати Пиза во Серија А, па го напушти клубот

Поранешниот напаѓач на италијанската репрезентација, сега тренер, Филипо Инзаги, ја напушта клупата на Пиза еден месец по историската промоција во Серија А, објави клубот во петокот.
„Договорот на Инзаги, кој траеше уште две години, беше спогодбено раскинат“, објави тосканскиот клуб.
Се очекува 51-годишникот, како што тврдат медиумите ќе го преземе Палермо.
Палермо наводно ѝ платил на Пиза речиси милион евра за Инзаги. Сицилијанскиот клуб, во сопственост на Сити Фудбал Груп (сопственик и на Манчестер Сити), исто така се стреми кон враќање во Серија А.
Пиза заврши втора во Серија Б под водство на Инзаги, остварувајќи промоција во Серија А за прв пат по 34 години.
Алберто Џилардино е еден од кандидатите за клупата на Пиза, како и Марко Џампаоло, кој неодамна беше отпуштен од Лече.
Спорт
Гонзало Гарсија е новиот тренер на Хајдук

Гонзало Гарсија официјално го презеде Хајдук, потврди клубот. На клупата на третопласираниот тим од неодамна завршената сезона во Хрватска тој го наследи Гатузо.
Трансферот на тренерот беше потврден откако сплитскиот клуб постигна договор со Истра 1961, која претходно ја водеше Гарсија. Договорот е потпишан до летото 2028 година, а новиот тренер официјално ќе и биде претставен на јавноста следната недела, пред почетокот на подготовките на клубот за новата сезона.
Гарсија со Истра 1961 сезоната ја заврши на шестото место. Во 18 натпревари од вториот дел од сезоната, тој загуби само три пати, а покрај тоа, имаше седум победи и осум нерешени резултати.