Црна хроника
Украдено оружје од стан во Скопје

Од стан во скопски Карпош, украдени се повеќе пушки и пиштол и предизвикана е штета од 900.000 денари.
Во понеделникот, во 23.50 часот во полициската станица Карпош, И.М. (51) од Скопје пријавил дека истиот ден во периодот од 18 до 22 часот непознат сторител извршил тешка кражба во неговиот стан. Украдени се малокалибарска пушка калибар 22 мм со оптички нишан, ловен карабин марка калибар 7 мм со оптички нишан, ловен карабин со оптички нишан и пиштол калибар 9 мм со што е направена штета од околу 900.000 денари. Имено, сторителот со употреба на погоден алат ја отворил вратата, влегол внатре, извршил пребарување, ги пронашол и ги одзел наведените работи, а потоа го напуштил местото. Увид на местото на настанот извршила увидна екипа на СВР-Скопје. Се преземаат мерки за пронаоѓање на сторителот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Штитеници во установа за згрижување деца имале сексуален однос пред 12-годишно дете

Вчера во 16:45 часот во СВР Скопје е пријавено дека во август 2025 година во соба во установа за згрижување на деца, 16-годишен штитеник и 15-годишна штитеничка на установата имале сексуален односи.
Според информациите од МВР, тие имале односи пред 12-годишен штитеник на установата, по што 16-годишникот му се заканил на 12-годишникот да не кажува никому.
Се преземаат мерки за расчистување на случајот.
Црна хроника
Ограбен автомобил на паркинг во Центар

Синоќа во 00:32 часот во СВР Скопје е пријавено дека е ограбен автомобил на паркинг простор на подрачјето на Центар во Скопје.
Според информациите на МВР, од патничко возило „мерцедес“ со скопски регистарски ознаки, сопственост на правно лице, одземена е актовка со пари, документи, печати и други предмети.
Се преземаат мерки за расчистување на случајот.
фото: илустрација
Црна хроника
Инцидент во Карпош: Му ги дупнала гумите на возилото на партнерот, а потоа и физички го нападнала

Маж од тетовско пријавил во полиција дека неговата партнерка му ги дупнала гумите на возилото, а потоа и физички го нападнала.
Доцна синоќа, во 03:20 часот во СВР Скопје, 44-годишен маж од тетовско пријави дека претходно околу 19:00 часот во Скопје, на подрачјето на Карпош, неговата партнерка со нејзиното возило удрила во неговото возило, а потоа со остар предмет му ги оштетила гумите на возилото и физички го нападнала.
Се преземаат мерки за расчистување на случајот.