Европа
Качински го обвини Туск за несреќата од 2010 во која загина неговиот брак близнак
Одговорноста на авионската несреќа во 2010 година во која крај рускиот град Смоленск загина тогашниот полски претседател Лех Качински заедно со уште 95 високи државни функционери и членови на владата во тогашниот премиер Доналд Туск, изјави во понеделникот челникот на владејачката партија Право и справедливост (PiS), Јарослав Качински на комеморацијата за несреќата во која го загуби братот близнак.
Авионот се урна крај Смоленск во Русија, а во несреќата загина и сопругата на претседателот, гувернерот на централната банка и неколку највисоки воени функционери, членови на државната делегација која одеше на комеморација на илјадниците полски жртви во ткн масакр во Катинската шума.
Јарослав Качински, поранешен полски премиер, го нападна актуелниот челник на Европскиот совет Доналд Туск, велејќи дека пред да се даде прошка, мора да се утврдат виновниците и соодветната казна.
„Поранешната влада е одговорна за тоа. Не владата на Ева Копач, секако, владата на Доналд Тус. Прошка е потребна, но прошка откако ќе се утврди виновникот и ќе се добие соодветната казна. Тоа е она што ни е потребно“, изјави Качински на комеморацијата.
Туск беше полски премиер во време на несреќата, а откако замина на европската функција, го замени Ева Копач.
Истрагата покажа дека за несреќата причина е грешка на пилотот кој се обидел да слета по многу магливо време, поради што и закачил во крошните од блиските дрвја и во електрични столбови.
Меѓутоа новата влада, која ја води партијата на Јарослав Качински, а дојде на власт со голема победа ланскиот октомври, вели дека е можно несреќата да ја предизвикала и експлозија во авионот.
Јарослав Качински веќе подолго време го обвинува Туск дека е индиректно одговорен за трагедијата, којашто е, според неговото мислење, резултат делумно и на негрижата на владата./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.