Спорт
Ман јунајтед влегуваат во трката за Нејмар
Манчестер јунајтед се подготвени да дадат сензационални 200 милиони фунти за да го „вдомат“ несреќниот Нејмар од Пари Сен-Жермен, тврди британскиот весник „Дејли мирор“.
Ова не е првпат Јунајтед да се споменува во врска со можен трансфер на Нејмар, бид…
Манчестер јунајтед се подготвени да дадат сензационални 200 милиони фунти за да го „вдомат“ несреќниот Нејмар од Пари Сен-Жермен, тврди британскиот весник „Дејли мирор“.
Ова не е првпат Јунајтед да се споменува во врска со можен трансфер на Нејмар, бидејќи тоа е еден од ретките клубови кои се подготвени да дадат толку пари за трансфер, но и да ја плаќаат неговата плата од речиси 40 милиони евра годишно.
Според „Мирор“, од Јунајтед веќе му порачале на Бразилецот дека се подготвени да влезат во „војна“ со Реал Мадрид за неговиот потпис ако тој реши да замине ова лето, а свој „адут“ имаат во Нејмар Сантос Сениор, таткото на 26-годишната ѕвезда. Тој е голем навивач на Јунајтед и би сакал неговиот син еден ден да игра за клубот.
Оваа недела во Франција имаше шпекулации дека таткото на Нејмар му дал задача на супер-агентот Пини Захави да му организира трансфер во Реал Мадрид, но од Пари Сен-Жермен велат дека е „1000 отсто“ сигурно дека тој ќе остане на „Паркот на принцовите“.
Останува да се види дали и во оваа шпекулација има некоја вистина.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.