Спорт
Време е Вардар да го наплати „долгот“ на Ѓер
Македонскиот шампион ЖРК Вардар е подготвен во последниот „лебедев танц“ да ја донесе титулата и од женската Лига на шампионите во Скопје, одмаздувајќи му се на унгарскиот Ѓер за минатогодишниот драматичен пораз.
Вардарки последен пат ќе играат меч во …
Македонскиот шампион ЖРК Вардар е подготвен во последниот „лебедев танц“ да ја донесе титулата и од женската Лига на шампионите во Скопје, одмаздувајќи му се на унгарскиот Ѓер за минатогодишниот драматичен пораз.
Вардарки последен пат ќе играат меч во овој состав, откако следната година по намалувањето на инвестиците на Сергеј Самсоненко, ќе имаме сосема поинаков „црвено-црн“ состав, без големите европски ѕвезди, така што мотивација сигурно нема да недостасува на теренот во Будимпешта, иако повторно ќе се соочат со непријателската публика, која сигурно ќе биде наклонета кон актуелниот шампион.
Ѓер минатата година успеа да го победи Вардар по продолженијата со еден гол разлика и досега има три победи во петте меѓусебни дуели со македонскиот шампион, а покрај тоа беа убедливи во полуфиналето со ЧСМ Букурешт, тимот каде што ќе завршат голем број на ракометарките на Вардар. И европскиот вицешампион беше убедлив и со 25:19 го совлада рускиот Ростов, и нема сомнеж дека во финалето ќе играат двете најдобри женски екипи во Европа.
Дуелот започнува во 18 часот.
Фото: ЕПА
Watch again the second semi-final match highlights of the Women’s EHF FINAL4 Championship. ?@rostovhandballe vs @VardarZRK #ehfcl #ehffinal4 #budapest2018 pic.twitter.com/KeLCmsCJH3
— EHF Champions League (@ehfcl) May 13, 2018
Watch again the second semi-final match highlights of the Women’s EHF FINAL4 Championship. ?@rostovhandballe vs @VardarZRK #ehfcl #ehffinal4 #budapest2018 pic.twitter.com/KeLCmsCJH3
— EHF Champions League (@ehfcl) May 13, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Салах и Клоп се скараа: Ако прозборам, ќе биде жестоко
Мохамед Салах, играчот на Ливерпул, не сакаше да застане и да даде изјава во микс зоната по мечот со Вест Хем (2:2). Напаѓачот на Ливерпул на минување на новинарите им кажа само една реченица.
„Ако прозборам, ќе биде жестоко“, порача Салах.
Неочекувано, Салах, натпреварот со Вест Хем го почна од клупата за резерви, а шанса да се најде на теренот доби дури во 79.минута. Кога влегуваше во игра имаше што да му каже на тренерот Јирген Клоп, па целата ситуација мораше да ја смири Дарви Нуњез.
„Ќе разговараме во соблекувалната, пред момците“, изјави Клоп.
Договорот на Египќанецот истекува следното лето, а минатата година беше блиску до заминување во Саудиска Арабија. Впечатокот е дека ги минува последните денови во Ливерпул, исто како и Клоп.
LEAKED: The pitch-side microphones picked up the sound of the argument between Klopp and Salah… pic.twitter.com/6ceIFBMFIi
— Not Match of the Day (@NOT_MOTD) April 27, 2024
🗣️ Mo Salah on his argument with Jurgen Klopp. “If the speak there will be fire.”
🎥 via @j_castelobranco pic.twitter.com/0hzlr4XuUH
— Ben Jacobs (@JacobsBen) April 27, 2024
Спорт
Лудница во спринтот во Херез, победи Мартин
Хорхе Мартин го освои првото место на спринт трка во Херез во рамките на Мото ГП шампионатот.
Шпанецот на Прамак Дукати беше убедлив, максимално ги искористи проблемите со кои се соочија неговите конкуренти и на крајот ја мина целта за 19:52.682 минути.
На второто место со речиси три секунди заостанување се најде младиот Педро Акоста (ГасГас) кој продолжи да постигнува одлични резултати во својата прва сезона во кралската класа.
Блесна и тоа не по своја вина и Фабио Кваратараро. Светскиот шампион со Јамаха од 2021 година од 23. дојде до третото место.
Спринтот во Херез сигурно е една од најинтересните и најчудните трки во Мото ГП во последните 10 години.
Буквално сите кандидати за висок пласман паднаа, а само Марк Маркез успеа да се врати и да ја продолжи трката. Шпанецот којс тартуваше од пол-позицијата, првото место го загуби во првите неколку свиоци.
Сепак не се откажа, во деветтиот круг успеа да го мине Мартин, но на чело на трката беше само еден круг, бидејќи падна, се врати на патеката и на крајот го освои осмото место.
Трката не ја заврши ниту актуелниот шампион, Пеко Бањаја, исто како и Вињалес, Басијанини, Алекс Маркез, Биндер…
Спорт
(Видео) Вест Хем (дефинитивно) го исфрли Ливерпул од шампионската трка
Вест Хем попладнево го исфрли Ливерпул од шампионската трка. Во рамките на 35.коло, Вест Хем и Ливерпул одиграа 2:2. Ливерпул остана на третата позиција со 75 бода, два помалку и натпревар повеќе од лидерот Арсенал. На третото место е Манчестер сити со 76 бода и два натпревар помалку од лидерот на на табелата.
Вест Хем поведе во 43. минута благодарение на Џерод Бовен, кој погоди по кронерот на Кудуз.
Бовен со овој гол влезе во историјата на Вест Хем. Ниту еден играч пред него не постигнал 16 голови во една сезона во Премиер лигата.
Ливерпул израмни на самиот почеток на второто полувреме. Робертсон во 48.минута го совлада Ареола.
Ливерпул направи пресврт 17 минути подоцна. Карамбол ситуација пред голот на Вест Хем, заврши со комичен авто-гол на голманот Ареола.
Голманот на Вест Хем одлчно реагираше по ударот на Дијаз во 73.минута.
Казната Ливерпул го стигна четири минути подцна кога Антонио гои постави конечните 2:2.