Свет
Чеченот уапсен во врска со нападот во Париз работи во Агенцијата за имиграција
Пријателот на напаѓачот од Париз, Чеченот Хамзат Асимов, бил вработен во француската Агенција за имиграција и се оженил со жена позната како радикален исламски екстремист, пренесува „Брејтбарт“.
Абдул Хаким А., кој беше уапсен во неделата по терористичкиот напад во кој чеченскиот имигрант Камзат Асимов прободе неколку луѓе во Париз, при што загина еднo, а беа повредени четири други лица, бил сметан за умерен муслиман и бил вработен во Канцеларијата за имиграција во Стразбур од јануари, објави францускиот весник „Уест Франс“.
Според извештаите, Абдул Хаким А. е роден во чеченскиот главен град Грозни во 1997 година и се преселил во Франција со својата мајка кога имал 13 години. Тој се спријателил со терористот Асимов во средно училиште. Иако им рекол на иследниците дека е умерен муслиман, Абдул Хаким се оженил за жена позната како радикален исламски екстремист, која се обидела да отпатува за Сирија. Француските разузнавачки служби, наводно, почнале да го држат парот под надзор набргу по нивната венчавка.
При претресот во неговиот дом, полицијата открила седум мобилни телефони, иако Абдул Хаким А. тврдел дека го изгубил својот главен телефон. Генералниот директор на француската Канцеларија за имиграција и интеграција, Дидие Леши, вели дека Абдул Хаким А. пред вработувањето бил проверен и немал криминално минато.
Нападот во Париз доаѓа само неколку месеци откако германскиот историчар Кристијан Остхол предупреди дека Чечените ја преземаат радикалната исламска сцена во еден регион на Германија и дека многумина имаа врски со терористичката Исламска држава. Чеченските исламистички банди го спроведуваат шеријатскиот закон во своите заедници во Берлин често принудувајќи ги чеченските жени да се придржуваат на строга форма на скромност или да се соочат со закани и заплашување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.