Спорт
Платини со шокантно признание: Наместивме Бразил и Франција да играат финале!
Француската фудбалска легенда и поранешен претседател на УЕФА, Мишел Платини тврди дека ждрепката на Светското првенство во Франција во 2018 било наместено да играат Франција и Бразил во финалето.
Платини беше исфрлен од ФИФА и УЕФА по откривањето дека…
Француската фудбалска легенда и поранешен претседател на УЕФА, Мишел Платини тврди дека ждрепката на Светското првенство во Франција во 2018 било наместено да играат Франција и Бразил во финалето.
Платини беше исфрлен од ФИФА и УЕФА по откривањето дека добил „нелегални исплати“ од 1.35 милиони фунти од поранешниот шеф на ФИФА, Сеп Блатер.
Франција го победи Бразил со 3:0 во 1998 за единствената светска титула, но Платини, кој беше селектор на својата репрезентација од 1988 до 1992 година, вели дека бил вклучен во „местенка“ да осигура Бразил да не им се падне до финалето.
ФИФА беше согласна домашната нација да добие одредено носителско место, додека другите седум носители се одредуваа со ждрепка, но Платини, кој беше координатор на организациониот комитет на СП во 1992 година, вели дека издејствувал промена.
„Кога го организиравме календарот, направивме мал трик. Ако завршевме први во групата, а и Бразил беше прв, не можевме да се сретнеме до финалето. Кога си на домашен терен, треба да уживаш во работите. И другите организатори го прават истото. Франција-Бразил во финалето, тоа беше сон за сите“, вели Платини во интервју за француското радио.
Финалето исто така беше контроверзно по теориите за заговор околу формата на Роналдо, кој прво беше повлечен од финалето, за во последен момент да биде вклучен во тимот. Тој имаше лош натпревар, а Франција победи со 3:0 со двата гола на Зинедин Зидан и еден на Емануел Пети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баерн наредната недела ќе реши кој ќе биде наследникот на Тухел
Почесниот претседател на Баерн Минхен, Ули Хенес изјави дека очекува клубот да донесе одлука за нов тренер во рок од една недела.
Баерн во февруари објави дека тренерот Томас Тухел ќе го напушти клубот на крајот на сезоната, една година пред истекот на неговиот договор, поради незадоволителни резултати.
„Мислам дека ќе донесеме одлука за една недела“, изјави Хенес за „Франкфуртер алгемајне цајтунг“.
Откако беше објавено дека 50-годишниот тренер ќе го напушти клубот, Баерн се обиде да ги доведе тренерот на Баер Леверкузен Чаби Алонсо и селекторот на Германија, Јулијан Нагелсман, кои одлучија да останат со своите тимови.
Се шпекулира дека Баерн преговара со селекторот на Австрија, Ралф Рангник.
Баерн оваа сезона не успеа да ја одбрани шампионската титула во Бундеслигата, но ќе има можност да се бори за трофејот во Лигата на шампионите, противник во полуфиналњто ќе му биде Реал Мадрид.
Спорт
Лестер се враќа во Премиер лигата
Фудбалерите на Лестер се вратија во Премиер лига. „Лисиците“ во елитата ги врати поразот на нивниот конкурент Лидс кај Квинс Парк Ренџерс (0:4).
Лестер со 94 бода и до крајот треба да одигра уште два натпревари, додека Лидс има 90 бода и уште еден натпревар до крајот на сезоната. Ма третото место се наоѓа Ипсвиќ со 89 поени и до крајот на сезоната треба да одигра уште ри натпревари.
За Лестер е најважно што обезбеди едно од првите две места кои обезбедуваа директно место во Премиер лигата.
По поразот од Квинс Парк Ренџерс, второто место, кое гарантира директен влез во Премиер лигата, опасно му виси на Лидс, бидејќи му се заканува третопласираниот Ипсвич, кој има 89 бодови и натпревар помалку.
Минатата сезона Лестер испадна од елитната дивизија, а во 2016 година сензационално беше шампион на Англија.
Спорт
(Видео) Дончиќ на натпреварот дојде во спектакуларен автомобил
Лука Дончиќ го предводеше Далас до победата над ЛА Клиперс 101-90, а вниманитетот го привлече пред натпреварот со розово-виолетовиот Шевролет.
Дончиќ мечот со Клиперс го заврши со 22 поени, десет скока и девет асистенции.
Шевролетот е дел од кампањата за патики „Luka 3“, под покровителство на најдобриот кошаркар во историјата Мајкл. Јордан.
Luka Doncic arrived in a “Midnight Racer” wrapped ’68 Camaro — inspired by the next colorway of his Jordan Luka 3s pic.twitter.com/E5CaGZHAEV
— Nick DePaula (@NickDePaula) April 26, 2024