Спорт
Јејтс „царува“ на Џирото, победи и на 15. етапа (видео)
Лидерот на трката, Сајмон Јејтс направи фантастичен напад на претпоследното искачување за да стигне до соло победа на 15. етапа на Џиро Д’Италија и да ја зголеми предноста пред уморниот Холанѓанец Том Думулин.
Британскиот велосипедист на Мичелтон-Скот …
Лидерот на трката, Сајмон Јејтс направи фантастичен напад на претпоследното искачување за да стигне до соло победа на 15. етапа на Џиро Д’Италија и да ја зголеми предноста пред уморниот Холанѓанец Том Думулин.
Британскиот велосипедист на Мичелтон-Скот ја започна етапата сп 1:24 предност пред актуелниот шампион Думулин и ја покажа силата на планините за по крајот на етапата да има 2:11 пред Думулин (Санвеб) и 2:28 пред третопласираниот Доменико Поцовиво пред вториот ден на одмор и финалниот напад на Доломитите следната недела.
What a victory for the Maglia Rosa! | Che vittoria per la Maglia Rosa! #Giro #Giro101 pic.twitter.com/ZgncAU4Ed2
— Giro d’Italia (@giroditalia) May 20, 2018
Думулин ја заврши етапата во групата со Поцовиво, Тибо Пуно, Ришард Карапаз и Мигуел Анхел Лопез и ТВ-камерите неколку пати го покажаа како бара од неговите ривали да тргнат во напад, но тоа не се случи.
Крис Фрум по еуфоричната победа на драматичната саботна етапа на Цонколан, заврши во третата група и практично ги загуби шансата за изненадувачка победа на Џирото. Кога Јејтс нападна на 18 километри пред крајот, Фрум изгуби контакт и на крајот заостана дополнителни 1:32 зад Јејтс.
Фото: ЕПА
? @SimonYatess (@MitcheltonSCOTT) “I still don’t know if the gap is big enough” | ? @SimonYatess (@MitcheltonSCOTT): “Non so ancora se il vantaggio possa essere sufficiente” #Giro101 pic.twitter.com/rH5MVXxlJj
— Giro d’Italia (@giroditalia) May 20, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новицки откри зошто го носеше дресот со број 41
Еден од најдобрите европски кошаркари на сите времиња, Дирк Новицки откри зошто во кариерата го носел бројот 41 на својот дрес.
Легендарноот Германец бројот 41 го носеше во Далас Маверикс, додека во националниот тим за него беше резервиран бројот 14.
„Почнав да играм кошарка со број 11 бидејќи татко ми го носеше бројот 11 кога играше ракомет. Потоа Чарлс Баркли го носеше бројот 14 на Олимписките игри во Барселона, а јас го сакав Чарлс. Искрено, кој не го сакаше Чарлс во тоа време? Почнав да го носам бројот 14. В репрезентацијата играв со тој број“, изјави Новицки, а потоа додаде:
„Кога дојдов во Далас, го сакав бројот 14, но тој број го носеше Роберт Пек. Тој ми рече: „По ѓаволите, не, нема да го добиеш мојот број“.На крајот само направив рокада на бројките и 14 стана 41“.
Спорт
ПСВ шампион на Холандија по шест години
Фудбалерите на ПСВ Ајндховен ја освоија титулата во холандскиот шампионат, откако на домашен терен ја совладаа Спарта од Ротердам со резултат 4:2 во 32. коло од Ередивизија.
Головите за клубот од Ајндховен ги постигнаа Саид Бакари (автогол) во 19. минута, Јоан Бакајоко во 26. минута, Оливие Боскаљи во 67. минута и Џордан Тесе во 78. минута.
Метињо погодија за Спарта во осмата минута и Боскаља (автогол) во 29 минута.
ПСВ е прв на табелата во холандскиот шампионат со 87 бодови. Второпласираниот Феенорд има 75 бодови и меч помалку.
Спарта е на деветтата позиција со 43 бодови.
До крајот на холандскиот шампионат ќе се одиграат уште две кола.
Клубот од Ајндховен стигна до 25. титула во клупската историја, а прва по 2018 година.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.