Спорт
Далиќ го објави хрватскиот список за Русија
Хрватскиот селектор Златко Далиќ го објави скратениот 24-член состав на репрезентацијата, од која ќе отпадне уште едно име пред конечниот датум од 4 јуни.
На списокот се присутни сите хрватски фудбалски ѕвезди како Лука Модриќ, Иван Ракитиќ, Марио Манџ…


Хрватскиот селектор Златко Далиќ го објави скратениот 24-член состав на репрезентацијата од која ќе отпадне уште едно име пред конечниот датум од 4 јуни.
На списокот се присутни сите хрватски фудбалски ѕвезди како Лука Модриќ, Иван Ракитиќ, Марио Манџукиќ и Иван Перишиќ, кои ќе треба да ја оправдаат довербата и барем да ја минат првата фаза во тешката група со Аргентина, Нигерија и Исланд.
Хрватска последните подготовки за Мундијалот ќе ги има со пријателски натпревар со Бразил на „Енфилд“ на 3 јуни и со Сенегал во Осиек на 8 јуни.
„Потребни ни се барем двајца квалитетни играчи на секоја позиција, за нашиот најдобар напаѓач Манџукиќ да ја предводи линијата. Светското првенство не е време за брзи промени. Затоа ги има тестираните ветерани и малку свежа крв“, вели Далиќ.
Се очекува дека од списокот ќе отпадне 21-годишниот дефанзивец Дује Чалета-Цар или 26-годишниот играч од средниот ред Филип Брдариќ, кој досега има три настапи за репрезентацијата. Но, двајцата ќе бидат во авионот за Русија ако Ведран Чорлука не успее да заздрави од повредата.
ХРВАТСКА, СП 2018
ГОЛМАНИ: Даниел Шубашиќ (Монако), Ловре Калиниќ (Гент), Доминик Ливаковиќ (Динамо З)
ОДБРАНА: Ведран Чорлука (Локомотив Москва), Домагој Вида (Бешикташ), Иван Стриниќ (Сампдорија), Дејан Ловрен (Ливерпул), Шиме Врсаљко (Атлетико Мадрид), Јосип Пивариќ (Динамо Киев), Тин Једвај (Баер Л), Матеј Митровиќ (Бриж), Дује Чалета-Цар (Салцбург)
СРЕДЕН РЕД: Лука Модриќ (Реал Мадрид), Иван Ракитиќ (Барселона), Матео Ковачиќ (Реал Мадрид), Милан Бадељ (Фиорентина), Марцело Брозовиќ (Интер), Филип Брадариќ (Риека).
НАПАД: Марио Манџукиќ (Јувентус), Иван Перишиќ (Интер), Никола Калиниќ (Милан), Андреј Крамариќ (Хофенхајм), Марко Пјаца (Шалке), Анте Ребиќ (Ајнтрахт).
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сон е подготвен да го напушти Тотенхем

Капитенот на Тотенхем, Сон, не е сигурен дека ќе остане во клубот. Кореецот има договор со клубот и за следната сезона. Клубот нема да му стои на патот доколку донесе одлука да го напушти Лондон.
„Имам уште една година од договорот. Пред да кажам нешто во овој момент, мислам дека сите треба да почекаме и да видиме што ќе се случи. Но, без разлика каде ќе завршам, секогаш ќе го дадам својот максимум. Тоа никогаш нема да се промени“, рече Сон.
Тој сè уште има повреда на стапалото, но влезе од клупата на натпреварот на Јужна Кореја во Сеул против Кувајт (4:0), во квалификациите за Светското првенство во 2026 година.
Сон рече дека имал проблеми минатата сезона, но дека била посебна поради пласманот на Тотенхем во финалето на Лигата на Европа.
„Знам дека луѓето можеби ќе кажат дека имав разочарувачка сезона, но за мене беше посебна бидејќи играш фудбал за да победиш, само победниците се паметат. Не бев во најдобра форма поголемиот дел од сезоната, но се надевам дека ќе бидам во подобра форма на почетокот на новата сезона“, рече тој.
Спорт
Готово е, Де Брујне ќе потпише за Наполи

Кевин Де Брујне (33) ќе стане нов играч на Наполи, објави Фабрицио Романо. Најпознатиот фудбалски инсајдер напиша „here we go“, што значи дека трансферот е завршен и дека се чека само да биде официјализиран.
Репрезентативецот на Белгија, како слободен играч бараше нов клуб откако му истече договорот со Манчестер сити, каде што стана еден од најдобрите фудбалери во светот.
Се пишуваше дека може да ја продолжи кариерата во МЛС или Саудиска Арабија, но одлучи да остане во Европа и следната сезона ќе игра во Лигата на шампионите со италијанскиот шампион.
„По лекарските прегледи и другите формалности, ќе потпише двегодишен договор со опција за продолжување за уште една сезона“, откри Романо.
Финснаките детали се уште не се познати, но италијанските медиуми претходно пишуваа дека Наполи му понудил 27 милиони евра за три сезони.
Кариерата, Де Брујне ја започнал во Генк, а потоа играше за Челзи, Вердер и Волфсбург. Дојде во Манчестер сити во 2015 година и долги години беше главен играч на тимот што владееше во Премиер лигата. Со клубот од Манчестер, тој ја освои Лигата на шампионите и уште 17 трофеи.
Одигра 111 натпревари за белгиската репрезентација и постигна 31 гол. „Трансфермаркт“ ја проценува неговата вредност на 20 милиони евра, а неговата највисока вредност според овој портал, специјализиран за фудбалски трансфери, била 150 милиони евра во мај 2018 година.
Спорт
Дурент посакува трејд во Сан Антонио

Кевин Дурент, еден од најдобрите играч во НБА бара начин да го напушти Феникс. Дурент има договор и за следната сезона, според кој треба да заработи 55 милиони долари, меѓутоа минимални се шансите да остане во Аризона.
Според инсајдерот Зак Лоу, Мајами Хит подготвуваат понуда, се обидуваат да состават вистински пакет за размена за да го доведат Дурант во Флорида.
Од друга страна, Дурант наводно ги претпочита Сан Антонио Спарс како прва опција. Тие се подготвени да вклучат тројца играчи во размената.
Спарс беа поврзувани со Јанис Адетокумбо во претходните месеци, па се чини дека тие исто така подготвуваат сериозен потег, покрај својот млад бисер Виктор Вембањама, да донесат суперѕвезда со која тимот би станал конкурентен во борбата за титулата.
Дурант одигра 62 натпревари во регуларната сезона оваа сезона, имаше просек од 26,6 поени, шест скока и 4,2 асистенции по натпревар.
Триесет и седумгодишникот ја започна својата кариера во Оклахома, а играше и во Голден Стејт и Бруклин.