Спорт
Реал Мадрид со среќна „тринаесетка“, Бејл е неочекуваниот херој (видео)
Реал Мадрид сигурно нема да верува во суеверието дека бројот 13 е несреќен, откако „кралскиот клуб“ уште еднаш докажа дека е владетел на Лигата на шампиони, победувајќи го Ливерпул со 3:1 во големиот меч во Киев.
Креатор на победата беше навистина неоч…


Реал Мадрид сигурно нема да верува во суеверието дека бројот 13 е несреќен, откако „кралскиот клуб“ уште еднаш докажа дека е владетел на Лигата на шампиони, победувајќи го Ливерпул со 3:1 во големиот меч во Киев.
Креатор на победата беше навистина неочекуван – фудбалерот кој речиси цела сезона беше критикуван поради своите чести повреди и слабите игри, Велшанецот Герет Бејл. „Магичниот“ Бејл влезе во игра во 61. минута, а веќе во 64. постигна еден од најубавите голови во историјата на финалињата на ЛШ, за да ја обезбеди големата победа за Реал. Ако тоа не беше доволно во 83. минута Бејл успеа да искористи уште една лоша интервенција на Лорис Кариус за да зголеми на 3:1
Former Spurs star, Gareth Bale. pic.twitter.com/ohHYhcemss
— Andrew Hammond (@ahammsportsgeek) May 26, 2018
Претходно, имаше многу драма и обвинувања за не-фер однос. Клучниот момент за англискиот клуб, секако, дојде во првото полувреме, кога Мохамед Салах, апсолутниот херој на Ливерпул оваа година, мораше да излезе надвор од теренот по незгодната (некои би кажале и не-фер) интервенција на Серхио Рамос. Несреќата ги посака и во „Лос бланкос“, откако Зинедин Зидан мораше да направи замена во 37. минута, кога Карвахал се повреди и на неговото место дојде Начо Фернандез.
And @SergioRamos came to the game with the hand-breaker wrestling tactic. Now @MoSalah will watch like me. SAD. @LFC get a wrestler in too for @Cristiano and make the game great again. #UCLfinal pic.twitter.com/4wLWVnWstP
— Williams O’zina (@Williams_chi) May 26, 2018
Ако првото полувреме донесе израмнета игра и малку вистински шанси за гол, во второто, ситуацијата „експлодираше“. Германскиот голман на Ливерпул, Лорис Кариус му „подари“ гол на Карим Бензема во 51. минута од мечот, во грешка каква што ретко се гледа на големите мечеви.
Ливерпул се понадеваа дека го надминаа овој проблем, откако во 55. минута, одличниот Садио Мане израмни на 1:1.
Тогаш на сцена стапи Бејл. Само три минути откако влезе во игра, на нафрлената топка на Марсело, Бејл постигна фантастичен гол со ножички за да го „убие“ духот во играта на противникот.
Во 83. минута, Бејл стави точка на натпреварот, повторно на „сметка“ на несреќниот Кариус, кој не успеа да го исконтролира неговиот силен удар, и тој заврши во мрежата на Ливерпул.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Милан испратиле понуда за Бонифејс

Италијанскиот гигант Милан до крајот на преодниот рок ќе донесе уште еден напаѓач, бидејќи во овој момент во тимот има само една класична „деветка“, Сантијаго Хименез.
Изминатите недели со Милан се поврзиваа Расмус Хојлунд од Манчестер јунајтед и Душан Влаховиќ од Јувентус.
Но како што сега стојат работите, ниту еден од нив нема да пристигне на „Сан Сиро“.
Италијанските медиуми вечерва објавија дека Милан испратиле официјална понуда до Баер Леверкузен за нигерискиот напаѓач Виктор Бонифејс (24). Според овие извори, Милан за се подготвени да им платат на „аптекарите“ околу 30 милиони евра отштета.
Наводно, челниците на Милан и Бонифејс веќе постигнале договор за платата, а се чека „зелено светло“ од германскиот клуб.
Нигериецот е во Баер од 2023 година, кога пристигна од Унион Берлин, а пред да дојде во Германија играше и за норвешки Бодо/Глимт, кипарски Лефке и нигериски Реал Сафир. Тој одигра 13 натпревари за нигериската репрезентација.
Спорт
Даглас Луиз се сели во Нотингем Форест

Играчот од средниот ред на Јувентус, Даглас Луиз (27), треба да го финализира својот трансфер во Нотингем Форест во следните неколку дена, објавија италијанските медиуми.
Бразилецот пристигна во „Старата дама“ пред една година од Астон Вила во трансфер вреден 51 милион евра. Тој помина пет сезони во Вила и постигна 22 гола и додаде 24 асистенции.
Јуве очекуваше многу од Бразилецот, но тој на крајот се покажа како големо разочарување и еден од најлошите трансфери во историјата на славниот клуб од Торино.
Ни Тијаго Мота, ни Игор Тудор не успеаја да го извлечат максимумот од Далглас Луиз.
Иако неговиот договор е важечки до јуни 2029 година, Јуве одлучи дека е најдобро да го продаде додека сè уште може да добие значителна отштета за него. Иако раководството на „Старата дама“ се надеваше на сума од 40 милиони евра, се чини дека ќе се согласат со понудените 30 милиони, тврдат италијанските медиуми.
Даглас Луиз треба да потпише петгодишен договор со „шумарите“, а би имал поголема плата отколку во италијанскиот клуб.
Спорт
Македонија со победа ги заврши мундијалските предквалификации

Кошаркарската репрезентација на Македонија со победа го заврши претквалификацискиот циклус за Светското првенство. Вечерва цо СРЦ Кале во Скопје, Македнија ја победи Унгарија со 82:75. Првата победа, забележана во последното коло, не беше доволна Македонија да влезе во мундијалските квалификации, таму ќе играат Романија и Унгарија.
Македонија одигра добар меч против Унгарците. Со исклучок на воведните минути, Македонија го контролираше натпреварот. По водството на Унгарија (12:15), Македонија одговори со серија од 11:0 и до крајот не го испушти водството.
Во последниот период Македонија ја достигна и највисоката предност од 17 поени (76:59).
Вајле ја предводеше Македонија со 23 поени, по 14 постигнаа Митревски и Ташковски.
Foto/ kfsm.mk