Спорт
Алонсо и Хамилтон се согласуваат – во Монако се возат најдосадните трки
Луис Хамилтон признава дека би заспал на каучот да ја гледал Монако ГП трката дома, додека Фернандо Алонсо ја прогласи неделната трка за „најдосадна во историјата на спортот“, откако уште еднаш тесните улици на малото кнежевство донесоа малку вистинска…
Луис Хамилтон признава дека би заспал на каучот да ја гледал Монако ГП трката дома, додека Фернандо Алонсо ја прогласи неделната трка за „најдосадна во историјата на спортот“, откако уште еднаш тесните улици на малото кнежевство донесоа малку вистинска акција.
Хамилтон вели дека му дал два предлози на принцот Алберт за тоа што треба да се промени на трката во Монте Карло и дека е штета што такво убаво место носи такво тркање.
„Возевме круг по круг. Тоа не беше тркање. На крајот сите само сакавме да стигнеме до целта. Подготовките пред Монако се секогаш посебни, и штета што трките се толку неспектакуларни. Беше дури шокантно колку малку одев до максимум. Најмалку во кариерата. Што можеме да направиме? Зборував со принцот и му кажав дека можеби треба да биде подлога. Има многу повеќе патишта низ кои може да се вози. Или да се смени форматот. Ова беа најдолгите 78 кругови во историјата“, изјави Хамилтон.
Двократниот шампион Фернандо Алонсо се согласува, а посочува дека трката е страшно досадна бидејќи тимовите сакаа да ја извозат трката со едно влегување во боксот, бидејќи ако заглавиш зад конкуренцијата, тогаш нема шанси да ја вратиш позицијата. Покрај тоа, првпат од 2009 година на патеката не излезе безбедносното возило.
„Екстремно досадно! Без безбедносно возило, без жолти знамиња… Мислам дека спортот мора добро да се замисли за шоуто, бидејќи ова е разочарувачки. Најверојатно најдосадната трка во историјата на Формула 1. Треба да им се даде нешто на фановите кои плаќаат билети“, вели Алонсо.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
FourFourTwo: Пикси Стојковиќ е најлош од сите селектори на Евро 2024
Сезоната на клупскиот фудбал полека привршува, а стартот на Европското првенство во Германија е се поблиску. За точно 38 дена во Минхен ќе се одигра првиот натпревар на ЕП меѓу Германија и Шкотска.
Специјализираниот фудбалски магазин „FourFourTwo“ во пресрет на првенството објави список на селекторите на сите репрезентации кои според нивната проценка ги рангираше од најдобар до најлош. На првото место е Дидие Дешамп (Франција), а зад него се Лучијано Спалети (Италија) и Јулијан Нагелсман (Германија). Најлош од сите сите селектори според „FourFourTwo“ е Драган Стојковиќ.
Рангирање на сите екипи на Евро според „FourFourTwo“:
1. Дидие Дешамп (Франција)
2. Лучијано Спалети (Италија)
3. Јулијан Нагелсман (Германија)
4. Герет Саутгејт (Англија)
5. Златко Далиќ (Хрватска)
6. Роберто Мартинез (Португалија)
7. Доменико Тедеско (Белгија)
8. Луис де ла Фуенте (Шпанија)
9. Каспер Хјулманд (Данска)
10. Марко Роси (Унгарија)
11. Стив Кларк (Шкотска)
12. Роналд Куман (Холандија)
13. Силвињо (Албанија)
14. Винченцо Монтела (Турција)
15. Вили Сањол (Грузија)
16. Ралф Рангник (Австрија)
17. Франческо Калцона (Словачка)
18. Едвард Јорданеску (Романија)
19. Сергеј Ребров (Украина)
20. Матјаж Кек (Словенија)
21. Мурат Јакин (Швајцарија)
22. Михал Пробиерц (Полска)
23. Иван Хашек (Чешка)
24. Драган Стојковиќ (Србија)
Спорт
Челси заинтересиран за Јан Облак
Челзи е заинтересиран за Јан Облак, голманот на Атлетико Мадрид и репрезентацијата на Словенија, пренесуваат шпанските медиуми.
Облак (31) е член на Атлетико од 2014 година, а има договор со „јорганџиите“ до 30 јуни 2028 година.
Шпанските медиуми пренесуваат дека Атлетико би можел да го продаде словенечкиот репрезентативец во летниот преоден рок за да обезбеди пари за трансфери на нови играчи.
„Трансфермаркт“ истакнува дека Облак вреди околу 30 милиони евра. Словенецот бранел за Атлетико на 442 официјални натпревари. За репрезентацијата на Словенија, со која ќе настапи на ЕУРО 2024 иа одиграно 64 натпревари.
Шпанските медиуми истакнуваат дека Челзи е во потрага по нов голман, иако лондонскиот клуб ги има на располагање Ѓорѓе Петровиќ, Роберто Санчез и Маркус Бетинели, како и Капа Аризабалага, кој моментално е на позајмица во Реал.
Спорт
Шампионската титула на Реал ќе му биде врачена зад затворени врати
Фудбалскиот сојуз на Шпанија не го прифати барањето на реал Мадрид, 36.шампионска титула да им биде врачена по натпреварот со Алавес на 14.мај.
Реал, во саботата, математички ја обезбеди шампионската титула во Шпанија. Планот на Фудбалскиот сојуз на Шпанија беше трофејот на „кралскиот клуб“ да му биде врачен во сабота во Гранада.
Овој предлог Реал го одби од почит кон противникот. Одбија да слават на теренот на тимот кој испаѓа од Примера.
Поради тоа Флорентино Перез побара титулата на играчите да им биде врачена на 14.мај кога на „Сантијаго Бернабеу“ ќе гостува Алавес. Овој предлог Фудбалскиот сојуз на Шпанија го одби и најави дека трофејот ќе биде врачен во 12 мај наутро во тренинг центарот на Реал во Валдебебас, зад затворени врати.
Федерацијата го извести Реал Мадрид да ги извести играчите дека треба да бидат во Валдебебас во недела наутро, бидејќи планот е церемонијата да се во 9:30 часот, а на доделувањето на трофејот нема да присуствуваат навивачите.
Трофејот ќе го врачи претседателот на шпанската фудбалска федерација Педро Роча.