Црна хроника
Спречен нелегален влез на мигранти и запленета стока
Минатата недела и викендот, царинските службеници открија повеќе обиди за шверц на стока, при што привремено се задржани девизи, аквариумски риби и желки, цигари, мобилни телефони, текстилн, парфеми, возило, храна и фалсификати, а во неделата бил откриен и обид за нелегален влез на мигранти.
Од страна на мобилните царински тимови, при заедничка контрола со припадници на Министерството за внатрешни работи, на патничко моторно возило со македонски регистарски таблички, управувано од македонски државјанин, извршена во близина на Неготино, биле откриени 825 аквариумски риби (златни риби, чистач, скалар, барбус и сом), 475 желки, 25 делови за аквариуми (аквариуми, распрскувачи и пумпи) и 20 паковки храна за риби.
Животните и другите производи се пронајдени во повеќе кеси, картонски кутии и торби, сместени во возилото и багажниот простор. Возачот не поседувал никакви документи за потекло и платени увозни давачки.
Во два одвоени случаи пак, на скопскиот аеродром „Александар Велики“, при контрола на двајца патници биле одземени 7.295 евра.
Во првиот случај, при контрола на македонски државјанин, кој имал намера да отпатува со лет за Цирих, во неговиот паричник биле пронајдени 5.685 евра и 750 швајцарски франци кои не ги пријавил и за кои не поседувал доказ за потекло. Согласно законските прописи, на патникот му се вратени девизи во противвредност на 2.000 евра (1.390 евра и 750 швајцарски франци), износ што резидент може слободно да го изнесе од државата, а 4.295 евра се привремено задржани.
Во вториот случај, косовски државјанин кој допатувал со лет од Дизелдорф, пријавил дека со себе носи 9.000 евра, но при извршената контрола, во коверт сместен во рачна ташничка, пронајдени се 13.000 евра. Согласно законските прописи, на патникот му се вратени 10.000 евра, износ што може слободно да се внесе во државата, а 3.000 евра биле привремено задржани.
Во неделата пак, на граничниот премин Богородица за влез во државата се пријавило германско возило „пежо 607“, управувано од германски државјанин, а при контрола на возилото, зад задното седиште е откриен специјално изработениот бункер, во кое се криеле двајца сиријски државјани, кои поседувале документи од грчкиот центар за азиланти.
Мигрантите, возилото и возачот беа предадени на Министерството за внатершни работи за понатамошна постапка./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.