Европа
Шојбле: На Германија ѝ се потребни имигрантите
Германскиот министер за финансии Волгфанг Шојбле изјави дека имиграцијата е добра за земјата, како и дека политичарите мора подобро да објаснуваат како од неа сите може да имаа полза.
Бројот на оние коишто во Германија бараат азил, повеќето до Сирија, се зголемил за повеќе од двојно во 2014 година и изнесува околу 200 илјади, а нето имиграција во таа земја е на највисокото ниво во последните две децении. Многу Германци се загрижени околу трошоците за имигрантите, дека имигрантите им ги земаат работните места, па дури се јави и граѓанско движење кое протестира против имиграцијата, особено од Блискиот исток, предупредувајќи на „исламизација на земјата“.
На почетокот од седмицава 17 илјади луѓе учествуваа во најголемиот од веќе традиционалниот антиимиграциски собир во источногерманскиот град Дрезден. Демонстрантите слушаа божикни песни и говорници кои се жалат од имигрантите и азилантите. Станува збор за десетти и досега најголем собир во организација на движењето Pediga, кое брзо добива на масовност, а претставува акроним од Патриотски Европејци проти исламизација на Западот.
„Светот е поотврен а имиграцијата на сите им помага. Токму како што користевме милиони бегалци и протерани по Втората светска војна за повторно градење на земјата…, така и денес ни се потребни имигрантите“, изјави германскиот министер за финансии Волгфанг Шојбле за Bild Online, одговарајќи на прашање на новинарот да ја коментира се’ поголемата популарност на Pediga.
Имиграцијата влијае врз политичката агенда на Германија, Некои членови на делот од владината коалиција кој го претставуваат конзервативците од CDU/CSU на канцеларката Ангела Меркел, се загрижени дека ризикуваат да ја загубат поддршката, доколку не одговорат на стравувањата на избирачите. Гласачите веќе во неколку европски земји ги казнија тамошните власти, меѓу кои и британската и шведската, бидејќи не го решаваат прашањето на имиграцијата.
„Секако дека мораме да живееме заедно со имигрантите. Тоа ќе го промени нашиот секојдневен живот, но нема да го влоши, туку ќе го подобри“, додаде Шојбле, кој инаку е член на христијанските демократи од CDU на Меркел.
Имиграцијата е особено чувствително прашање во Германија поради нејзиното нацистичко минато. Германските прописи за азил се меѓу најлибералните во светот.
Шојбле, исто така, вели дека политичарите мора подобро да ги објаснуваат промените во секојдневниот живот, со што останува на курсот на она што претходно седмицава го порача и германскиот претседател Јокаим Гаук, велејќи дека народот не би требало да стравува. „Луѓето имаат право да се плашат од исламскиот тероризам. Но не и од исламот“, рече Гаук./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Полските земјоделци повеќе нема да ја блокираат границата со Украина
Полските фармери го откажаа протестот на последниот блокиран граничен премин со Украина, објавија Киев и Варшава, ставајќи крај на повеќемесечната криза која ги наруши билатералните односи меѓу двете земји.
Украинскиот министер за земјоделство ја поздрави „конструктивната работа“ на Полска за укинување на блокадата, наведувајќи во соопштението дека преговорите со Варшава и индустриските здруженија не биле лесни, но „главната работа е што резултатот е постигнат“.
„За среќа, сите правци на границата со Полска се деблокирани“, изјави портпаролот на украинската гранична полиција Андриј Демченко, додавајќи дека полските фармери го ослободиле пристапот до преминот Рава-Руска.
Камиони утринава почнаа да ја минуваат границата во двата правци, рече тој.
Портпаролот на полската гранична полиција Анджеј Јузвијак изјави за Ројтерс дека Украина може да се премине „непречено“ на сите премини.
Полските земјоделци и камионџии ги блокираа граничните премини со Украина од крајот на есента минатата година во знак на протест против нелојалната конкуренција.
Како главна причина тие ја наведоа пасивноста на владата кон губење на работни места поради странските конкуренти од почетокот на војната во Украина, бидејќи камионџиите од Украина беа ослободени од обврската да имаат дозвола за преминување на полската граница.
Европа
Шпанскиот премиер останува на функцијата, нема да поднесе оставка
Шпанскиот премиер Педро Санчез денеска одлучи да остане на функцијата што ја извршува од летото 2018 година, иако претходно овој месец судија во Мадрид отвори истрага против неговата сопруга за можна корупција.
„Решив да продолжам, со уште посилна сила на чело на владата“, рече Санчез во говорот од владината зграда.
Санчез, лидер на шпанската социјалистичка работничка партија (ПСОЕ), во средата ги суспендираше сите должности за да „размисли“ пет дена дали вреди да остане на функцијата поради „лажни обвинувања“ и „напади врз неговата сопруга“.
Европа
Путин ги откажа парадите на 9 мај: „Стравот од украински напад е посилен од традицијата“
Рускиот претседател Владимир Путин беше принуден да ја откаже годишната руска триумфална парада на Денот на победата на 9 мај поради страв од напади со беспилотни летала со украински камикази, пишува „Сан“, додека руските медиуми јавуваат дека маршот на Бесмртниот полк и другите настани планирани за тој ден се намалени на многу поскромно ниво „од безбедносни причини“.
Путин наводно ги откажал повеќето од прославите на 9 мај – најсветиот ден во рускиот календар – затоа што не можел да ја гарантира безбедноста на своите граѓани.
Патриотски воени паради се одржуваат низ Русија како начин на славење на победата над нацистичка Германија во Втората светска војна.
Вообичаено, овие настани се користат за Путин да ја покаже моќта на руската воена машина и да генерира национална гордост – водејќи огромна парада на Црвениот плоштад во Москва.
Овој дел ќе се одржи под зголемено обезбедување – под надзор на Путин – но многу од воените паради во регионот се откажани заедно со придружниот огномет.
Областите на Белгород, Брјанск, Псков, Рјазан, Курск и Саратов ги откажаа своите настани, иако не се сите блиску до Украина.
Денот на победата беше откажан и во окупираните региони на Украина, вклучувајќи ги Запорожје и Севастопол на Крим, исто така поради „безбедносни причини“.
Пред руската инвазија на Украина, денот вклучуваше тенкови, нуклеарни проектили и друго масивно оружје што минуваше низ главниот град додека авионите летаа на небото.
Низ Русија, стотици маршеви на Бесмртниот полк – каде луѓето носат фотографии од нивните воени ветерани – исто така се откажани поради безбедносни причини.
Еден од стравувањата е дека овие настани би можеле да бидат преземени од антивоени демонстранти.
Огнометот беше откажан во некои други региони, како што е Сиктивкар, а откажани се концерти во Воронеж.
Во Ростов и Воронеж некои паради се откажани, додека други може да се одржат без публика.
Се очекуваат повеќе откажувања.
Минатата година, Денот на победата беше откажан ширум Русија со намален настан во Москва, каде речиси и да немаше изложена тешка воена опрема.
По две години војна во Украина, кружеа гласини дека парадите се откажани поради недостиг на тенкови за учество на парадите.
Дури и тогаш, локалните гувернери наведоа „безбедносни причини“.