Спорт
Чекинато со сицилијански шок за Ѓоковиќ
Марко Чекинато, 25-годишниот тенисер од Сицилија, успеа првпат во својата кариера да стигне до полуфинале на еден гренд слем турнир, откако во интересен меч со 6:3/7:6(4)/1:6/7:6(11) го елиминираше Новак Ѓоковиќ.
72-рангираниот Чекинато, кој во април п…
Марко Чекинато, 25-годишниот тенисер од Сицилија, успеа првпат во својата кариера да стигне до полуфинале на еден гренд слем турнир, откако во интересен меч со 6:3/7:6(4)/1:6/7:6(11) го елиминираше Новак Ѓоковиќ.
72-рангираниот Чекинато, кој во април победи во Будимпешта за да стане првиот тенисер од Сицилија кој победил на АТП турнир, пред настапот на Ролан Гарос немаше ниту една гренд слем победа. Меѓутоа, во Париз, тој ги победи Копил, Трунгелити, Карењо-Буста и Гофан, пред да стигне до најголемиот триумф во кариерата против Ѓоковиќ.
Чекинато, сега, за место во финалето ќе се бори со апсолутниот фаворит, Доминик Тим, кој претходно во три сета го совлада Александер Зверев.
За Ѓоковиќ пак, со поразот се става крај на релативно успешниот Франција опен за него, посебно ако се земе во предвид дека последните неколку месеци, поранешниот светски број 1 не успеа да ја врати својата препознатлива форма.
Ѓоковиќ неколку пати бараше медицинска помош за својот врат и рамото, а на Чекинато ова му беше доволно да го освои првиот сет. Во вториот сет Ѓоковиќ успеа да се бори посилно, но го загуби тај-брејкот, пред во третиот сет со експресна серија да намали на 2:1.
Но, тогаш Србинот повторно побара помош од својот физиотерапевт за повредата на десната нога. Чекинато ја загуби контролата и беше казнет со поен за самоволно напуштање на теренот (да смени патики), но во тај-брејкот покажа исклучителна борбеност за да го добие со 13:11.
Фото: ЕПА
Тим повторно во париското полуфинале, Зверев веќе немаше сили
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА потврди – 26 наместо 23 играчи на ЕУРО 2024
Репрезентациите кои ќе учествуваат на претстојното Европско првенство во Германија ќе имаат на располагање 26 играчи, потврди УЕФА.
Извршниот комитет на Европската фудбалска унија потврди дека е смнето правилото според кое селекторите на можеа да пријават 23 фудбалери.
Овој предлог беше поддржан претходно оваа година на состанокот на Националниот комитет за натпреварување на УЕФА.
Идејата за прв пат беше претставена на селекторскиот собир во Дизелдорф.
Оваа измена беше предложена поради згуснатиот распоред оваа сезона и ризикот од повреди.
Претставниците на Националниот натпреварувачки комитет во петокот и официјално го заверија сето она што беше претходно предложено, договорено и прифатено од мнозинството.
Европското првенство ќе се одржи од 14 јуни до 14 јули во Германија.
Спорт
Клоп се жали на распоредот: Криминал е ова што ни го прават
Пренатрупаниот распоред на натпревари го натера менаџерот на Ливерпул, Јирген Клоп, уште еднаш да проговори на оваа тема. Германецот кој си заминува од Ливерпул на крајот на сезоната застана во одбрана на своите играчи и рече дека само чека агенцијата за заштита на човековите права да интервенира во креирањето на распоредот.
„Распоредот е апсолутно луд. Не е нормално Ливерпул да игра натпревар во сабота во 12:30. Никогаш повеќе нема да ја гледам телевизијата ТНТ (го емитува овој натпревар). Мора да играме четврток, недела, среда и сабота во 12:30 часот ова што ни го прават е криминал“, изјави Клоп.
Ливерпул е тим со голем број навивачи ширум светот и затоа игра во посебни времиња, што е прилагодено на носителите на телевизиските права. Избраниците на Клоп доживеаја серија неуспеси, поради што речиси отпаднаа од трката за шампионската титула.
Спорт
Модриќ мора да се прифати два услови доколку сака да остане во Реал
Лука Модриќ има договор со Реал до крајот на сезоната и се уште не е познато каде ќе игра 38-годишниот играч за врска следната сезона. Желбата на Модриќ е да остане во Реал, но има голем број понуди од други клубови.
Капитенот на хрватската репрезентација го бараат Динамо, саудиски клубови, екипи од МЛС лигата, а се почесто се зборува и за интересот на Јувентус.
Карлос Карпио, новинар на „Марка“, откри дека Модриќ мора да прифати два услови доколку сака да остане во Реал. Мора да прифати да биде резерва и да прифати значително намалување на платата. Модриќ наводно заработува околу 20 милиони евра по сезона.
„Се сомневам дека ќе остане во Реал, но ако остане, тоа ќе биде со помала плата. Модриќ не прифати добро ниту една одлука на Анчелоти да биде резерва. Легендите никогаш не се послушни замени“, вели Карпио.
Модриќ сезонава забележа 40 настапи, два гола и шест асистенции. Хрватото во Реал пристигна во 2012 година од Тотенхем за 35 милиони евра.