Свет
Американската полиција трага по човек кој со секира го убил својот поранешен шеф
Полицијата во американскиот град Нешвил, Тенеси, трага по маж осомничен дека го убил својот шеф со секира.
Како што тврдат од полицијата, триесет и шестгодишниот Доменик Мичели утринава го убил неговиот поранешен шеф кој го отпуштил од работа пред повеќе од една година. Убиениот Џоел Павола на возраст од 46-години, бил тренер во фитнес-центарот „Balance Training“, сместен во трговски центар во Нешвил.
Murder victim is Joel Paavola, 46, who ran this Balance Training location. Paavola is reported to have fired Micheli approx 14 months ago. pic.twitter.com/zZECyniFpm
— Metro Nashville PD (@MNPDNashville) June 4, 2018
Мичели го убил Павола токму пред овој фитнес-центар. Според „Си-би-си њуз“, тој се појавил вооружен со секира и друго ладно оружје – или уште една секира или голем нож.
„Мичели брутално и дивјачки го нападнал Павола надвор од неговото работно место“, изјавил портпаролот на полицијата, Дон Арон.
This picture more closely resembles what Domenic Micheli looks like now. He was last seen driving this older model Toyota Yaris. Murder warrant being drafted. See Micheli or the car? 615-862-8600. pic.twitter.com/74u3YwNtpv
— Metro Nashville PD (@MNPDNashville) June 4, 2018
Убиецот веднаш потоа избегал од местото на злосторството. Павола бил итно префрлен во медицинскиот центар на универзитетот „Вандербилт“, но за него немало спас. Таму само бил прогласен за мртов.
Павола важел за фитнес гуру, кој организирал лични обуки за своите клиенти и често одржувал говори за здравиот начин на живот. Поранешен негов клиент, Ренди Рејбурн, го опишал како прекрасен човек и татко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.