Црна хроника
Вработената во Обвинителството на сопругот на „Вибер“ му ги праќала тајните документи
Вработената во гевгелиското Обвинителство на „Вибер“ му ги праќала тајните документи на својот сопруг, инаку адвокат, а кои се однесувале на предмети по што постапувале нејзините колеги обвинители. Обвинителството информира дека припадници на отсекот за економски криминалитет во Гевгелија на 23 мај извршиле претрес во службените простории на гевгелиското Обвинителство, при што од канцеларијата на осомничената беше одземен нејзиниот службен компјутер.
Била извршена форензичка анализа на одземениот компјутер. Извештајот од извршеното вештачење ги потврдил сомневањата дека вработената користејќи „Вибер“, на адвокатот неовластено му испраќала службени документи и податоци што претставуваат службена тајна. Со оглед на тоа што се работи за постапка против лице вработено во Основното јавно обвинителство Гевгелија, ова Обвинителство, по комплетирање на предметот, достави барање за преземање на надлежноста до Вишото јавно обвинителство Скопје, кое треба предметот да го распореди на натамошно постапување во друго обвинителство.
Инаку, Основното јавно обвинителство Гевгелија иницира постапка против вработена во казнено-правното одделение на гевгелиското Обвинителство како помлад јавнообвинителски соработник за казнено право поради одавање службена тајна. Во периодот од средината на 2017 година до 23.5.2018 година во повеќе наврати од Основното јавно обвинителство Гевгелија на својот сопруг адвокат му испраќала службени документи, а со цел противправно прибавување имотна корист, како и нарушување на честа и угледот на институцијата во која работела. Пријавената ова го правела без дозвола и без знаење на обвинителите што работат во Основното јавно обвинителство Гевгелија.
„Осомничената на адвокатот, инаку нејзин сопруг, му испраќала кривични пријави, службени белешки и други документи изработени од организациони единици на Министерството за внатрешни работи, записници, спогодби и други документи изработени од Основното јавно обвинителство во Гевгелија, службени документи издадени од Основниот суд во Гевгелија, кои преставуваат службена тајна, како и документи од други јавни установи, кои директно или индиректно биле поврзани со предметите за кои овој адвокат се јавувал како ополномоштен бранител“, информира Обвинителството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Топ
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Топ
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.