Спорт
Тотенхем му даде на Кејн шестгодишен договор и 200.000 фунти неделно
Англискиот напаѓач Хери Кејн ќе остане во тимот на Тотенхем барем уште шест години, откако се согласи на нов богат договор со лондонскиот клуб.
Договорот на 24-годишниот напаѓач значи дека тој останува во Тотенхем до 2024 година, и ќе заработува 200.00…
Англискиот напаѓач Хери Кејн ќе остане во тимот на Тотенхем барем уште шест години, откако се согласи на нов богат договор со лондонскиот клуб.
Договорот на 24-годишниот напаѓач значи дека тој останува во Тотенхем до 2024 година, и ќе заработува 200.000 фунти со дополнителни бонуси, огромно зголемување од неговиот сегашен договор. Потписот доаѓа откако претходно менаџерот на Спарси, Маурисио Почетиино потпиша договор до 2023 година.
„Пресреќни сме што можеме да потврдиме дека Хери Кејн потпиша нов шестгодишен договор до 2024 година“, напишаа Тотенхем на Твитер.
Кејн постигна 30 голови во Премиер лигата минатата сезона, а Тотенхем заврши на третото место на табелата и следната година ќе игра во Лигата на шампионите на обновениот „Вајт харт лејн“. Тој беше на „мета“ на Манчестер јунајтед и Реал Мадрид, но таков трансфер наскоро нема да има.
Фото: ЕПА
?️ “The future is bright at this Club.”@HKane discusses his new six-year deal.#OneOfOurOwn pic.twitter.com/4aaqsOZMox
— Tottenham Hotspur (@SpursOfficial) June 8, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.