Црна хроника
Тинејџер и малолетник се обиделе да силуваат струмичанка која си го барала сопругот
Дваесет и деветгодишна струмичанка во саботата ноќта избегнала силување од две лица, од кои едниот е 18-годишен тинејџер а вториот е 15-годишник, кога била нападната во блиското село Василево го барала својот поранешен сопруг, соопшти во неделата Министерството за внатрешни работи.
Инцидентот во СВР Струмица бил пријавен во саботата околу 23 часот, кога младата жена идентификувана со иницијали Ц.А пријавила дека еден час претходно додека во селото Василево се распрашувала за нејзиниот поранешен сопруг ѝ пришле две за неа непознати лица кои рекле дека го познаваат и оти знаат каде се наоѓа во моментот.
Потоа заедно тргнале кон месноста Трските, но кога пристигнале таму едно од лицата ѝ ги фатило рацете и почнало да ја допира по телото. Кога жената почнала да се спротиставува и да вика, напаѓачот со рака ѝ ја затворил устата, а потоа почнал да ја удира со шлаканици. За среќа на нападнатата, другото лице најверојатно се премислило и си заминало, но напаѓачот продолжил со обидите да ѝ ја соблече облеката.
Жената успеала да се истргне и да побегне, по што случајот го пријавила во полицијата, чии службеници извршиле увид на местото на инцидентот.
Кусо подоцна биле пронајдени двете лица посочени од нападнатата жена. Според полицијата станува збор за 18-годишникот идентификуван со иницијалите А.Д., кој по наредба на Јавен обвинител е задржан во СВР Струмица и за петнаесетгодишен малолетник./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.