Црна хроника
Запленети цигари, пумпи за вода, часовници, авто делови, облека..
Во текот на минатата недела и Божиќните празници, царинските службеници спречија два обиди за криумчарење цигари, повеќе обиди за криумчарење на стока, при што привремено се задржани пумпи за вода, диодни светла, рачни часовници, лекови, калапи за накит, авто делови, облека и друго.
Во првиот случај, царинските службеници во соработка со полициските службеници од граничниот премин, спречија обид за криумчарење на 31 штеки и 6 кутии цигари со македонски акцизни маркички. Цигарите се откриени при преглед на патничко моторно возило со бугарски регистарски таблички, пријавено за излез од државата. Возилото било управувано од бугарски државјанин, во придружба на две сопатнички, исто така бугарски државјанки. Поради невообичаената релација на движење и сомнителното однесување на патниците, извршена е детална контрола на возилото и личен претрес на патниците. Притоа под облеката на патниците откриени се вкупно 316 кутии цигари.
Во вториот случај, при контрола на патните торби на британски државјанин, кој се пријавил за излез од државата со намера да отпатува за Лондон, пронајдени се непријавени 23 штеки цигари со македонски акцизни маркички.
Од непријавена стока:
3 пумпи за црпење вода откриени се при контрола на празно товарно возило со македонски регистарски таблички, управувано од македонски државјанин, пријавено за влез во државата. Непријавените пумпи биле сокриени во просторот за палети на возилото.
3.400 парчиња диодни светла, 12 парчиња калапи за накит, 423 парчиња рачни часовници, 580 парчиња ремчиња за рачни часовници, 55 парчиња разни лекови, 1 професионална билјард маса во делови, 216 парчиња и 65 сета разни авто делови, привремено се задржани при контрола на патничко моторно возило-комбе со косовски регистарски ознаки. Во возилото кое сообраќало на линија Истанбул-Приштина, управувано од лицето Б.Ш. косовски државјанин, пронајдена е поголема количина на разна непријавена стока. Стоката била сопственост на возачот и тројца сопатници во возилото (двајца косовски и еден српски државјанин). Поради основано сомневање за менување на регистарските таблички, привремено е задржано и возилото во кое е пронајдена стоката.
Стока за која постои сомневање за повреда на права од интелектуална сопственост:
100 парчиња блузи и 180 парчиња хартиени налепници за текстил со лого на заштитени трговски марки чија вкупна вредност доколку се работи за оригинал производи би изнесувала 300 илјади денари. Стоката е пронајдена кај патник (македонски државјанин) при извршена контрола на патничко моторно возило комбе со македонски регистарски ознаки пријавено за влез во Република Македонија, кое сообраќало на релација Истанбул-Скопје.
Непријавената стока е привремено задржана, а против пријавените поднесени се соодветни прекршочни постапки. За стоката која е привремено задржана поради основано сомневање дека претставува фалсификат на заштитени трговски марки започнати се постапки за утврдување на оригиналноста./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Пијан возач од Турција направи хаос во Аеродром
Полицијата објави фотографија од сообраќајката што се случила синоќа на улицата Матеја Матевски во Аеродром, кога возач на „БМВ 5“ изгубил контрола и удрил во контејнери и во паркирано возило алфа Ромео. Осомничениот, 22-годишниот М.А.А. од Турција со привремен престој во Скопје, избегал од местото, јави Министерството за внатрешни работи.
Според пријавата, настанот се случил вчера во 22:50 часот. Полицијата го лоцирала возачот по кратка потера и го привела. При алкотест му биле измерени 0,97 промили алкохол во крвта, а по распитот бил изнесен пред судија за прекршоци.
Осомничениот се товари за 3 прекршоци, недозволена брзина, напуштање на лице место и возење под дејство на алкохол.
Црна хроника
Излизган камион го прекина сообраќајот на патот Струмица-Ново Село
Излизган камион на магистралниот пат Струмица-Ново Село-граничен премин со Бугарија, пред влезот во селото, предизвика прекин на сообраќајот од скоро еден час, од 14:10 до 15:00 часот.
Според информации од СВР Струмица, во сообраќајката нема повредени и загинати, а причинета е само материјална штета.
И од АМСМ информираа дека сообраќајот на магистралниот пат А4 Струмица – Ново Село кој беше во прекин поради случена сообраќајна незгода е нормализиран.
– Сообраќајот на државните патишта се одвива непречено, по влажни коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, информира АМСМ.
Црна хроника
Со БМВ удрил во контејнери и автомобил, па побегнал
Вчера во 22:50 часот во СВР Скопје е пријавено дека на сервисна улица од ул.„Матеја Матевски“ во Скопје патничко возило БМВ со скопски регистарски ознаки, управувано од М.А.А.(22) од Р.Турција, а со привремен престој во Скопје, удрило во контејнери и патничко возило алфа ромео со демиркаписки регистарски ознаки. М.А.А. го напуштил местото на настанот, но по преземени мерки од полициски службеници, тој набрзо бил фатен.
По целосно документирање на случајот ќе следува соодветен поднесок.

