Спорт
ПСЖ ќе мора да собере 60 милиони евра и ќе помине без казна од УЕФА
УЕФА нема да ги казни Пари Сен-Жермен за прекршување на финансискиот фер-плеј (ФФП), доколку францускиот шампион успее да собере 60 милиони евра приход до крајот на јуни.
Според УЕФА, финансиската инспекција одлучила дека ПСЖ неправилно ја пријавиле па…


УЕФА нема да ги казни Пари Сен-Жермен за прекршување на финансискиот фер-плеј (ФФП), доколку францускиот шампион успее да собере 60 милиони евра приход до крајот на јуни.
Според УЕФА, финансиската инспекција одлучила дека ПСЖ неправилно ја пријавиле пазарната вредност на „неколку“ спонзорства на клубот, вклучувајќ ги договорите од Катар поврзани со сопствениците на клубот.
Иако европската куќа на фудбалот е задоволна од договорите со кои на „Паркот на принцовите“ дојдоа Нејмар и Килијан Мбапе минатата година, трансферите вредни стотина милиони евра треба да се „израмнат“ на крајот на финансиската година на 30 јуни.
ПСЖ минатото лето плати 222 милиони евра да го откупи договорот на Нејмар од Барселона, а го доби Мбапе на едногодишна позајмица, пред ова лето да ја плати сумата од 180 милиони евра. Ова се двајцата најскапи фудбалери на светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мурињо суспендиран на три натпревари

Дисциплинската комисија на турскиот фудбалски сојуз го казни тренерот на Фенербахче, Жозе Мурињо со суспензија од три натпревари.
По поразот од Галатасарај на домашен терен со 1:2 во четврт-финалето на Купот на Турција, Мурињо му го штипна носот колегата од спротивниот табор Окан Бурук, што беше окарактеризирано како напад.
Порадит тоа, Португалецот беше суспендиран за следните три првенствени натпревари.
Под водство на Мурињо, Фенербахче ги загуби двете големи дербија на домашен терен од Галатасарај, во првенството беше 3:1.
Спорт
Мастер клас на Ферстапен – Холанѓанецот победи во Јапонија

Макс Фератспан победи на трката за Големата награда на Јапонија. На култната патека во Сузука, актуелниот светски првак победи пред возачите на Мекларен, Ландо Норис и Оскар Пјастри.
Третата трка во шампионатот на Формула 1 не донесе апсолутно никакви возбудувања. Ферстапен со победа го комплетираше успешниот викенд и ја запиша првата победа во сезоната.
Податок кој најдобро отсликува дека трката беше здодевна е тоа што во првите десет, во однос на стартото имаше само една промена на позиции. Луис Хамилтон заврши седми, а Исак Хаџар осми.
Најактивни во ткот на трката беа возачите на Вилија, Алекс Албон и Карлос Саинц кои имаа неколку преткнувања.
Ферстапен победи пред Норис и Пјастри, а зад нив завршија Парл Лекелр на Ферари, возачите на Мерцедес, Џорџ Расел и Андреа Кими Антонели, следуваа споменатите Хамилтон и Хаџар, односно Алекс Албон и Оливер Бернман.
Сезоната во Формула 1 продолжува наредниот викенд со трката за Големата награда на Бахреин.
Спорт
(Видео) Барселона не успеа да го победи Бетис

Во последниот натпревар од саботната програма од 30. коло на Ла Лига, Барселона и Бетис ремизираа 1:1.
Барселона пред натпреварот доби добри вести од Мадрид. Реал доживеа пораз од Валенсија (1:2) но не успеа да се одлепи на +6 од конкурентот за титулата.
Сепак, избраниците на Хансија Флик само делумно ја искористија својата шанса, бидејќи и со реми со Бетис ја зголемија предноста во поредокот на четири бода.
Сè започна брилијантно за лидерот. Феран Торес во седмата минута одлично го проигра Гави кој ја погоди малата мрежа за 1:0. Сепак, веќе во 17. минута Ло Селсо одлично нафрли од корнер, буквално го погоди Нејтан во главата кој изедначи на 1.1.
Барса очекувано доминираше, но не можеше да дојде до вториот гол. Имаше 76 отсто од поседот на топка, имаше повеќе удари кон голот 5:2, но не успеа да постигне уште еден гол и да освои три бода.
Нејтан можеше да ги шокира во 90.минута, кога неговиот удар од 25 метри Шчешни со крајни напори го исфрли во корнер.