Европа
Камерон размислува за забрана за враќањето на џихадистите
Лицата родени во Велика Британија кои заминале да се борат во Ирак и во Сирија во редовите на радикалните исламистички организации, би можеле да добијат привремена забрана за враќање во татковината, според плановите коишто ги разгледува владата во Лондон, пишува BBC.
Поради стравувањата дека британските државјани би можел од Сирија или од Ирак да се вратат во татковината и да изведуваат терористички напади, британскиот премиер Дејдвид Камерон размислува за низа мерки со кои такви акции би биле спречени. Камерон за тие планови со коишто сака да се спротистави на терористичките закани би требало подоцна во понеделникот да зборува пред пратениците во парламентот.
Британските безбедносни служби проценуваат дека најмалку 500 Британци заминале во Сирија и во Ирак каде многумина од нив се приклучиле на исламистичката групација Исламска држава (IS) којашто под контрола има големи територии во двете соседни држави на коишто прогласи калифат.
Како што е најавено, премиерот Камерон во своето излагање во парламентот би можел да ги најави и плановите за полесно запленување на патните исправи на лицата коишто би можел да бидат терористи, а коишто сакаат да заминат во странство.
„Владата разгледува серија мерки со коишто би сакала да ја гарантира безбедноста во земјата, во атмосферата на зголемените закани од исламскиот тероризам“, изјавил неименуван владин извор за BBC News. Тие мерки вклучуваат отежнување на потенцијалните странски борци да отпатуваат, како и привремена забрана за британските државјани да се вратат во татковината, доколку се осомничени за терористички активности. Деталите за целиот пакет мерки се во фаза на финализација, додал соговорникот.
Велика Британија во петокот го зголеми нивото на подготвеност на „сериозна“ закана, второто највисоко ниво, поради можни напади од лица кои престојувале или престојуваат во Сирија и во Ирак.
„Тоа значи дека терористички напад е многу можен, но нема разузнавачки податоци за него. Степенот на подготвеност се подигнува поради Сирија и Ирак каде што терористичките групи планираат напади врз Западот. Во некои од тие заговори би можеле да учествуваат и странски борци кои таму заминале од Велика Британија и од Европа“, изјави британската министерска за внатрешни работи Тереза Меј.
Министерката вети и поостри нови закони против исламистите за да се спречи нивно заминување во странство и радикализирањето меѓу 2,7 милиони британски муслимани. Меѓутоа, некои пратеници сметаат дека привремената забрана за враќање во татковината би можела да биде незаконска./крај/мф/сн
Извор: BBC News
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Пристигна првата реакција на Русија на планот за победа на Зеленски
Русија го отфрли планот за победа на украинскиот претседател Володимир Зеленски и рече дека планот нема никаква врска со потрагата по дипломатско или политичко решение за ставање крај на војната и го опиша како себичен гамбит на Зеленски.
Зеленски рече дека неговиот план, чии детали допрва треба да се откриваат, е финализиран по долги консултации. Тој треба да му го претстави на американскиот претседател Џо Бајден и да се обрати на состанокот на Советот за безбедност на Обединетите нации во вторник. Зеленски рече дека неговата иницијатива е дизајнирана да создаде прифатливи услови за Украина, која е во конфликт со Русија повеќе од две и пол години.
Портпаролката на руското Министерство за надворешни работи, Марија Захарова, им изјави на новинарите дека планот изгледа како себичен гамбит на украинскиот лидер кого Москва го обвинува дека се обидува да го вовлече Западот во вистинска војна против Русија.
„Единствената цел е да се спречи распадот на антируската коалиција и тоа, се разбира, нема никаква врска со задачата да се најде политичко и дипломатско решение за ситуацијата во врска со Украина“, рече Захарова.
Таа го повтори ставот на Москва дека Западот треба да престане да го финансира и снабдува Киев со оружје и рече дека секоја иницијатива со наводна цел да се постигне мирно решение е бесмислена ако не ја вклучува Русија. Истовремено, таа рече дека Москва е загрижена за, како што наведува, зголемените провокативни активности на НАТО на границата со Белорусија и додаде дека не исклучува обиди за ескалација на конфликтот во регионот.
Москва, исто така, во петокот го повика Западот за притисок врз Кина поради Тајван, велејќи дека неговите „провокативни“ активности ја поткопуваат регионалната стабилност и меѓународната безбедност. Захарова истакна дека Русија ги поддржува потезите на Кина насочени кон одбрана на нејзиниот суверенитет.
Кинеското Министерство за одбрана во петокот соопшти дека продажбата на американско оружје на Тајван сериозно го прекршува принципот една Кина и одредбите од заедничката официјална комуникација меѓу Кина и САД. Кина во средата објави дека ќе преземе мерки против девет компании поврзани со американската војска за продажба на американско оружје на Тајван.
Европа
Жената што го пријави Французинот во полиција по што се откри грозоморното малтретирање на неговата сопруга: Се однесуваше бедно
Жената по име Наталија е заслужна што Доминик Пелико, кој ја дрогирал сопругата и довел непознати мажи да ја силуваат додека тој снимал сè, се наоѓа пред суд.
Пелико беше уапсен во септември 2020 година во супермаркет во Карпентрас кога снимал жени под нивните здолништа. Пелико тогаш снимал и под здолништето на Наталија.
Во сведочењето за БФМТВ, Наталија рече дека е среќа што го пријавиле.
Наталија сега се присети на 12 септември 2020 година, кога сè се промени во нејзиниот живот, но и во животот на Жизел Пелико, сопругата на Доминик, која со децении трпела малтретирање, без воопшто да биде свесна за тоа.
Тој ден Доминик снимил три жени, а кога ја свртел камерата кон Наталија, пришол чувар и ѝ кажал што видел: „Тој снимаше под вашиот фустан, сакате да го пријавите?“ Тогаш Доминик Пелико беше приведен, му беше одземена компјутерската опрема и потоа беше откриен случајот со грозоморното малтретирање на неговата сопруга Жизел, кое го шокира светот.
„Го фрлив фустанот што го носев тој ден“, изјави Наталија.
Таа се присети на сите детали од тој ден во супермаркетот.
„Се однесуваше како мал бедник, како да сакаше да каже ‘ама ништо не направив’. Мислам дека сè уште имаше став на жртва“, рече Наталија.
Кога подоцна дознала за степенот на аферата, била шокирана.
„Барем две години, ако не и повеќе, не одев на шопинг во фустан. А фустанот што го носев тој ден го фрлив“, изјави Наталија.
Делумно благодарение на жалбата на Наталија, која отиде во полициска станица, Доминик завршил на суд поради злоупотреба на неговата сопруга Жизел. Наталија, барем до сега, никогаш не ја запознала Жизел Пелико. Сепак, таа навестува дека можеби ќе оди на сослушувањето за да ја поддржи.
Европа
(Видео) Кадиров објави снимка: „Испраќам два вооружени сајбер-камиона во војна во Украина“
Чеченскиот лидер Рамзан Кадиров објави ново видео на социјалните мрежи за кое тврди дека прикажува два сајбер-камиона „тесла“ за кои вели дека ги испратил во зоната на специјалната воена операција. Официјален Кремљ така ја нарекува војната во Украина, што ја почна рускиот претседател Владимир Путин пред две и пол години.
Претходно, на социјалните мрежи се пожали дека Илон Маск од далечина оневозможил едно од неговите возила. Кадиров рече дека далечинското исклучување не влијаело на другите два камиона и дека тие работат нормално.
Kadyrov said he had sent “two more” Cybertruck “to the special military operation zone.” Earlier, he complained that Elon Musk had “remotely disabled one vehicle.”
Kadyrov said that the “remote shutdown did not affect” the other two pickup trucks and that they were “operating… https://t.co/g1eUciaEqA pic.twitter.com/85SizuUxwH
— Anton Gerashchenko (@Gerashchenko_en) September 20, 2024
Двата сајбер-камиона прикажани на видеото се опремени со митралези, како и возилото што Кадиров го покажа во август.