Спорт
„Самураите“ со шок-терапија за Колумбија (видео)
Јапонија имаше совршен старт на Светското првенство во Русија, откако со 2:1 ја совладаа фаворизираната Колумбија, која на стартот остана со играч помалку по бизарниот црвен картон на Карлос Санчез.
И под новиот селектор Акира Нишино, Јапонија ја преки…


Јапонија имаше совршен старт на Светското првенство во Русија, откако со 2:1 ја совладаа фаворизираната Колумбија, која на стартот остана со играч помалку по бизарниот црвен картон на Карлос Санчез.
И под новиот селектор Акира Нишино, Јапонија ја прекина низата на лоши пријателски натпревари со победа која може да значи втора рунда во израмнетата група со Полска и Сенегал.
Клучниот момент на мечот се случи уште во третата минута, кога Осако успеа да избега на колумбиската одбрана и по ударот од десетина метри реагираше голманот Оспина, по што одбиената топка ја исфрли со раце Карлос Санчез за да добие црвен картон. Кагава беше сигурен од белата точка за водство на Јапонија по само пет минути.
Ова беше прв црвен картон на СП во Русија и по само 2 минути и 58 секунди игра втор најбрз црвен картон во историјата на Мундијалите.
Колумбија, и покрај ова, се созеде и имаше повеќе од играта до крајот на полувремето, со две добри шанси на Фалкао и притисокот се исплатеше кога во 39. минута, со одличен трик-слободен удар, Хуан Квинтеро го најде патот до голот на Кавашима.
Јапонија имаше подобар старт на второто полувреме, со две шанси на Осако и Инуи во првите десет минути, додека Колумбија се обиде да внесе свежост со влегувањето на ѕвездата на Баерн Минхен, Хамес Родригес. Осако во 73. минута го постигна првиот гол за Јапонија по изведен корнер во историјата на Мундијалите за да донесе славна победа на „самураите“.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Македонските едриличари настапуваат на Балканското првенство во Несебар

Едриличарската Федерација на Македонија ќе ја претставува нашата земја на 53-тото Балканско првенство во едрење за олимписки класи и Оптимист, што ќе се одржи во Несебар, Бугарија.
Настанот, во организација на Бугарската едриличарска федерација и Општина Несебар, ќе ги собере најдобрите едриличари од балканските земји кои ќе се натпреваруваат во класите Optimist, ILCA 4, ILCA 6 и Finn.
Натпреварите ќе се одвиваат од 17-ти до 19-ти Октомври, планирано е одржување на максимум девет трки во секоја класа, а завршната церемонија и доделувањето на медалите ќе се одржат на 19 октомври.
„Балканското првенство е еден од позначајните настани за нашиот спорт и претставува можност македонските едриличари да ги измерaт своите сили со најдобрите од регионот во конкуренција на голем број светски и европски прваци. Нашата репрезентација се состои од вкупно 13 натпреварувачи во машка и женска конкуренција, како во младинска така и во сениорска конкуренција. Нашата цел е преку вакви настапи да им овозможиме континуиран развој, искуство и меѓународна афирмација“ изјавија од Едриличарската Федерација на Македонија.
Балканското првенство е дел од официјалниот календар на европски и регионални регати, дел од календарот на Светската едриличарска федерација и претставува важен чекор во развојот на младите таленти и афирмацијата на олимписките дисциплини.
Со ова учество, Едриличарската федерација на Македонија го продолжува континуитетот на активно претставување на меѓународната сцена, после Светското Првенство во Словенија и Европоското Првенство во Полска, а со цел унапредување на спортот едрење и промоција на македонските спортисти и нашата земја.
Спорт
Ламин Јамал почна да наплаќа за автограм

Ламин Јамал без конкуренција е првата ѕвезда на шпанскиот фудбал, но не се труди многу да ги избегне светлата на големата сцена и реакциите на јавноста.
Јамал се најде во центарот на вниманието со одлуката дека повеќе нема да дава автограми на деца, освен ако не платат за тоа.
Иако и самиот се уште е момче, 18-годишен тинејџер, под изговор на капитализам и најголем можен профит, реши да ангажира специјализирана страница за колекционери преку која ќе го продава својот потпис.
Тој доби понуда, објавува „Мундо Депортиво“, која ја прифати и ништо повеќе нема да биде бесплатно кај него.
Уште повеќе, тој дури нема да дава премногу автограми, бидејќи колку помалку има, толку се повредни и поскапи.
Ова не е ново во светото на спортот, ново е во Европа. Леброн Џејмс и Лионел Меси го прават тоа во САД.
Наводно, ѕвездата на ЛА Лејкерс, Џејмс, од еден продаден автограм за работува и до 15.000 долар
Спорт
(Видео) Манасков го постигна голот на колото во ЛШ

Поранешниот македонски репрезентативец, Дејан Манасков, го постигна најубавиот гол во петтото коло, во Лигата на шампионите.
Еурофарм Пелистер, во средата загуби од Барселона во Битола со 30:34. Манасков голот на колото го постигна во последната минута. Тоа беше цепелин, додавање од голманот Митревски, а левото крило на Еурофарм Пелистер погоди од невозможен агол.
Foto/ facebook.com/hceurofarmpelister
🔥 𝙏𝙊𝙋 5 𝙂𝙊𝘼𝙇𝙎 – Round 5 powered by Gorenje!
1️⃣ Dejan Manaskov – HC Eurofarm Pelister
2️⃣ Mathias Gidsel – Füchse Berlin
3️⃣ Martim Costa – Sporting Clube de Portugal
4️⃣ Lazar Kukic – OTP Bank-PICK Szeged
5️⃣ Felix Claar – SC Magdeburg#ehfcl #CLM #handball pic.twitter.com/ZVZpxxXnmg— EHF Champions League (@ehfcl) October 17, 2025