Спорт
„Коцкестите“ ја понижија Аргентина и Меси! (видео)
Хрватска со 3:0 ја понижи Аргентина за да се пласира во осминафиналето на Светското првенство и во исто време да ги стави шансите на Лео Меси и на Аргентина за пласман на чиста теорија.
Аргентина се надеваше дека ќе може да се крене по разочарувачкото …
Хрватска со 3:0 ја понижи Аргентина за да се пласира во осминафиналето на Светското првенство и во исто време да ги стави шансите на Лео Меси и на Аргентина за пласман на чиста теорија.
Аргентина се надеваше дека ќе може да се крене по разочарувачкото 1:1 реми со Исланд, меѓутоа покажа лоша и неконцентрирана игра, посебно во одбраната, а Меси имаше посебно слабо прво полувреме во кое беше непрепознатлив на теренот.
Од друга страна, Хрватска има две победи од два меча за да биде блиску до осминафиналето со една од најголемите победи во историјата на „коцкестите“. Утре во вториот меч од второто коло во групата, Исланд ја пречекува Нигерија и од овој резултат ќе зависи дали Аргентина ќе има шанси за пласман.
Иван Перишиќ во петтата минута истрча напред, но неговиот шут беше одбранет од Кабалјеро во првата шанса на натпреварот.
Во 12. минута, Аргентина пропушти голема шанса, откако Меси изби напред, а Домагој Вида имаше лоша реакција во одбраната. Само минута подоцна Меза добива одлична топка во шестнаесетникот на Хрватска, но неговиот силен удар Ловрен го исфрлува во корнер. Аргентина може да биде опасна, нешто што не го покажаа во мечот со Исланд.
Во 20-тата минута, пречка за Аргентина откако Акуња се обиде да нафрли. Во 29. минута Хрватите имаа многу среќа, откако по мизерна реакција на нивната одбрана, Енцо Перез не успеа да погоди од стоотстотна шанса. Во 46. минута, Ребиќ избива сам пред голот, но пропушта фантастична шанса.
По првото полувреме со многу грешки и слаба завршница на напаѓачите така почна и второто. Во 50. минута, Перишиќ уфрли опасна топка, меѓутоа аргентинската одбрана имаше ретка добра интервенција. На другата страна, Агуеро се обиде од тешка позиција, но Субашиќ беше сигурен.
Во 53. минута, Хрватска стигна до неверојатно водство преку Анте Ребиќ, но вистински виновник беше Вили Кабалјеро, кој ужасно ја исфрли топката, директно на волејот на напаѓачот на Ајнтрахт, кој не греши и носи водство за Хрватска.
HOWLER BY WILLY CABALLERO!!!!! Shocking mistake by the #Argentina goalkeeper gifts #Croatia the 1-0 lead!!! Ante Rebić took advantage after overcoming his surprise. #ARGCRO #ARG #CRO ?? pic.twitter.com/etvCCeLVE2
— Jason Foster (@JogaBonito_USA) June 21, 2018
Аргентина очајно тргна во напад, а во 63. минута вистински тест за хрватскиот голман, откако Меза шутираше од пет метри.
— X (@X29845067) June 21, 2018
Во 81. минута, сите надежи на Аргентина за пресврт паднаа во вода, откако Лука Модриќ неочекувано беше оставен да се смири и да шутира од дваесетина метри и да го совлада Кабалјеро.
Во 85. минута, Хрватска можеше да стигне до 3:0 водство, откако слободниот удар на Ракитиќ заврши на местото каде што спојуваат дирекот и пречката! Ракитиќ во финишот на мечот става точка на натпреварот со уште еден гол за крај на мизеријата на Аргентина.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Армани Милано подготвил четири милиони за Милутинов
Италијанските медиуми објавија дека Никола Милутинов би можел да го засили Армани Милано. Истите извори пренесоа детали од финансиската понуда, според која српскиот центар би станал еден од најплатените играчи во Европа.
Никола Милутинов и Олимпијакос нема да преговараат по завршувањето на финалната серија во грчкото првенство.
Според сознанијата на грчкиот портал „Спорт24“, деталите за соработката, која е блиску до официјализација, веќе се познати.
Милутинов би можел да потпише договор на две години, за плата од 4 милиони евра.
Во првата година, српскиот центар би заработувал 1.800.000 евра, додека во втората би заработил 2.200.000 евра. За третата сезона не беше наведено колку би можел да заработи Милутинов.
Милутинов минатата сезона во Евролигата имаше просек од 8,2 поени со 5,4 скока и просек од 20 минути на паркетот. Дел од сезоната беше повреден, па тоа влијаеше и на неговата игра.
Спорт
Баерн се вклучува во трката за потписот на Нико Вилијамс
Нико Вилијамс долго време е интересен за многу големи клубови низ Европа.
Барселона, минатото лето беше заинтересирана за овој млад фудбалер, кој се премисли во последен момент и реши да остане во Билбао. Наводно Арсенал сериозно е заинтересиран, а сега во трката се вклучил и Баерн.
Според германски „Билд“, шпанскиот фудбалер бил скаутиран од директорите на Баерн, Макс Еберл и Кристоф Фројнд, за време на натпреварот против Франција, во Лигата на нации.
Олеснителна околност за Баерн треба да биде откупната клаузула за Вилијамс, која не е поголема од 60 милиони евра, што за гигант како клубот од Минхен не би требало да биде проблем.
Овој крилен напаѓач одигра 29 натпревари за Атлетик Билабо минатата сезона, постигна пет гола и забележа исто толку асистенции.
Спорт
Интер подготвиле договор за Киву
Кристијан Киву, до крајот на денот треба да потпише договор со Интер, тврдат италијанските медиуми.
Романецот, вчера бил во хотел во центарот на Милано, каде што имал разговор со челниците на Интер и како што стојат работите, состанокот поминал добро.
Киву треба да потпише двегодишен договор овој петок, по што официјално би бил претставен како нов тренер на Интер.
Тој доаѓа на тренерската позиција во клубот на местото Симоне Инзаги, кој гзамина по дебаклот во финалето на Лигата на шампионите и го презеде тимот на Ал Хилал.
Досега, Киву работеше како тренер само во младинските категории на Интер, а оваа сезона го водеше првиот тим на Парма, успеа да избори опстанок во Серија А.
Киву, играч доби „кредит“ беше дел од најславните моменти на клубот. Играше за Интер од 2007 до 2014 година, а во сезоната 2009/10 ја освои тројната круна, што е најдобрата сезона во историјата на клубот.
Уапсен малолетникот кој избоде маж пред џамија во Студеничани
МВР го расчисти вчерашниот обид за убиство што се случи пред џамија во скопско Студеничани и го уапси осомничениот 16-годишник....
Огромен објект никнува во Охридската чаршија, секој прави што сака, алармира Охрид СОС
Чаршијата во Охрид го губи својот лик. Иако е дел од Старото градско јадро, за кое важи посебен закон, односно...
СДСМ нема да му се извини на Љутков: „Сѐ што објавивме е вистина“
Од СДСМ велат дека нема да му се извинат на министерот за култура, Зоран Љутков, затоа што, како што велат...
Николоски: Позицијата на Македонија станува афирмирана во Европа
Дали Извештајот за Македонија ќе се усвои оваа недела и следната во Европскиот Парламент не менува ништо. Ова се историски...
Трамп назначи 22-годишен градинар за шеф на канцеларијата за спречување на тероризам
Американскиот претседател, Доналд Трамп, назначи 22-годишник за раководител на главниот центар за спречување на тероризам на Министерството за внатрешна безбедност....
Русија го нападна Киев со ракети и дронови, погодени воз и станбени згради
Русија изврши интензивен ракетен и беспилотен напад врз украинскиот главен град Киев, во текот на ноќта, при што загинаа четири лица,...
Незапаметена кавга меѓу двајца најмоќни луѓе во светот: Трамп и Маск „војуваа“ на социјалните мрежи
Само десет минути по почетокот на средбата со германскиот канцелар Фридрих Мерц, американскиот претседател Доналд Трамп беше прашан за сè...
Гужва на граничните премини Богородица и Дојран
Сообраќајот на државните патишта се одвива непречено, по суви коловози, информира АМСМ. Интензитетот на сообраќај на патните правци надвор од...
Започнува 59. МТФ „Војдан Чернодрински“ во Прилеп
Со претставата „12“, во режија на Синиша Евтимов, на Македонскиот народен театар, вечерва во 20 часот во големата сала на...
Арсовска до Елмази: Ќе ти објаснам уште еднаш ама читање до 4 одделение се учи
Градоначалничката на Град Скопје, Данела Арсовска, му одговори на Мухамед Елмази од Влен, дека Градот нема надлежност во Сарај. „Мухамед...
Мисајловски на состанок на НАТО во Брисел: Единството на Алијансата е на највисоко ниво
Mинистерот Владо Мисајловски заедно со министрите за одбрана на сојузничките земји денеска во седиштето на НАТО во Брисел учествуваше на...
За патувањето во Јапонија се потрошени 3.485.080 денари за билети, сместување и дневници, велат од ВМРО-ДПМНЕ
Во интерес на јавноста најостро реагираме на целосно шпекулативните информации и невистинити тврдења дека министерот за култура Зоран Љутков потрошил...
12 повредени од пожарот во Кочани се на лекување во болница, еден е во тешка состојба, рече Клековски
Сашо Клековски од ФЗО на денешната панел-дискусија, „Кочани е нашиот приоритет“, се осврна на ситуацијата во моментот во однос на...
(Видео) Кузеска: Власта организирано ги штити виновниците за трагедијата во Кочани
Христијан Мицкоски, Панче Тошковски и Коцевски и натаму ги штитат полициските службеници кои имаат директна вина за најголемата трагедија во...
„Шоферот го унапредил во службеник, вработена во кабинетот ја поставил за претседател на Управен во Опера и Балет, зошто на Љутков му се дозволува аздисување“, прашува СДСМ
„СДСМ денеска алармира за сериозни злоупотреби и скандалозно однесување во Министерството за култура и туризам, под раководство на Зоран Љутков....
Арсовска: Наредбите за девалвации и напади од штабот на ВМРО се спроведуваат
Наредбите за девалвации и напади од штабот на ВМРО се спроведуваат, објави на социјалните мрежи градоначалничката на Скопје, Данела Арсовска....
СВР Скопје го расчисти убиството во обид од 1 јуни, поднесени кривични пријави против три лица
СВР Скопје – Единица за насилен криминал поднесе кривична пријава против Г.А.(33) од Скопје поради постоење основи на сомнение за...
Тројца осомничени за обид за убиство пред фитнес-клуб во Чаир
Јавен обвинител од Основното јавно обвинителство Скопје донесе Наредба за спроведување истражна постапка против три лица за кои постои сомнение...
(Видео) Нови сателитски снимки го откриваат обемот на историската украинска операција
Новите сателитски снимки и снимките од нападот со дронови покажуваат сериозни оштетувања на руските авиони во неколку воздухопловни бази за...
Севернокорејскиот лидер вети безусловна поддршка за Русија на средбата со Шојгу
Севернокорејскиот лидер Ким Џонг Ун се сретна со секретарот на рускиот Совет за безбедност Сергеј Шојгу во вторникот, објави државната...
